VOV.K’Ho- Jơnau yal tơngĭt mho ngai dơ̆ pe, ngai 5 nhai 5 nam 2026, geh ală jơnau tơngĭt tờm tơnơ̆ do:

VOV.K’Ho- Dờp jơnau jà bơh Thủ tướng Ấn Độ ồng Narendra Modi dê, drim do (05/05), Tổng Ƀí thư, Củ tịc lơgar ồng Tô Lâm bal mờ Mpồl cau ala mat kâp dờng lơgar he lòt gùng còp kâp dà lơgar tus lơgar Kộng hòa Ấn Độ.

VOV.K'Ho- Di tơnkah 51 nam Ngai Tơnklàs đah Jum, tơrgùm dùl dà lơgar ngai 30 nhai 4 mờ Ngai Ală lơgar Lơh broă ngai 01 nhai 5, Mpồl lơh broă bơh đơng lam Đảng, Dà lơgar dê bơh ồng Nguyễn Thanh Nghị, Lam bồ Mpồl Gùng dà broă lơh, Kwơ màng Dà lơgar lam Bồ mpồl neh tus còp, pà phan ală hìu nhă geh sră dong kờl tàm sàh Cư̆ Jút, càr Lâm Đồng.

VOV.K'Ho- Tàm bơta tam gơl nhơm trồ tiah ngai sơlơ uă tai, broă săc rwah ală bơta chi tam gơdờp niam mờ bơta geh is, mơkung cèng wơl bơta kwơ lơh sa kơ̆ kơl jăp gam gơgơs jơnau sồr jal mhar gơ kờñ ngan. Tàm càr Dăk Lăk, is ồn tàm ală tiah ro prang dờng, ù ro kơnrañ đah măt tơngai Mŭt, tiah rềp nhàr lơgar, tờm gle gam pờ gơlik gơn kơnờm bơtàu tơngguh lơh gơlik geh broă lơh broă sa ai làng bol in, mơkung pơgồp bơnah chồl pràn bơtàu tơngguh lơh sa tơlir.

VOV.K’Ho- Drim òr (04/05), ƀák sìh Hoàng Hải Phúc, Kwang lam bồ Anih tờm gròi sền kòp tê jê să càr Dăk Lăk yal, tàm càr do pa git gŏ cau chơt dơ̆ 2 pin gơbàn kòp sơnrang bơh so, mèu bơh bồ nam tus tŭ do.

VOV.K’Ho- Sàh Đak Sơ Mei – tiah pôs đồng kăc màng - Ƀòn tờm Cau khin cha jak chài Wừu dê tàm càr Gia Lai, gam “tam gơl muh mat” bềng lìu bơta pràn kis pa. Rài kis hờm ram pah ngai tus mờ làng bol tàm tiah pôs đồng kăc màng do dê.

VOV.K'Ho- Tàm dơ̆ ơm rơlô ngai 30 nhai 4 mờ ngai 01 nhai 5, càr Gia Lai gơhòi gơjà di pơgăp 625 rơbô dơ̆ cau năc lòt nhơl, priă geh rơlao 1 rơbô tơmàn đong.

VOV.K'Ho-

VOV.K'Ho-

VOV.K'Ho-

VOV.K'Ho-

VOV.K'Ho- Drim gờñ ngai rơlô, neh gơs bơta mờng kwèng, bi K’ Hồng - Ƀí thư Đoàn sàh nggui tềng đăp kơlik hìu hùc dà kơphê jài, sền ƀăo điện tử zài nàng sền gĭt jơnau yal tơngĭt pah ngai. Di tŭ do, Mè K’ Bru lòt gan tềng đăp hìu: