VOV.Bahnar

VOV.Bahnar – Kơmăng năr 7/5, Tổng Bí thư, Kơdră teh đak bơ̆n Tô Lâm atŭm hăm khul kơpal tang măt ăn Việt Nam lĕch đơ̆ng Ấn Độ, pơtơm 'măng năm tơmang Kơpal truh teh đak Sri Lanka kiơ̆ nơ̆r hơvơn đơ̆ng ƀok Kơdră Anura Kumara Dissanayake.

VOV.Bahnar - ‘Năr 7/5, Phŏ Kơdră Quốc hội Nguyễn Hồng Diên kŭm hăm Khul tang măt Quốc hội dêh char Gia Lai pơgơ̆r tơƀâp bơngai tăh hla đơ̆ng rŏng kơ hop akŏm ‘măng mă mônh, Quốc hội jăl XVI.

VOV.Bahnar - Tơ̆ dôm tơring sơlam Ea Bung, Ea Súp, Ia Lốp, tơring đei lăng jĭ “tơring đei tŏ phang pơđang kơnê̆ hlŏh” kơ dêh char Đắk Lắk, tơdrong choh jang sa đei tơplih roi ‘lơ̆ng hơiă. Đơ̆ng dôm chŭn na iơ iĕ, gơnang gơnăi đơ̆ng săy phŏng, pruih pơgang, dang ei hlôi đei pơgơ̆r chih jang sa kiơ̆ trong akŏm 1 ƀôt, tơmơ̆t yoa kơmăy kơmŏk ‘nao, dar deh choh jang sa kiơ̆ trong jang hăm mơ̆r.

VOV.Bahnar - Pơgê 4/5, Ƀak si Hoàng Hải Phúc, Kơdră Anih vei lăng tơdrong jĭ jăn dêh char Đắk Lắk (CDC Đắk Lắk), tơroi hơdăh lơ̆m dêh char Đắk Lắk ‘nao chih iŏk bơngai lôch mă 2 jâu đei jĭ vơnh đơ̆ng kŏ, meo đơ̆ng blŭng sơnăm truh dang ei.

VOV.Bahnar - Mă đơ̆ng ‘nao tĕch mơdro hăm kơmăy điên tư dang 2–3 sơnăm đĕch ră, kon pơlei păng HTX tơ̆ Gia Lai hlôi chă đei trong tĕch mơdro sơđơ̆ng ‘lơ̆ng ăn dôm tơmam ‘lơ̆ng đơ̆ng choh jang xa đei tơ̆ tơring. Tơplih hăm kơmăy sô̆ ăn ƀôh, mưh tơdrong pĕng găn tơring đei sut hŭt lê̆, tơmam jang đei đơ̆ng tơring âu gơ̆h tĕch truh tơ̆ tơring nai, tĕch mơdro roi hrĕnh ƀiơ̆. 

VOV.Bahnar - Tơ̆ dêh char Quảng Ngãi, đơ̆ng achon đak dơsĭ Lý Sơn truh tơ̆ tơring groi kông Măng Đen, lơ tơdrong hơlen lăng chrih 'nao 'lơ̆ng tŏk bŏk pơm ăn tơmoi truh tơmang lăp kơ đon. Dêh char pơjing đei lơ hơnih truh tơmang ăn tơmoi, hơtŏk tơ-iung kơtang gah mŭk drăm, tơgop hơtŏk tơdrong hơrih ăn kon pơlei păng vei răk tơƀăk mong dôm tơdrong 'lơ̆ng rŏ joh ayŏ kră sơ̆.

VOV.Bahnar

VOV.Bahnar

VOV.Bahnar

VOV.Bahnar

VOV.Bahnar - Tŏk bŏk pơyan tŏ tôch kơ dêh tơ̆ Tây Nguyên, ‘năr tŏ pơdui đunh pơm ăn ‘long pơtăm jô hŏnh, đak roi ‘năr roi hrơ̆ đĭ, lơ kon pơlei oei răp gô lơ̆m “apĭnh đak ‘mi” nhen 1 đon lui joăt joe. Hơdai hăm ‘noh jĭ tơdrong sir iŏk đak luh lah, soh mir ưh kơ đei vei lăng păng tơ jur hơgăt teh bri tŏk bŏk pơm ăn tŏ phang pơđang sa roi dêh dơ̆ng. Pơm tông hơtuch giĕng năr ‘nâu tơroi kơ tơdrong ‘nâu păng trong jang kơchăng pơm lăp păng vei lăng tu đak, ‘long pơtăm mă kĕ yak hloh pơyan tŏ, păng tơdrong jang sa mă đei vei sơđơ̆ng kơjăp.