VOV4.Bahnar - Tơdrong kơtơ̆ng ang 'năr âu, ‘năr đei 1,2 tơdrong kơ tơ̆ng ang tơm tơ̆ hơla âu: - Tổng Bí thư Tô Lâm năm ngôi păng bơ̆jang tơ̆ dêh char Nam Định. - Thủ tướng Phạm Minh Chính pơma dơnuh hăm Kơdră tơm teh đak Ba Lan. - Chơt hơiă Têt lĭnh vei lăng tơring sơlam tơnŏ jơhngơ̆m kon pơlei tơ̆ tơring sơlam Kon Tum. - Kơdră tơm teh đak Mi Joe Biden iung pơma hơdrol kơ pơtôch jăl jang. - Kơdră dơnơm Anih vei lăng jang pơgang Apŭng plĕnh teh hôn bơnê tơdrong drơ̆ng nơ̆r pơdơh kơ tơblăh Ga-da.

VOV4.Bahnar - Kơsơ̆ ‘năr 16/1/2025, lơ̆m ‘măng năm hơpong tơ̆ teh đak Ba Lan, Thủ tướng Phạm Minh Chính pơma đam hăm Kơdră tơm teh đak Ba Lan Andrzej Duda.

VOV4.Bahnar - ‘Năr 16-1, Khul bơngai răm đơ̆ng pơgang dioxin Việt Nam pơgơ̆r tơƀâp, pơjao tơdrong jang oăng hơpăh tơmam Têt ăn bơngai răm đơ̆ng pơgang dioxin tơ̆ dôm apŭng Ea H’leo, Krông Năng păng Krông Búk, dêh char Đắk Lắk.

VOV4.Bahnar - Têt Nguyên đán Ất Tỵ 2025 vă jê̆ truh, kiơ̆ tơdrong joăt, tơdrong chă răt yua đơ̆ng kon pơlei hmă hmă tŏk lơ. Vă sơđơ̆ng ăn ‘meh vă răt yoa ou, hrei ou rim hơnih mơdro sa tŏk bŏk akŏm pơm tơlĕch tơmam drăm, rim hơnih mơdro tơlĕch trong jang akŏm lơ tơmam drăm, hơmet ăn tơmam drăm tĕch mơdro lơ̆m năr Têt, mă kăl rim tơmam drăm kăl.

VOV4.Bahnar - Vă vei lăng rơgoh ‘lơ̆ng tơmam sa, tang găn tôch ai dôm ‘măng pơnhŭl tơmam sa năr Tết Nguyên đán Ất Tỵ păng pơyan Lêh Puih mak 2025, Khŭl pơgơ̆r jang lơ Anih jang Trung ương găh vei lăng rơgoh ‘lơ̆ng tơmam sa hlôi pơjing Khŭl hơlen lăng lơ anih jang, tơm hơlen lăng tơ̆ 10 dêh char, pơlei tơm đơ̆ng dêh char, pơlei tơm truh xăh, phường. Tơdrong tơm gô akŏm hơlen lăng dôm tơmam, grŭp tơmam yua lơ lơ̆m năr tết, akŏm hơlen lăng tơdrong pơm kiơ̆ dôm tơdrong hơgăt khôi luơ̆t lơ̆m pơm tơlĕch tĕch mơdro tơmam sa, dôm hơnih tĕch mơdro tơmam et sa lơ̆m kơplăh hơlen lăng kăl kơ rơđăh kơsô̆ lơ, tơdrong pơm glăi vă đei lăng kiơ̆ hơdăh păng phak kiơ̆ tơdrong hơgăt. Hơdai hăm, tơgep tơroi tơbăt găh vei lăng rơgoh ‘lơ̆ng tơmam sa lơ̆m kơplăh hơlen lăng.

VOV4.Bahnar - Tơdrong jang tơm Teh đak atŏk tơ iung mŭk drăm tơpôl tơring kon kông păng groi kông (krao vă kơđeh ‘noh tơdrong jang 1719) đei tơlĕch jang tơ̆ dêh char Gia Lai kiơ̆ trong pơrô̆ jang đơ̆ng Tơdrong jang kơsô̆ 29 kơ Hơnih Đảng dêh char, hăm tơdrong tơm ‘noh xek tơlang dôm tơdrong kăl kơ kon pơlei kon kông. Hăm trong chĕp pơgơ̆r, pơchoh trong đơ̆ng rim khul kơdră đảng, tơdrong jang ưh khan lăp hơnhăk đei tơplih ‘lơ̆ng hơ iă mă lei oei sơkơ̆t hơdăh hơnăp jang chĕp pơgơ̆r tôch gĭt kăl đơ̆ng rim khul kơdră đảng lơ̆m tơplih ‘nao păng atŏk tơ iung.

VOV4.Bahnar – Pơgê 'năr brei (16/1), Anih Joh ayŏ, Tơplŏng kơdâu păng Tơmang pơhiơ̆ Đak Lăk pơm lêh pơjao chĭng chêng, hơbăn ao tanh, kơmăi kơmŏk, brŏ âu ăn kâu lak ƀô̆ păng khul joh ayŏ kơdŏ suang tơring kon kông lơ̆m dêh char.

VOV4.Bahnar

VOV4.Bahnar

VOV4.Bahnar

VOV4.Bahnar - Tơdrong tơroi Đao ƀok Tŭ kơ hơdrung Bahnar tơroi găh mĭnh ‘nu bơngai nuih mơng hơdrung Bahnar. Bơngai tơdăm ƀôh tơdrong lôch răm kơ pơlei pơla kơna hơdrin iung năm tơchă dôm bơngai gơ̆h hơgei nuih mơng mĭnh nơ̆r ƀơ̆r đon nhen kơ dih vă iung tơblăh pơrăm hŭt ayăt, jơhngơ̆m đon ‘mêm kơ eng kon pơlei pơla đơ̆ng bơngai tơdăm ou pơm ăn kơ yang măh ƀrơ̆k mơnat, gơnơm đei đao yang chă tơpơng ăn, bơngai tơdăm hlôi tơblăh kĕ ayăt chư̆ kơnê̆ iŏk tơvih đei dơ̆ng tơdrong hơrih sa hiôk hian, chơt hơ iă, hơnŭk hơnoa ăn pơlei pơla.

VOV4.Bahnar - Tơdrong arih xa chăl hle hrei ‘nâu hơnhăk ba lơ tơdrong đei yoa, mă loi jĭ tơdrong tĕch mơdro lơ̆m mang internet. Lăp kăl đei jên, ngôi kơtă tơ̆ hnam bưh bơ̆n gơ̆h răt iŏk tơmam đơ̆ng rim teh đak lơ̆m apŭng plenh teh. Mă lei “ƀât lăp kŭm đei tơdrong ưh hơiă ‘năi”, yoa đei lơ bơngai pŭh ƀơm nơ̆r đe hơlĕnh pơdăr mưh răt tơmam online, kơna bơ̆n athei kơchăng hăm tơdrong ‘nâu. Mă loi ƀât hơtuch sơnăm, vă jê̆ têt, lơ bơngai pơm yoch hơnơ̆ng chă trong hơlĕnh pơdăr vă iŏk pơgâm jên đe.