Ruak pandik pruac taha ieu lac janih ruak bhian mboh bhian gaok, ieu lac janih barah sahaluah langiu kalit pruac taha saong hu 2 janih lac barah pandik pruac taha cap tinh saong barah pandik pruac taha man tinh.

Barah pandik pruac taha cap tinh ieu lac bruk niem mac kalit pruac taha barah, baong samar drah saong biak njauk caik hatai. Nyu ngak pandik biak trak saong dui atah, min nyu hasit pandik, bhian dui atah tui yaok mbang katut di dalam sa tukvak.

Barah pandik pruac taha man tinh rah tabiak suai saong dui atah jang, meda ngak tabiak dom mbang pandik, meda dui tal dom thun meyah oh brei mbang jru.

Tuk barah pandik pruac taha urang ruak mboh pandik kreih dada thượng vị. Dom bruk brei mboh meda hu mboh ruak barah pandik pruac taha yau ye:

Pandik gah thượng vị (di angaok pasak ala talang baraong), meda pandik rilo hadei tuk mbang atau tuk lipa.

Mboh katang hatian yau nan oh mbang hu rilo yau bhian; Ợk mesam, ợk yawa, ợk pandiak; Alah mbang, taglaoh aok saong aok.

Piah taong yaom njauk ka ruak barah pandik pruac taha di urang ruak, langiu di nao iek ruak di sang iek ruak dom bac si brei pasang iek dalam tung pruac daong piah thau dom ruak yau ye ung thu pruac taha ha oh. Bruk taong yaom thau ruak barah pandik pruac taha brei ngak tui panuac kakei di bac si. Di sang urang ruak brei pakauk dom pandap mbang hadei ini piah daong taong ruak.

Dom janih ndap mbang huak hang pandiak yau amraik meda ngak ợk pandiak saong ngak pandik kalit niem mac pandik pruac, ngak trak jang bruk saluah tung guel pruac taha.

Barah tung pruac taha brei pakauk pandap menyum ia hu ankol yau ye alak, mbia lac bruk njauk ngak kayua ankol dalam dom janih alak mbia meda ngak tagok axit tung guel pruac hatian.

Pandap mbang cuh chao pandaih, ralo bambu asak, ahar pizza, ahar mì haong ralo, mbe saong ia tasau, socola, phomat, xuc xich ieu lac dom janih ndap mbang hu rilo janih lamek nan njauk brei plaih. Urang ndom lac dalam ralo meraih bhong, dom ndap mbang pandaih xào saong ndap mbang samar drah meda ngak tagok bruk mbuan labaih kilo, lamek bu– sa di dalam dom asal kadha jhul tagok ruak barah pruac taha ngak kurang hu cakrok, meda ngak saluah saong sraiy darah dalam pruac taha.

Ndap mbang hu rilo axit dalam nan hu kruac, quyt, kuac bung, manaih, tamun draok sara mesam, giấm, kaphe,… Tuk nao tapa pruac tung guel, axit dalam dom janih pandap mbang nyu meda ngak pandik kalit niem mac pruac tung saong ngak ka nyu pandik ralo jang.

Kayua yau nan ye urang ruak barah pruac taha njauk caik hatai sangka tal dom asal kadha njauk hu dalam ndap kaya mbang yaok harei:

Mbang njauk tukvak, oh brei klak var mbang huak: Piah plaih bruk eik biak suai ngak pandik kayua tung guel pruac taha pruac mada capat, brei ngak njauk tukvak mbang huak lagaih, min juai mbang biak trei.

Pabak var sit yau ye mbang panan dalam harei: Pabak veik var mbang sit dalam harei daong tung guel pruac taha tuk halei jeng hu ndap mbang piah lai brai haong axit. Oh mbang dalam tuk lavik melam. Meyah njauk brei mbang dahlau tuk nao ndih tui kakei di bac si, brei mbang dom ndap mbang mbuan lagaih brei ka nyu halai dalam tung pruac.

Ngak ndap mbang: Brei tahanek ka nyu tathak, ngak klik kaya mbang. Brei rilo bruk ndap mbang tuk piah plaih pandar biak rilo menyek lamek, kayua menyek lamek meda ngak kan tung pruac kan si hlai.

Plaih caga mbang kaya mbang daok metah saong la-an: Oh brei mbang metah yau kaya ia tasik saong plaih pandar dom janih kaya mbang pandiak yau ye amraik, alak tapai piah pacang khik kalik niem mac pruac tung guel dalam bruk daok pasiam.

Mbang lameh dan madeit madeit tani tanat: Brei mbang lameh ka tani tanat piah patakik tukvak pandap mbang trun tal tung guel pruac, daong ka tung pruac mbuan jang saong patrun naong trak ka pruac tung guel./.