VOV4.Bahnar - Tơdrong kơtơ̆ng ang ‘năr ou, đei dôm tơdrong tơm tơ̆ hơla âu: - Kơdră Quốc hội Trần Thanh Mẫn tơƀâp bơngai tăh hla tơ̆ plt Vị Thanh, dêh char Hậu Giang. - Bơngai tăh hla Lâm Đồng pơngơ̆t plt Đà Lạt hrăt hrot bơngai mưh jing anih Kơdrâm kơ dêh char ‘nao. - Lơ̆m 4 sơnăm, Đắk Lắk tơjur đei truh 1 puăt kơsô̆ unh hnam tơnuh tơ̆ tơring kon kông. - Kơdră chĕp kơ̆l 2 dêh char Đắk Lắk păng Phú Yên pơgơ̆r Hop akŏm pơma nuh găh trong tơmât hơdai dêh char. - Mi khan hơdrol vă pơdơ̆h rim tơdrong adrin chă trong pơjing rơngei ăn tơdrong tơblăh đơ̆ng Nga păng Ukraine.

VOV4.Bahnar - ‘Năr 18/4, ƀok Phan Đình Trạc, Kơdră jang lơ̆m Anih tơm Chinh trĭ, Bí thư Trung ương Đảng, Kơdră chĕp kơ̆l Anih jang Nội chính Trung ương kŭm hăm Khul tang măt Quốc hội dêh char Lâm Đồng tơƀâp bơngai tăh hla tơ̆ phường 4, plt Đà Lạt.

VOV4.Bahnar - Kơsơ̆ năr 18/4, Khul kơpal kơ Anih jang gah Kon kông kơ Kuôk hô̆i hlôi pơm jang hăm Anih jang vei lăng kon pơlei dêh char Đăk Lăk gah pơm kiơ̆ Tơchơ̆t jang kơ teh đak hơtŏk mŭk drăm – tơpôl tơring kon pơlei kon kông păng groi kông, jăl sơnăm 2021–2030.

VOV4.Bahnar - Sơnăm 2025, dêh char Gia Lai jang keh đang trong tơlĕch jang tih găh atŏk kơtang tơlĕch kon jên tơmơ̆t jang kơ teh đak vă atŏk tơ iung mŭk drăm-tơpôl. Mă lei, đơ̆ng rŏng Jăl I, tơdrong tơlĕch kon jên jang kơ dêh char ‘nao lăp jơnei hloh 10%. Lơ tơdrong vă jang tơm tơ̆ Gia Lai oei tơƀơ̆p tơnap tap, pơm hiơ hiơ̆ truh tơdrong ming man, pơm kơnê̆ truh trong tơlĕch jang tŏk mŭk drăm kơ dêh char, pơkoel ăn rim tơring hơdrin hloh dơ̆ng hơmet pơ ‘lơ̆ng.

VOV4.Bahnar - Khei ‘năr âu ki, kơsô̆ bơngai tơpŏh jĭ grŏnh tơ̆ Lâm Đồng tŏk hrĕnh, hăm vă jê̆ 1.000 ‘nu bơngai jĭ.

VOV4.Bahnar – Mă ah khei 3 – Khei hơdruh tơdăm iung pơm jang hlôi đĭ, mă lei dôm tơdrong jang tơgŭm kon pơlei, lơ̆m noh đei tơdrong jang pơjing tơring tơrang 'nao kơ Đoan hơdruh tơdăm dêh char Lâm Đồng adoi tŏk bŏk oei đei pơm jang, tơgop iŏk yua jơhngơ̆m pran kơ sơnăm mơlôh lơ̆m tơdrong jang hơtŏk – tơpôl, tơplih kơmăi kơsô̆.

VOV4.Bahnar - Lơ̆m dôm tơdrong jang vă hơiă kơ 50 sơnăm Năr tơblăh iŏk rơngei tơring Pơbăh, pơjing đei 1 teh đak kơjăp ‘lơ̆ng (30/4/1975 – 30/4/2025) păng 79 sơnăm Năr Ƀok Hô gơih Kơthơ ăn Hop akŏm dôm hơdrĕch kon kông tơ̆ tơring Pơbăh pơgơ̆r tơ̆ Plei Ku (19/4/1946 – 19/4/2025), dêh char Gia Lai ‘nao pơgơ̆r Năr jŏh ayŏ kơ dŏ xoang kơ dôm hơdrĕch kon kông ‘măng mă IV. 800 ‘nu ngê̆ nhơ̆n dơ̆ng tang ăn dôm hơdrĕch kon kông arih xa tơ̆ dêh char Gia Lai, tôn chĭng, hơri hơxoang tôch hơiă lơ̆m năr pơchơt.

VOV4.Bahnar

VOV4.Bahnar

VOV4.Bahnar

VOV4.Bahnar - Bơngai Raglai đei tơdrong oei sa joh ayŏ lơ, mă kăl găh tơdrong joh hơri, hăm nơ̆r hơri pơm ăn rim bơngai hyŭ rơdu hyu rơmơ̆n. Tơdrong tơroi kră sơ̆ “Nơ̆r hơri kơ bơngai Tơmo” tơroi găh bơngai hơ ioh Đá Ngọc hơri dôm tơdrong hơri pơm ăn rim răih bơngai lŭ lăp, hiơt hyong khei mơ̆t, dĭng truh ƀrach hơdăh. Nơ̆r hơri kơ bơngai tơmo pơm ăn sem bri brăh jei vang chă joh hơđoang hiơt hiong holoi chă phă pơrăm ƀa hơƀo kon pơei. Păng Nơ̆r hơri kơ bơngai tơmo jei pơm ăn hơyăt hơchăng khel đao, blŏk vih hơrih sa ‘lơ̆ng hơ iă nhen kon pơlei hmă.

VOV4.Bahnar - Tŏk bŏk lơ̆m chăl arih xa ‘nao, lơ đe tơdăm tơ̆ tơring hơtăih yăih hơnơ̆ng ‘mĕh chă tơdrong jang, vă đei đăi kon jên pơyoa ăn tơdrong arih, huei kơ pôm răp gô đơ̆ng jang mir na, ƀât lăp đei ƀât lăp ưh. Đơ̆ng noh đe sư jing ƀônh lui kiơ̆ nơ̆r hơlĕnh “jang hơ ‘yơch jên khei lơ”, đang kơ ‘nŏh jing bơngai chă hơlĕnh kơ đe jơ̆p jơ̆p tơring. Pơm tông “Tơdrong jang hơ ‘yơch jên khei lơ – Nơ̆r pơhlŭ tôch nhop kơđon” roi tơƀôh 1 tơdrong krê hơmơt hrei ‘nâu tơ̆ pơlei pơla Tây Nguyên.