Lơ̆m 4 khei blŭng sơnăm, dêh char Dak Lăk hlôi ăn asong jang 10 tơdrong vă jang ‘nao tơmơ̆t jên jang lơ̆m rim tơdrong jang (hăm akŏp kon jên jang vă jê̆ 4.800 ti hlak jên), lơ̆m ou đei 4 tơdrong vă jang pơm tơlĕch tơmam drăm choh jang sa-‘long-ka hơdang. Rim tơdrong vă jang ou akŏm kơtang lơ̆m pơm tơlĕch tơmam drăm plei ‘long păng rong kon tơrong ‘lơ̆ng. Dak Lăk jei pơgơ̆r lơ tơdrong jang pơtrŭt tơmơ̆t jên jang, tơƀôh tơbăt dôm tơdrong đei, tơdrong rơvơn kơ dêh char găh choh jang sa, nhen choh jang sa-pơm tơlĕch chehphe, sâu riêng, plei theng thôih. Kiơ̆ đơ̆ng Hơnih vei lăng Choh jang sa păng Cham char dêh char Dak Lăk, rim tơdrong vă jang đei dêh char lăng kơjăp mưh pơkăp jang ‘lơ̆ng, pơkom ŭnh hơyuh, rơgoh ‘lơ̆ng păng pơtrŭt mŭk drăm rơgoh ‘lơ̆ng, pơm hơtŏk kơjă tơmam drăm choh jang sa tơring. Adoi pơm pơkeh trong tŏk kơjă tơmam drăm choh jang sa ‘noh mĭnh lơ̆m dôm trong jang mă Dak Lăk pơjing hơyak pran iŏk đei trong tơlĕch jang tŏk mŭk drăm ƀar kơsô̆ lơ̆m khei năr kơnh.