VOV4.K'Ho - Jơnau tơnggit tàm lơgar mờ dunia geh ală jơnau tơnggit tờm tơnơ̆ do:

VOV4.K’Ho- Mho ngai 19/05 tàm Hà Nội, Tổng Ƀí thư ồng Tô Lâm tus bal mờ đơs sồr lơh tàm pơrjum tơn jơh 10 nam lơh jăt Jơnau sồr sồ 05 Ƀộ Cíñ trị dê bè lơh pràn mờ bơsram lơh jăt bồ tơngoh, nùs nhơm, broă lơh Củ tịc Hồ Chí Minh dê mờ sền wơl cồng nha lơh jăt Jơnau sồr pal jăt sồ 09 Anih duh broă đơng lam Đảng Kwang àng Dà lơgar dê bè broă bơsram, lơh jăt 6 bơta Wa Hồ dê bơto Kwang àng làng bol.

VOV4.K’Ho- Anih duh broă Làng bol càr Dăk Lăk pa geh sră đơng lam pơyua ală sờh, mpồl, gah, Anih duh broă Làng bol kâp kơnhoàl, ƀòn drà dờng, ƀòn dờng mờ ală mpồl lơh broă broă lơh dà lơgar dê lơh gơ wèt bal, sồr lơh jăt niam ală broă dong kờl, bơta dong kờl gơrềng tus broă rơndăp tăp sèng rơndăp mpồl lơh broă jăt jơnau sồr bơh Cíñ phủ mờ Ƀộ Broă dơlam is dê.

VOV4.K’Ho- Ngai 16/05, Sờh Broă lơh sa sươn sre mờ Tiah ơm kis càr Dăk Lăk bơyai lơh Pơrjum “Tơngguh tai broă lơh ătbồ bơta niam, niam sàng goh phan sa; Broă lơh tơngguh uă bơta niam phan lơh geh bơh sươn sre, brê bơnơm, phan tàm dà tàm ù tiah càr dê”.

VOV4.K'Ho- Kòp sơnrang là dùl bơta kòp ờ niam tơngoh, lơh gơrềng ờ niam uă ngan gơwèt mờ bơta pràn kơl dang să jan cau kòp dê. Do là kòp pal geh sơm sùm, jơh rài kis mơya bơta kơlôi rơcang ngan là tŭ do geh uă cau kòp ờ lơh jăt broă sơm kòp, lơh kòp ờ niam mờ gam gơtìp wơl uă dơ̆ lơh jroă rơlao tai ală bơta gơtìp bơh kòp dê.

VOV4.K'Ho- Ală phan gơwèt Broă lơh Dà lơgar tơl sàh dùl bơta phan (OCOP) tơngai do gam gơs bơta tờm tơrbŏ bal cau lơgar Việt Nam ngui phan Việt Nam, mờ gơs bơta pràn lơh sa bơh ală tiah dê. Tơnơ̆ rơlao 6 nam lơh jăt, bơta bơkah niam bơh ală phan OCOP geh gơguh uă mờ geh sùm, bơh ngui bơta chài măi mok pa tus mờ kơl dung dăp. Ală phan OCOP geh ngui sa tàm gùt drà kă bro tàm lơgar, geh cau ngui sa pin dờn rơwah niam.

VOV4.K’Ho- Di dơ̆ tơngkah kir sơnrai 135 nam ngai deh Củ tịc Hồ Chí Minh (19/5/1890-19/5/2025), mang ngai 15/5, Tổng Ƀí thư ồng Tô Lâm tus bal dơ̆ sơnđờm mut lơh Dơ̆ lơh chờ ƀòn Sen nam 2025 mờ sơnđờm ai ngui rùp “Wa Hồ rê còp ƀòn tờm” tàm sàh Kim Liên, kơnhoàl Nam Đàn, càr Nghệ An.

VOV4.K'Ho-

VOV4.K'Ho-

VOV4.K'Ho-

VOV4.K’Ho- Jơnau yal yau “Ndung dờng” kòn cau Jrai dê yal bè klau Rít kòn đời mờ mò Pôm rƀah lơ ời bòl glar kal ke, dòn son geh yàng ndùng tơlik să rê dong kờl neh gơgơs pas sơm ngan. Yàng dong kờl cau rƀah kung là tơngume tàm uă ngan jơnau yal yau bơh ală jơi bơtiàn kis jăt sèng bơnơm Trường Sơn- Tây Nguyên dê mơkung là bơta kơ̆p kờñ bơh làng bol rài yau dê nàng geh rài kis niam rlau. Jơnau yal yau kung kờñ ơn pơyua jơnau đơs geh lơh den hơ̆ sồng geh sa, mờ bañ geh bơta hàm hà phan bơna ờ gŏ di là bơh he dê mờ pal kong dờp lèng jơnau gơlời wơl pơlai soh ngan.

VOV4.K'Ho- Tŭ gam kis, Củ tịc Hồ Chí Minh sùm lời ai nùs nhơm krơi is ngan ai làng bol ală jơi bơtiàn in. “Bơnơm di gơlan klàr, dà dờng digơlan soat”, mơya nùs nhơm wa Hò kờñ làng bol tiah đah jum dà lơgar den ờ tŭ lơi tam gơl – jơnau wa Hồ nting tơngkah tàm sră pơyua pơrjum dờng ală jơi bơtiàn dồ êt nă cau tiah đah jum dà lơgar nam 1946 kung gam sùm ơm tàm nùs tồr bơh git nđờ rài dê. Tơnkah 135 nam ngai deh wa Hồ (19/05), là dơ̆ nàng cau kơnòm să ală ƀòn Tây Nguyên ai tơngŏ nùs nhơm kah ưn ngài gơ wèt mờ wa Hồ, hơ pơrgon lơh ngan sơn đờm mut lơh broă, lơh tờm măi mok, sền gàr tiah ơm kis mờ sền gàr niam chài kòn cau.