Thu akaok talang ieu lac kayua aia kurang mabar di akaok talang, ngak ka akaok talang oh daok janar saong ba tal kan kandah nao mai di akaok talang, hu sap lạo xạo tuk pamagei nao mai di akaok talang, pandik akaok talang, oh pamagei akaok talang,…

Tui roh duah di Mentri Ngak nong Amirik, ratak tangeiy hu rilo asal ia mabar angan mucilage ngak brei janar akaok talang, patagok bruk ngak tabiak aia mabar di akaok talang, ngak pasiam tal bruk thu akaok talang. Langiu di nan, dalam ratak tangeiy daok hu rilo vitamin saong janih ngak brei pasiam pren khang ka akaok talang.

Daok tui gah jru cavao mukkei caik mai, ratak tangeiy jeng lac sa di dalam dom jru hu rilo siam brei ka pren yava. Hadei di ini nan lac jalan mek ruak thu akaok talang meng ratak tangeiy blaoh khaol drei meda palih 5 jalan ngak hu pandar ngak di dalam sang yau ye hadei ini: 

1. Menyum aia ratak tangeiy tram: Aia ratak tangeiy tram hu gam rilo asal  mabar (mucilage), vitamin C, yau asal ngak janar, siam brei ka urang thu akaok talang, daong pacang caga pandik akaok talang saong raong ba sụn akaok talang. Jalan ngak aia ratak tram yau hadei: Mek 4-5 baoh ratak that, rao hacih, kaoh cakak akaok saong iku, hadei di nan blah jeng dua. Brei tame glah aia pandao ralo jaik meng ấm jaik 300-400 ml ia, tram tapa melam jaik meng 8-10 tuk jam. Menyum aia ratak tangeiy tram dalam tuk wak page dahlau di tuk huak mbang.

2. Ratak tangeiy riak haong laya saong akaok kanjik: Laya saong kanjik hu ia jru pacang caga pandik barah khang, tuk pambuak pagam haong ratak tangeiy meda daong pacadu ruak pandik akaok talang, thu akaok talang biak siam. Jalan cara ngak yau: riak ratak tangeiy saong sa klaih laya saong sa meteh hanuai cung cà phê tapung akaok kanjik. Meda mbang yau súp atau pambuak gam saong riak gam talang. ralo.

3. Aia bai ratak tangeiy riak haong talang: aia bai talang haong ratak tangeiy nan ieu lac kaya mbang siam ka prein, hu rilo collagen saong gelatin ngak brei pasiam talang sụn, patagok ia prein dalam rup, pasiam veik ngak brei siam ka akaok talang, siam abih di nyu brei ka urang prong thun. Jalan pandar: mek 300g talang raok ống, 100g ratak tangeiy, ngak ka nyu hacih, caik ka nyu thu aia. Riak talang raok ống mek aia. Hadei di nan buh ratak tangeiy tame saong riak ka nyu gap mbiah tasak. Mbang tuk daok pandiak, mbang 2 - 3 mbang/sa adit.

4. Ratak tangeiy tuk atau kahong: Ratak tangeiy brei tuk atau kahong daong khik hu asal mabar saong vitamin siam ka akaok talang. Bhian pandar janih pandap mbang ini meda ngak brei pabak asal pacang caga oxy mbang, patagok prein brei ka mô sụn saong akaok talang, patagok pren khang ka rup babhap. Jalan pandar: Ratak tangeiy rao hacih, caik tamo baoh blaoh kahaong atau tuk tasak. Tut haong sara lange atau saong aia tương takik mbak, tuk mbang daok gap pandiak.

5. Sinh to ratak tangeiy: Sinh tố ratak tangeiy oh lac tok pabak brei asar xơ, vitamin C, folate saong asal mabar daong ka akaok talang, siam ka mbang huak saong patrun pacadu barah, blaoh nyu daok ngak brei laan dalam rup, laan baoh hatai, gan biak siam. Jalan pandar: Cakak kaoh  3 – 4 baoh ratak tangeiy that, tram saong hasit sara. Ba chai ka klik gam saong jadar atau patei tasak. Meda brei hasit aia dangko ka mbuan si menyum.

Piah mek hu baoh jeng siam mekre di abih, urang ruak njauk pambuak pagam ratak tangeiy saong jalan diuk rai khang kadang, ma-in padhih, pasang iek teik trak njuol saong njauk ngak tui panuac tacei pato di bác sĩ./.