VOV.K’Ho- Tàm Anih prap ơn dunia kơphe, càr Dăk Lăk pơgồp bal mờ Cơldŭ lơh broă UNESCO tàm lơgar Việt Nam mờ ală mpồl lơh broă bal bơyai lơh Anih cribơyai Phan lời wơl kơphe dunia mờ tơngume “Bơh ală bơhiàn ờs mờng li la tus phan lời wơl kis bal bơh kòn bơnus gùt dunia dê”.

VOV.K’Ho- Gờm chờ Ngai Sră mờ Niam chài sền sră Việt Nam (21/4), Ngai Sră mờ Gơnoar cau cih sră dunia (23/4), Mpồl niam chài cih sră đơs crih tamya càr Dăk Lăk pơgồp bal mờ Anih duh broă Làng bol sơnah ƀòn Phú Yên, Anin prap ơn càr Dăk Lăk, Hìu sền sră càr mờ Hìu bơsram kâp 2 Trần Hưng Đạo bơyai lơh broă lơh Ngai Sră mờ Niam chài sền sră nam 2026 mờ tơngume “Sră mờ bơta kơp kơnờm sơrlèt rơya dà”.

VOV.K'Ho- Tàm sơnah ƀòn Buôn Ma Thuột, kwang đơng lam Anih duh broă Làng bol càr Dăk Lăk neh wă mờ lơh broă mờ mpồl lơh broă bơh UNESCO mờ FAO geh ồng Jonathan Wallace Baker, Lam bồ ala măt UNESCO tàm lơgar Việt Nam mờ ồng Vinod Ahuja, Lam bồ Ala măt mpồl FAO tàm lơgar Việt Nam lam bồ, di tàm dơ̆ tus Pơrjum Phan lời wơl Kơphe Dunia geh bơyai lơh tàm càr Dăk Lăk.

VOV.K’Ho – Cau chài ồng Y Quân Mjâo, mat mờng hòi là ồng Khely dê ơm tàm ƀòn A2, sàh Ea Sup, càr Dăk Lăk là cau kờñ đơs pơnđik kòn cau Jarai. Ală jơnau pơnđik bơh ồng đơs bè dùl gùng kah kir, đềt mềr mơya niam ngan. Tơl gùng đơs pơnđik ờ mìng yal bè bơta tàm kờñ, bè lơh broă lơh sa mờ gam cèng bal huềng niam chài bơh ƀòn lơgar dê jat tŭ tơngai.

VOV.K'Ho- Tàm gùl brê bơnơm dờng Trường Sơn, ală ngai nggùl poh nhai Poan, git nđờ rơbô nă làng bol tus bơh ală ƀòn rềp bal tiah nhàr lơgar kơnhoàl Kà Lừm, càr Sê Kông lơgar Lào nggồr nhgàc lòt jơng tus sàh Hùng Sơn, ƀòn dờng Đà Nẵng nàng wă rò Satềp Bunpimay. Ngai Satềp ờs mờng lơgar Lào neh gơs dơ̆ nàng làng bol bàr đah nhàr lơgar tìp măt, tam pà bal, bơ̆t bơtàu nùs nhơm tam klăc bal bè oh mi dùl hìu bal.

VOV.K’Ho – Nggùl nhai 4 tây, tŭ sap sơng gơr Paranưng mờ kơmbuat Saranai mpong ntas hô hơng, uă ƀòn cau Prum tàm tiah đah jum tàm gùl lơgar mut tàm kàl lơh chờ Rija Nagar – dơ̆ lơh chờ sơn đờm nam pa jat tơngai bơh cau Prum dê. Tàm ù tiah gơ klŏ gơ crà bơh ală jơnau tamya bơh yau, đờng goòng mờ phan soh krơi is, mpồl bơtiàn cau Prum bal mờ gơp ai tơnggŏ wơl ală bơta niam chài krơi is jŏ rài, sền gàr mờ tàm pơ dờn wơl ală bơta kuơ phan lời wơl kơ̆ dơn bơh uă rài.

VOV.K'Ho- Tàm bồt Ây Nô, ƀòn Trí, sàh Buôn Đôn, càr Dăk Lăk neh geh lơh broă lơh Chờ Sa tềp Lào – Bunpimay nam 2026. Gal ngan làng bol mờ năc lòt nhơl neh tơmŭt bal să he tàm ală broă lơh yàng ờs mờng bơh yau bơh cau Lào ơm kis tàm ƀòn lơgar do dê.

VOV.K’Ho – Nàng kờñ pơn jat tai gơ hòi gơ jà nac lòt nhơl mờ gàr sùm khà gơguh lòt nhơl, càr Khánh Hòa rơp bơyai lơh uă broă lơh niam chài, lòt nhơl dờng ngan, mờ kung rơ hời bơt bơtàu ală phan krơi is nàng tơnguh gơnoar broă mat sơn đan anih tus.

VOV.K'Ho- Lồi poh lài, tàm bồt Ây Nô, sàh Buôn Đôn, càr Dăk Lăk, broă lơh Chờ hờp Sa tềp Lào – Bunpimay 2026 geh lơh duh hồl, gơhòi gơ jà gal ngan làng bol mờ năc lòt nhơl tus bal.

VOV.K'Ho- Tàm rài kis pa tŭ do, ală broă lơh mờ tê ờs mờng bơh yau cau Jrai dê tàm Gia Lai kung gam ngềt ngơ̆t geh lơh bè gùng lòt niam chài kơ̆ dơn ngan. Bơh ală tơrnañ gle geh tàñ kơrnhia ngan gơgơs dùl nơm sơ̆, sah, nir drơng rài kis, tus ală trah rùp hìu ƀồc ƀalhiă ngan mơya bềng bơta tơnggŏ, jơh ală ndrờm ơn prăp bơta ngăc chài, jơh nùs jơh tồr mờ bơta jrô nùs nhơm. Ờ mìng là phan ngui halà phan niam chài rùp wăc mòn dê lơm, mờ hơ̆ gam là jơnau kah kir, là jơnau yal bè rài kis mờ adăt bơhiàn mờng kwèng bơh jơh dùl mpồl bơtiàn cau Jrai dê.