Bruk salih ma so jien kak je meng lek taka angan menuac urang hu caong takre brei paglaong bruk tantu cambaih laih, samu harak kak jie saong patrun kan kandah dalam bruk pasang iek menuac urang.

Tui adat lek taka angan menuac urang brei hu pandar salih ka lek taka kak jien je di baoh sang, baoh sang pablei salih, urang pablei salih, urang kak je.

Tui Chi cuc Jien Kak je labik I, bruk pandar lek taka angan menuac urang salih ma so jien kak je piah ngak bahrau bruk pasang iek jien je, gam haong di nan ngak samu harak gar brei kak je saong janih lek taka du lieu negar ka rahra.

Tui adat bahrau, dom urang hadei pandar lek taka angan menuac urang salih ka ma so jien je di urang kak je:

- Menuac urang hu jien mek tame daok dalam sarak kak jien je meng jien mek tame di drei

- Menuac urang lac urang pambak tame jien je meng jien mek tame di drei.

- Urang lambaok ka baoh sang, lambaok ka baoh sang ngak mbang pablei salih, urang pablei salih

- Kapul, baoh sang rahra saong menuac urang karei brei hu ngak bruk haong kadung jien karja.

Bruk salih meng taka ma so jien kak je tapa lek taka angan menuac urang brei rah tabiak tui dua jalan ini:

Bruk khau tin njauk tapak: Baoh sang ngak mbang pablei salih, baoh sang rahra, urang daok di dalam bruk pandar lek taka angan menuac urang salih ka lek taka kak jie dahlau harei 1/7/2025 saong khau tin tut angan jien je hu njauk haong khau tin di menuac urang hu khik piah dalam Co so du lieu negar ka rahra ye hu pandar lek taka angan menuac urang salih taka ma so jien kak je meng harei 1/7, dalam nan hu bruk pasiam, pabak bruk kak jien je karei tui ma so jien kak je hu brei dahlau nan.

Bruk khau tin oh njauk atau oh hu ginup: Bruk baoh sang ngak mbang pablei salih, baoh sang rahra, urang hu brei ma so jien je dahlau harei 1/7/2025 min khau tin tut angan ka jien je di menuac urang hu khik piah dalam Co so du lieu negar ka rahra atau oh hu ginup ye jabat jien je pabak khau tin ma so jien kak je di baoh sang ngak mbang pablei salih, baoh sang rahra, urang menuac tapa trang thai 10 “Ma so jien kak je cang pabak khau tin lek taka angan menuac urang ”.

Dalam bruk ini, urang kak jien je brei pabak khau tin haong jabat chuc nang jien je piah khik kajap du lieu hu njauk saong samu gauk, meda pandar lek taka angan menuac urang ka dom bruk menyit meyao jien je dalam harei hadei.

Bruk menuac urang hu pabak rilo jang 1 lek ma so jien kak je, urang kak jien je prei pabak khau tin lek taka angan menuac urang ka dom ma so jien kak je hu brei piah jabat jien kak je pataom dom ma so jien kak je tame lek taka angan menuac urang, ngak jeng ha sa du lieu jien kak je di urang kak jien kak je tui lek taka angan menuac urang.

Bruk oh hu khau tin chung, urang kak je pambuak haong jabat jien je pasang iek tapak atau chi cuc jien kak je labik menuac urang diuk rai piah pabak khau tin njauk tame he thong ung dung tut angan jien je.

Baoh sang rahra, baoh sang ngak mbang pablei salih, menuac urang pablei salih brei pasang iek saong pabak khau tin samar drah, plaih bruk klaih klaoh bruk kak je hadei harei 1/7/2025./.