VOV4.Êđê - Kdrêč klei mrâo knăm dua, hruê 1/7/2025, mâo dŭm mta snei: -Hruê anei 34 čar, ƀuôn prŏng klă klơ̆ng ngă bruă sang čư̆ êa alŭ wăl 2 gưl. -Khua knŭk kna Phạm Minh Chính gĭt gai knăm ba mdah dŭm klei bi klă mơ̆ng knŭk kna kơ bruă ruah mdưm knuă druh. -Khua êpul bruă hâo hưn leh anăn čung ba mnuih ƀuôn sang gưl dlông Nguyễn Trọng Nghĩa ba mdah dŭm hdră mtrŭn, klei bi klă yuôm bhăn djŏ tuôm hŏng bruă bi mmŭt mbĭt anôk bruă knŭk kna čar Gia Lai leh anăn Bình Định. -Khua phŭn bruă hŏng tač êngao Alemang nao čuă Ukraine. -Phŭn pŏk klei kƀĭn tar rŏng lăn tal 4 mơ̆ng Êpul hgŭm lu ala čar kơ mđĭ kyar ngăn prăk

VOV4.Êđê - Tlam mbruê 30/6, Khua knŭk kna Phạm Minh Chính gĭt gai knăm ba mdah dŭm klei bi klă mơ̆ng Khua knŭk kna kơ bruă ruah mdưm knuă druh.

VOV4.Êđê- Hŏng êbeh 1/3 ênoh mnuih jing mnuih ƀuôn sang djuê ƀiă, čar Dak Nông mđing êdi kơ hdră bi hrŏ ƀun. Hŏng klei găl mâo mơ̆ng Hdră ala čar kñăm mbĭt hŏng hdră ngă “djă kngan ktrâo bruă”, dŭm êbâo gŏ sang dưi đru kơ hdră duh ƀơ̆ng, bi mlih klei mĭn, hdră duh mkra pla mjing. Mơ̆ng anăn, ênoh gŏ êsei ƀun mnuih djuê ƀiă hrŏ pral, klei hdĭp mnuih ƀuôn sang ƀrư̆ hruê du mkra mđĭ.

VOV4.Êđê- Ƀĭng ngă lŏ hma čar Gia Lai dôk mŭt hlăm yan hrui êmiêt boh durian thŭn 2025. Khădah mâo lu klei hưn srăng tlă anăp hŏng klei dleh dlan hlăm bruă ba čhĭ kơ ala tač êngao, ƀiădah kyua rơ̆ng hnơ̆ng tŭ jăk, phung đang war ăt dưi ba čhĭ hŏng ênoh jăk, jing sa klei bi êdah jăk lehanăn tŭ dưn kơ yan boh durian thŭn anei.

VOV4.Êđê- Hlăm dŭm hruê êgao, ti dŭm sang êa drao mdrao hđeh ti ƀuôn prŏng Hồ Chí Minh mâo lu mnuih mâo klei ruă êngoh bi ƀlĕ êrah kjham. Phung hđeh nao đih mdrao hlăm boh klei kjham snăk, êrah amâo thâo êkŏ, kbiă êran hlăm êlan eh mơiêk, huĭ truh kơ djiê tơdah amâo hmao dŏng mdrao.

VOV4.Êđê- Yan mdei prŏng amâo djŏ knŏng wưng mdei leh sa thŭn hriăm hră mơar, ƀiădah lŏ jing wưng phung hđeh hriăm mjuăt lehanăn tui ksiêm kơ wăl hdĭp djiêu gah găn. Ti Dak Lak, lu tač hlăp jăk, êđăp ênang dưi pŏk ngă, ba kơ phung hđeh sa yan bhang klă sĭt tŭ yuôm.

VOV4.Êđê- Jih jang klei muiñ mâo čih amâo mâo djŏ knŏng djŏ hŏng mta kñăm, ƀiădah lŏ bi êdah hŏng lu knhuah klei kưt muiñ, bi êdah klei tŭ dưn mơ̆ng bruă kƀĭn ala lehanăn Êpul gơ̆ng bruă ƀuôn sang hlăm bruă mkŏ mjing lăn čar mâo klei bhiăn yang ƀuôn ngă phŭn êngiê mơ̆ng mnuih ƀuôn sang, kơ mnuih ƀuôn sang, kyua mnuih ƀuôn sang.

VOV4.Êđê

VOV4.Êđê-

VOV4

VOV4.Êđê-

VOV4.Êđê