Uô đề án hlôngr yiêz taz viv hành chính cấp xã, tas nro tỉnh Điện Biên zuôr txu grês txix 129 xã, phường, thị trấn yuôr 45 taz viv, muôx 42 xã thiêz 3 phường. Zơưv Trần Quốc Cường, Bí thư Tỉnh ủy Điện Biên puz pâuz, tỉnh tưz heik têx chiz coaz muôx txơưx jênhv ciêr chênhr cxiv tsa têx cui chế huôx tôngv, têx cui tênhv huôx tôngv, hax qơư uô xưv, phaz pênhv cxuô zav trâu têx xã yiêz huôx tôngv. Thôngx cxix paz têx dự án tsênhv krêz uô ntơưv huyện kuz tâu huôx tôngv jông tiv zix tsi chiê njiz trâus phêv liv hâur ntu choz zok: “Tas nro tỉnh li tsov cưv xuz thơưx zos chêx chôngk tas nro cxuô pênhr jos chiê chox 45 xã yiêz huôx tôngv. UB thiêz chính quyênx cấp huyện, cấp xã chêx chôngk pheiz côngz cán bộ, cơ sở cxuô zav chiê têx taz viv xã yiêz huôx tôngv. Txix cấp ủy txos chính quyênx thiêz têx nganhx muôx txơưx jênhv cấp xã yiêz tsuv tâu taz por lok qơư uô xưv, phaz pênhv huôx tôngv, qơư nhoz trâu cán bộ, công chức, viên chức. Txix co thôngx ziv tsưr ziv uô chiê tuôr truôx txiv ngaz têx tiv phaz, suôv câuv huôx tôngv cấp huyện thiêz yênhx lix huôx tôngv cấp xã”./.

Vũ Lợi-Txâur Vax cxeik nhênhv

               Ban Thường vụ Tỉnh ủy Lai Châu nhiv kruôr muôx jiês uô hâux lưv đros cấp ủy, chinhr quyền cxuô thax tsav qơư thiêz chox kriê cxuô thax tsav qơư sir jos bax cxuô kror chir kriz uô siv chinhr quyền 2 cấp txix hnuz no 24/6/2025. Lơưr cxuô thax tsav qơư hêik pâuz, hâux lưv bax chiê tsưr tsix bôv mêir cấp xar lơưr tsưr ziv yiêz txos nhiv no tưz uô tâu tiêr. Hâux lưv bax nênhs, canr bôv, công chức, viên chức; qơư uô hâux lưv, chuôz zênhx cxuô zav; txuôk đros thiêz kriz uô tsênhv qơư Dịch vuv hành chinhr công, cxiv luôs thôngz xor mông sêiz car cơ quan Đảng uô hâux lưv tưz tâu bax tiêr. Ntơưv jiês uô hâux lưv đros Ban Thường vụ chor huyện ủy, thành ủy nhiv kruôr no, Bí thư Tỉnh ủy Lai Châu Zax Por Mỷ hêik Ủy ban tỉnh chox kriê chor sở, nganhx sik côngv truôx đros cxuô thax tsav qơư chiê nzor đơưk kho tâu têx phiv liv; đros co zos tror hêik trâu Trung ương paz nhiêx txiêx kriz uô têx jênhv vưv cik txos hâux lưv kho đuô taz viv hành chính./.

Khắc Kiên-Lik Thox cxêik nhênhv

              Ntơưv jiês khiêz phêv tiv 32, HĐ tỉnh Sơn La  khóa 15 tsưr tsix zar hnuz keix hnuz 23/6, têx teiv plor tưz thôngz đhâu têx nghị quyết coaz tsôngv muôx: choz nhiêx txiêx njuôs xav sâu, muôz thiêz phênhv cxaz nzir nhiêx txiêx xã, phường shông 2025; bê têx thax tsav qơư đấu thầu yưv pênhr muôx sir zôngv ar sâuv thax tsav tỉnh...choz biên chế công chức haur chiz coaz nhoz HĐ tỉnh, UB cấp tỉnh, cấp xã tỉnh Sơn La shông 2025... Jiês khiêz phêv tưz tso zơưv Nguyễn Việt Cường, Ủy viên UB tỉnh thiêz pos Trần Thị Minh Hòa so viv tâu cấp muôx qênhx pheiz côngz muk uô côngz xưv txơưr; bo xeir Ủy viên UB tỉnh đros zơưv Hà Nhu Huệ, Giám đốc Sở công thương, zơưv Tòng Thế Anh, Chánh thanh tra tỉnh thiêz pos Dương Tú Anh, Giám đóc Sở tư pháp, bo xeir zơưv Nguyễn Việt Cường uô Tsar ban kinh têr, nhiêx txiêx, HĐ tỉnh./.

VOVTB-Txâur Vax cxeik nhênhv

               Ntơưv jiês cơưv uô Côngz xưv 90 hnuz hmo kriz uô Dưv anr cêr hlâu Lào Cai-Hà Nội-Hải Phòng, zơưv Trịnh Xuân Trường, Bí thư Tỉnh ủy, Chủ tịch Ủy ban tỉnh hêik cxuô cấp ủy đảng tsuv muôx txơưx jênhv, xav jênhv tsênhz mênhx hâux lưv txar qơư nhoz chiê zuôr qơư kriz uô Dưv anr zos kror jênhv vưv chinhr triv zov chênhr hâur côngz xưv chox kriê sêiz car; sik côngv truôx jông, huiz tôngv tas nro cxiv luôs chinhr triv đros uô. Đros muôx cxuô nganhx, thax tsav qơư li sir jos, nhiv no 16 dưv anr txar qơư nhoz yiêz, 4 dưv anr txar chor qơư uô nox tsênhv tâu sêi đrơưv kriz uô ntơưv têx huyện, thành phố. Chor tsưr yưv pênhr tsênhv sir jos uô sêi têx ntâuz ntơưr chiê kriz uô cxuô nro chor dưv anr hâur hli 6/2025. Tas nro cxiv luôs chinhr triv tsênhv sir jos đros uô, cov uô tâu tiêr choz zok thax tsav chiê kriz uô dưv anr hâur hli 8/2025, bax cov txâuk cxuô kror kriz uô tâu dưv anr trâu hnuz 19/12/2025 lơưr Thủ tướng Chinhr phuv chox kriê./.

Báo Lào Cai-Lik Thox cxêik nhênhv