Uô hlôngr yiêz têx ntâuz xor, tsôngk yo Tây Nguyên

                Hâur têx tsưr ziv, txux chi nhênhz chơưv uô ntâuz xor, tsôngk hnar nhiv kruôr no muôx njiêz luk “Tây Nguyên huôv tsar ntâu tsar zav jông”, zơưv Nguyễn Viết Hùng tưz xar tơưv tsưr ziv uô xor, ntok ntâuz chiê muôx tâu ntâu ntâuz xor jông xưk luz nênhx vênhx huôv. Iz zav ntâuz xor nhiêk muôx nhiêk têx jông txơưr tsi siz thôngx đros trâu muôz têx xor liêz, njuôz, đuz, đơưz lok siz fiv chiê uô tâu têx thiêr ntâuz txêix yiêz jông. Zơưv heik, 20 ntâu shông uô đreiv têx ntâuz li heik sâuv, zơưv Hùng tưz muôx yênhx puô tsưr ziv uô, yênhx cxênhz zav tsôngk hnar sir zôngv chor ntâuz xor heik sâuv, taz sik chor ntâuz xor zơưv nhiv kruôr xar tsưr ziv uô yiêz ntơư zos xa mê njik zuk têx tsưr ziv, siêz xar txos trâu tsôngv box Ê Đê nhoz Đắk Lắk. “Vênhx huôv Ê Đê tsav phênhv ntâu hâur cur têx tsưr ziv xar tsiv uô ntâuz xor, xơưs tsôngk yo hnar. Hâur luz nênhx, heir nênhs tsơưs xuz thơưx cur pâuz txos zos nênhs Ê Đê. Thiêz têx pax cà phê tơưs đơưz pâus, nja iêz hâur kaz shông thiêz hâur shôngk shông uô cur ndo njôngr đruôz siêz tsi plox, viv thâuv tsênhv zâu, tsênhv hluôk cheix yêz za tuôx txos Đắk Lắk, seiz njiê pov têx tox trôngz câuv har kror tưs cux đơưz pâus xưk đâuk tê, uô trâu zuk ndo txos ntu tsênhv zâu”.

              Têx shông jê lok no, ntâu lênhx nênhs nhênhz chơưv xơưs uô têx tsôngk tril yo hnar Việt Nam tưz thiêz tsênhv xar tsưr ziv sir zôngv têx ntâuz xor txêix jông li heik sâuv xơưs tsôngk yo, paz muôx tâu chor ntâuz jông co hnar hâur têz qơưk thiêz sâuv ntiêx têz. Ntâuz txêix, xor jông tâu zôngv chiê xơưs uô têx tsôngk txix zôngx ziv, uô trơưk li chor tsôngk hnar hâur niêx hnuz txos têx chêr tsôngk jông hnar uô si, lov jêv.... Lênhx nênhs xơưs uô têx tsôngk yo hnar Ngọc Bích, Giám đốc seiz car xơưs uô têx tsôngk yo pax ntâuz bigally heik, pir li cxuô heir nênhs nhoz chor thax tsav txơưr đuô têx pax ntâuz, tsôngk hnar mak saz Tây Nguyên muôx ntâu zav jông, uô trâu lênhx nênhs hnar khax jông đuô. “Cxuô heir nênhs nhoz Tây Nguyên têx tsôngk hnar, cur pov muôx ntâu tsar zav đuô. Thâuv ntêx pêz tsuôk pov chor tsôngk co hnar hâur têx ntênhs hội, nthuôr uô cêr lov jêv xưz. Taz sik nhiv no cur pov xơưs uô tâu lok six zôngx ziv, thâuv pêz xar xơưs uô iz chêr tsôngk yo hnar Tây Nguyên, muôx têx xơưs uô tâu ntâu zav trơưk li zuk siêz nhiêv”.

              Nhoz Đắk Lắk nhiv no, pax ntâuz tsênhv jux juk yênhx iz xiv huv vênhx huôv hâur huôv tsar côngv thôngx. Ntâu lênhx nênhs uô xor, ntok ntâuz tưz hux jos đros doanh nghiệp, HTX lok sik chor hluôk huôv tsar uô nox chiê muôx tâu têx pax ntâuz, tsôngk jông muôs hâur ciêz đrôngs: Txix muôz pax ntâuz xơưs uô têx zav huv mê li: Hnaz êv, hnaz gra ntơưv têk, têx chuôz zênhx phưx vưv xênhz huôx txos trâu tsôngk hnar... chiê muôs trâu kruô ndis shuôs têz qơưk uô si zuôr muk puz trâu lưv tus, zuôr tsês tâu seiz, tâu hnar muk uô si lov jêv trâu uz trâu no. Têx hâux lưv chox shux xênhz muk ndis seiz jêx jok uô xor, ntok ntâuz cux paz uô hlôngr yiêz chor hluôk tsưr ziv tâu buôk ti, tâu seiz tâu pov cxuô tsar zav.

              Nhiv kruôr đhâu, tsaz yênhx tsôngk yo hnar pax ntâuz tâu tsưr tsix hâur tỉnh, hu zâuv tâu ntâu tus chôngz lênhx nxeik jông gâux thiêz chor nênhs xar txux chi, tsưr ziv xơưs uô tsôngk tril yo hnar muôx suôz bê hâur têz qơưk tưz paz krêz nzir hâu cêr trâu piêr kriê thiêz nthuôr đêz đar di sản no têx txux chi vênhx huôv trâu chôngz lênhx ntâu tus pâuz txos, đros cxơưz paz tsưx phưv truôx luôs hâux lưv uô pax ntâuz, xơưs tsôngk yo hnar thâuv nzor hâur thax tsav tsi chiê pôngz plox. Trơưk li pos Nguyễn Thụy Phương Hiếu, Phưv Giám đốc Sở Vênhx huôv, Thêv thao thiêz ju lix Đắk Lắk, zos tsưr tsix uô tâu tsi so mak jông đuô trâu sik hux jos thiêz piêr kriê, zuôr muôs têx xiv huv pax ntâuz. “Sở thiêz taz viv xor xưv vav chiê siêz, muôx têx tâu tsưr tsix tsi so hâur tsaz yênhx niêx shông. Iz jiês nthuôr uô zuôr muôx têx tsênhv njiêz, pax ntâuz, tsôngk hnar nhiêk jông txơưr nhiêk tsi siz thôngx, chiê paz nthuôr đar luôs hâux lưv uô pax ntâuz, xơưs tsôngk yo hnar, đros sâu zuôr têx xiv huv, chêr tsôngk xơưs uô tâu chiê cxơưz cxiz chor nênhs nênhz chơưv, xar tsưr ziv xơưs tsôngk tril yo moz siêz đuô trâu luôs hâux lưv co thiêz xơưs uô tâu têx pax ntâuz, chêr tsôngk jông huv đros sơưr đơưk siêz nhiêv”.

             Hâux lưv muôz têx pax ntâuz, xor jông lok xơưs uô têx tsôngk hnar khax jav, zuôr uô chôngz lênhx ntâu tus pâuz txos chor ntâuz xor co, chiê sik đros tsưx phưv thiêz huôv tsar vênhx huôv pax ntâuz, kruôs txos luôs hâux lưv ntok ntâuz thiêz têx lênhx nênhs xar txux chi tsưr ziv xơưs uô tsôngk tril yo hnar./.

VOVTN-Riê Lâux cxeik, nhênhv

Viv li chas qơư ndis uô si jôngr ntông, txơưz cxiz chôngz lênhx kruô tuôx trâu Lai Châu

          Thâuv têis cik sơưr nzor, pos Nguyễn Thị Thuận, nhoz đrôngl Lai Châu tưz đros têx fôngx zưs muôx njêx muôs trâu ntơưv trôngz chos tsoz chos ntông yuôx zêx xã Phúc Khoa, zos qơư nto bê ndis uô si, cxêik đuôz, sêiz shuôk tox trôngz câuv har jông jav hâur thax tsav huyện Tân Uyên, tỉnh Lai Châu. Pos Nguyễn Thị Thuận cux thav pâuz tiêk, nưk cux zos iz lênhx muk ndis uô si, sêiz shuôk têz qơưs trâu ntâu thax tsav qơư; taz sik thâuv tuôx sêiz shuôk txos têx trôngz ntông yuôx zêx cux tsênhv jông jav đuô, viv thax tsav qơư co muôx chuô lax nziês huv đros tsôngv kruô siêz nhiêv. “Cur tuôx trâu thax tsav qơư no ntâu jiês, taz sik hâur iz jiês tuôx sêiz shuôk chuôs li thax tsav qơư co jông txơưr tsik siz thôngx. Pir li tuôx ndis uô si trâu t5hâuv têis cik sơưr nzor, sêiz têx tox trôngz câuv har jông txơưr, tsik thôngx zar hnuz kêix. Chênhr zos li hêik ntơư, muôx chôngz lênhx kruô tuôx ndis uô si, sêiz shuôk têz qơưs txos Lai Châu”

          Hâur chêix ntux sor tuôx ndis uô si trâu thax tsav qơư co, tưz pov njôngr têx trôngz tsoz chos yuôx zêx blôngx hlar njuôz, ziv uô trâu thax tsav qơư co jông jav đuô. Pos Nguyễn Thị Huyền, iz lênhx kruô nhoz đrôngl Hà Nội tuôx ndis uô si, sêiz shuôk têz qơưs shir phaz lul hêik pâuz: “Tsôngv kruô tuôx ndis uô si trâu têx qơư no, tưz pov njôngr têx blôngx njik yuôx zêx hlar mok jông jav, cxơưz cxiz tâu chôngz lênhx kruô tuôx sêiz shuôk”

          Thax tsav qơư chos tsoz chos yuôx zêx Tân Uyên muôx 4 cxênhz ha, phênhv ntâu tưz chos tâu 40 ntâu shông tror sâu thiêz zos tsôngv px nhoz thax tsav qơư no tsoz chos chênhr, muôx phênhv sâu tâu nhiêx txiêx chox lok cxiv kho chuôz zis, muôx luz nênhx truôx tuk, tsâu sor. Zơưv Trần Quang Minh, iz lênhx kruô nhoz Quảng Ninh tuôx ndis uô si txos Lai Châu hêik pâuz nzir: “Qơư no zos iz thax tsav qơư muôx tox trôngz câuv har đros trâu tsoz chos yuôx zêx, uô trâu thax tsav qơư no ziv jông jav đuô thiêz zos tsoz chos tsôngv px muôx phênhv sâu tâu nhiêx txiêx chox lok sir zôngv hâur luz nênhx”

          Shông no huyện Tân Uyên, tỉnh Lai Châu tso tơưv luôs hâux lưv tsuv tok cov tâu 51 cxênhz lênhx kruô tuôx ndis uô si, sêiz shuôk têz qơưs, taz sik 5 luz hli hâur shôngk shông, thax tsav qơư no tsuôk tok tâu zuôr xar 30 cxênhz lênhx kruô tuôx ndis uô si, sêiz shuôk têz qơưs. Trơưk li zơưv Trần Mạnh Hùng thơưx sêiz car sở vênhx huôv tỉnh Lai Châu, qơư ndis uô si sêiz shuôk tox trôngz, câuv har, zos iz luôs hâux lưv hâu nov huyện Tân Uyên uô huv đros thiêz tsênhv cxơưz cxiz cxuô cơ quan cik txos sik côngv đas jos tsưr ziv huôv tsar cxiv uô cxuô qơư jông jav cov ziv hnuz ziv muôx chôngz lênhx kruô tuôx ndis uô si txos tox siêz tỉnh Lai Châu: “Sở vênhx huôv tưz đros hâu nov huyện Tân Uyên thiêz cxuô cơ quan cik txos, hêik trâu hâu nov tỉnh chiê huôv tsar thax tsav chos tsoz chos yuôx zêx txuôk đros kriz uô ntâu cêr lov jêv, cov yênhx iz qơư nto bê, muôx chôngz lênhx kruô tuôx sêiz shuôk”

             Tsênhz tiês, txix têx trôngz chos tsoz chos yuôx zêx, tưz uô trâu thax tsav qơư co ziv jông jav đuô thiêz cxơưz cxiz tâu chôngz lênhx kruô tuôx ndis uô si, sêiz shuôk têz qơưs, tsôngv px muôx phênhv sâu tâu nhiêx txiêx chox lok cxiv kho chuôz zis, muôx luz nênhx tsâu sor./.

                                     Khắc Kiên-Tsu cxêik nhênhv