VOV4.Êđê- Kdrêč klei mrâo knăm dua.20.05.2025 mâo dŭm mta snei: -Khua gĭt gai Đảng Tô Lâm nao hgŭm leh anăn blŭ hrăm hlăm klei kƀĭn trông ksiêm wĭt 10 thŭn hluê ngă asăp mtrŭn mrô 05 mơ̆ng Phŭn bruă kahan ksiêm kơ bruă mtrŭt mđĭ klei tui hriăm leh anăn hluê ngă gru mngač Hồ Chí Minh. -Khua lăn čar Lương Cường mđup brei mêđai 40 thŭn bruă đảng kơ Khua kiă kriê adŭ bruă Khua lăn čar. -Giăm 10 êklai prăk dưi bi mguôp kơ hdră Amĭ pô k’kiêng ti Gia Lai. -Khua mil čhil Mi – Russia blŭ hrăm duha hdră êlan kơ klei kuôl kă mdei mnah phao ktuang ti Ukraine. -Khua gĭt gai EU leh anăn Anglei bi mni kơ kdrêč mrâo hlăm klei mjĕ giăm dua tĭng.

VOV4.Êđê- 5 thŭn êgao, hdră bi lông ktưn khăp kơ lăn čar hlăm êbeh 100 anôk bruă phung mniê čar Kon Tum dưi mâo klei bi mlih jăk, klăklơ̆ng, bi lar ktang hlăm yang ƀuôn.

VOV4.Êđê- Bruă sang čư̆ êa čar Dak Lak mrâo mâo hră mtrŭn mơĭt kơ dŭm knơ̆ng bruă, dhar bruă, bruă sang čư̆ êa gưl kdriêk, wăl krah, ƀuôn prŏng leh anăn dŭm anôk bruă knŭk kna, mñă brei ngă jăk dŭm hdră êlan, klei đru djŏ tuôm hŏng bruă mkŏ dăp phung mă bruă hluê si klei gĭt gai mơ̆ng knŭk kna leh anăn Phŭn bruă kiă kriê bruă knuă.

VOV4.Êđê- Hrue mbrue (16/5), Knơ̆ng bruă lŏ hma lehanăn wăl hdĭp mda čar Daklak mkŏ mjing leh klei bi kƀĭn “Hyuă kjăp bruă kiă kriê, klei doh êƀăt mnơ̆ng ƀơ̆ng”, hdră mđĭ hĭn hnơ̆ng tŭ bruă lŏ hma, dliê kyâo, mnơ̆ng hlăm êa hlăm čar.”

VOV4.Êđê- Klei ruă amâo jăk hlăm kŏ dlô jing sa mta klei ruă hlăm kŏ dlô kjham snăk, mâo lu klei amâo jăk kơ klei suaih pral mnuih ruă. Anei jing klei ruă brei mdrao nanao, jih klei hdĭp ƀiădah klei năng huĭ hyưt hĭn jing ară anei mâo lu mnuih ruă amâo hlue ngă ôh klei mdrao mgŭn, ngă kơ ruă amâo hlao leh anăn lŏ ruă lu hĭn, ngă kơ klei bi knăl klei ruă kjham hĭn.

VOV4.Êđê - Dŭm mta mnơ̆ng hlăm Hdră grăp să sa mta mnơ̆ng dhơ̆ng OCOP hlăm wưng êgao dôk jing hdră mtrŭt mđĭ mnuih Việt Nam blei yua mnơ̆ng Việt Nam, mbĭt anăn mjing boh kdrŭt mtrŭt mđĭ bruă duh mkra mơ̆ng alŭ wăl. Leh êbeh 6 thŭn hluê ngă, hnơ̆ng tŭ jăk mnơ̆ng OCOP dưi mkra mđĭ, mơ̆ng klei ba yua kdrăp mrâo truh kơ hruh đŭng siam. Dŭm mta mnơ̆ng OCOP dưi ba yua lu hlăm wăl anôk mnia mblei hlăm ala čar, mâo mnuih blei yua đăo knang hrŏng ruah.

VOV4.Êđê - Mđing bi hdơr 135 thŭn hruê kkiêng Khua gĭt gai Hồ Chí Minh (19/5), Êpul hgŭm čih mkra kdŏ mmuñ čar Dak Lak bi hgŭm hŏng Êpul kahan knhăk Lăn Dap Kngư mkŏ mjing hdră “Mngač nanao anăn Awa”.

VOV4.Êđê-

VOV4.Êđê-

VOV4.Êđê-

VOV4.Êđê

VOV4.Êđê