Têx lênhx sâu xor xưv tuz lênhv Pênhz phax nhoz Sơn La

           Hâur paz tuz lênhv qênhz yuôx shuôs ntus đriv ntơưv huyện Sốp Cộp, tỉnh Sơn La, muk đhâu têx har jôngr lâul, xuz tsuôs, trôngz jêz siêz, Thiếu tá Vì Văn Hiện, Phongx Chính trị, tuz lênhv pênhz phax tỉnh Sơn La tsi tiêk muôx yênhx puô jax pov tsir, xor xưv, đuôz yax kriê lok tsưx phưv đriv têz. Đros thiêz thiếu tá Vì Văn Hiện, iz jax pov tsir zos iz tsưr ziv jông yax kriê  cêr uô nênhx, tsưr ziv, siêz xar, lar heik zos hâux lưv phax tar chor nênhs zuôr muôs uô luôv zax zênhz tsi trơưk chei đhâu ntus đriv. Thiếu tá Vì Văn Hiện heik: “Uô pov tsir, sâu xor xưv nhoz thax tsav ntus đriv tsi tiêk tsuv truôx siêz, pêz tsênhv pâuz tsênhz lok thax tsav qơư, lênhx nênhs hur si. Têx jiês đros lưv lươngv muk qênhz yuôx, yơưz phơưz chor nênhs fêv, nênhs uô  cxâuv chei têz qơưk hâur xuz jôngr, thax tsav tox siêz đêz đrôngs, têx đuôz pêz cxeik tâu, têx jax pêv, luk heik pêz cơư tâu puôr lênhx zos tas ntâu côngz đas jos hla đhâu phiv liv, cêr txov, muôx kênh jiês zos cuô muôs si, greix pôngz nyar đros lok six riêz nênhs”.

           Thiếu tá Hiện zos lênhx cxeik têx đuôz, cuz nxor nhoz ntus đriv, mak Thiếu tá, tuz lênhv Quàng Mạnh Hùng, cux uô hâux lưv hâur Phongx Chính trị, tuz lênhv pênhz phax tỉnh Sơn La, ho tâu pâuz txos đros thiêz têx jax sâu lok phax tir thêir chor nênhs fêv, nênhs uô cxâuv chei têz qơưk muk lol đhâu ntus đriv.

            Txix jax sâu, têx đuôz xos trâu xor xưv, tix lâus thâuv tưs tưz tsuv heik têx muôx tsênhz, sâu mênhx, uô li ntơư thiêx hu zâuv tâu ntâu tus chôngz lênhx sox seiz, đros mnôngs, thôngx siêz, côngv têk phax tir thêir chor nênhs uô cxâuv chei têz qơưk muk lol đhâu ntus đriv.

           Trơưk li Thiếu tá Hùng, iz jiês muk uô côngz xưv, tix lâus cê zos lênhx lês uô têx hâux lưv phax tar nênhs fêv, nênhs uô cxâuv chei têz qơưk, cê zos lênhx piêr đuô, heik lok têx xor xưv, cuz nxor ntơư; co zos iz kro zôngx ziv taz sik cux zos hâux lưv lox, zov chênhr thâuv heik mênhx, uô tsênhz đuô têx li heik sâuv, cux taz por tâu têx hâux lưv zok muôz, tsưx phưv têz qơưk, thax tsav ntus đriv: “Hâur ntu uô têx hâux lưv heik co cux njiz trâus lok six ntâu phiv liv, muôx kênh lênhx luôs pâuz tâu txos chor tuz sâu xor xưv têx muôx liv thiêz jông mak lơưr cux shir phaz, jông siêz paz. Têx lênhx luôs tsi to tâuz, tsi pâuz tsênhz, lơưr cux uô phiv liv, tuôr thênhv txos hâux lưv sâu xor xưv. Kênh jiês pêz tsuv yax kriê, phênhz tsênhz mênhx, hur si txix luk heir ntơưv qơư, luk Choz Tsiz thiêx muôx tâu têx mông jông, zov chênhr xa lok trâu têx ntơưr pov tsir, Đeix”.

            Đại tá Vũ Đức Tú, Phưv Chính ủy Tuz lênhv Pênhz phax tỉnh Sơn La heik pâuz nzir: Chor tuz lênhv pênhz phax thâuv tưs tưz hux jos truôx đros cxuô cơ quan ntơưr pov tsir T.Ư thiêz ntơưv qơư lok yax kriê, xa tuz lênhv pênhz phax têx hâux lưv seiz car, tsưx phưv đriv têz; paz pêx xênhv huôv tsar uô nox uô hnar, cxiv tsa, tsưx phưv truôx thax tsav ntus đriv.

            Ciês hâur shông 2024 nhiv kruôr đhâu, têx lênhx uô hâux lưv “viv thax tsav đriv têz truôx tuk” tưz cxiv sâu tâu ntâu jax xor xưv tso sâuv têx ntơưr pov tsir T.Ư thiêz ntơưv qơư...., paz nhênhz chơưv yax xa têx mông phax tir thêir chor nênhs fêv, nênhs uô tsi truôx tuk thax tsav qơư; sik đros tsưx phưv truôx chính trị, por hưv jông têz qơưk tiêx tuk, tsi muôx cuz nxor: “Chiê tror khav tinhv thiêz uô jông trơưk têx luôs hâux lưv tưz uô tâu ntơư, Đảng ủy Bộ chỉ huy tuz lênhv Pênhz phax xav tinhv, sir jos hlôngr yiêz hur si tsưr ziv, tsênhv njiêz hâur hâux lưv yax kriê, xa têx xor mông. Iz chas ntơư, hux jos truôx đros VOV, cxuô cơ quan ntơưr pov tsir ntơưv qơư chiê sik cơưv shâuv, sik pheiz kênh txux chi tsưr ziv uô hâux lưv sâu xor xưv chiê uô tâu jông têx luôs hâux lưv zok muôz”.

              Nhoz trâu thax tsav Tây Bắc, tox trôngz hâur pêk siêz thiêz ntux txơưr txar phiv liv, chor tuz lênhv gra meir cxeik đuôz, têr tuôr ntơưr sâu cux tsênhv sir jos muk yênhx thax tsav, suôv qơư uô hâux lưv sâu xor xưv, yax xa mông; đhâu têx jax pêv lơưr piêr seiz njiê pov iz thax tsav ntus đriv truôx tuk tâu cxiv tsa txix Đảng, têz qơưk cêr moz siêz txos, đros trâu tsôngv pêx xênhv thiêz chor lênhx tuz lênhv nhoz no têx sir jos siz chos hla đhâu phiv liv, cêr txov./.

Trấn Long-Riê Lâux cxeik, nhênhv

Hêir nênhs Êđê suôz yuôz trax cuz tưv

           Cuz tưv tâu hêir nênhs Êđê muôz chox lok uô trax yuôz huv đros hêir nênhs co luz nênhx khưr, nox nhoz muk lok hâur niêx hnuz. Lênhx nênhs yuôz đros trâu chor ntir ntêk pok cxuô luz kror cuz tưv đror sôngz, lâuk jông lov jêv, shir phaz lul txơưr tsik siz thôngx.

          Chiê tsiv uô cov tâu iz luz trax cuz tưv chox lok yuôz đror huv đros, lênhx nênhs uô co tsuv max mav muôz tus cuz tưv co chox lok tho cxuô luz kror cov đror huv đros.  Zơưv Y Đắc Niêv, nhoz xã Cư Suê, huyện Cư Mg, tỉnh Đắc Lắc shir phaz lul hêik pâuz: “Thâuv cur tsênhv zâu, sêiz pov chor lâuk muôz ntông chox lok tho uô kror yuôz txuôk đros cuz tưv thiêz muôz shôngz chox lok uô blêiv, muôz chiêz mur chox lok lênhv cov cxoz điv pa, yuôz luz trax co thiêx đror jông”

          Hâur cxuô ntênhk txi côngv cxư, tâu xav zos thor cov côngv thôngx sđ muôx jông đas jos, muôx luz nênhx tsâu sor. Lar hêik zos, cxuô zav tsưr ziv siêz xar hâur luz nênhx, puôr lênhx muôz uô suôz trax yuôz hêik đhâu trax cuz tưv huv đros hâur luz nênhx. Zơưv Y Dũ Êban, nhoz xã Cư Suê, huyện CưMg, tỉnh Đắc Lắc hêik pâuz nzir: "Hnor chor lâuk hêik kriê tsês, hâur ntu đrav ntêx, hêir nênhs Êđê yuôz trax cuz tưv, puôr lênhx yuôz trâu hâur têx hnuz kriz ntênhk txi côngv hâur côngv thôngx; ntênhk txưk tuôs”

          Hâur ntu têz qơưs hlôngr yiêz nhiv no, hêir nênhs Êđê luôs hâux lưv tsiv uô thiêz yuôz trax cuz tưv cxôngx nzor tưz trâus pôngz plox lơưv jux juk. Zơưv Y Trinh-Êban, nhoz huyện Cư’M ga, tỉnh Đắc Lắc hêik pâuz: “Chiê tsiv uô cov tâu iz luz trax cuz tưv yuôz suôz đror jông, huv đros, cux tsik zôngx ziv thiêz chor hluôk nhiv no hâur jêx jos tsik muôx lênhx nênhs tưs pâuz uô; yuôr tsơưs chor lâuk nhoz iz cxiê jêx jos txơưr thiêx pâuz uô thiêz hâur ntu nhiv no, tsik yuôr sir zôngv trax cuz tưv yuôz hâur têx hnuz kriz ntênhk hội thiêz hêik têx txux chi co trâu tsôngv kruô sđ pâuz”

           Chênhr zos li hêik ntơư, hêir nênhs Êđê tsuv tuôr cov tâu tsês zuk hêir nênhs têx txux chi yuôz trax cuz tưv cxôngx nzor cov muôx đros đrêiv hâur luz nênhx tsik chiê pôngz plox./.

                                        VOVTN-Tsu cxêik nhênhv