VOV4.Bahnar - Jĭ grŏnh oei tơpŏh tôch hơmơt lơ̆m teh đak pơma atŭm, dêh char Đắk Lắk pơma hơdrô̆. Vă jăh tang găn jĭ, găn tôch ai kơsô̆ bơngai jĭ, lôch răm, anih jang pơgang dêh char Đắk Lắk kơchăng, bơ̆ jang ‘lơ̆ng kiơ̆ nơ̆r pơtho đơ̆ng Thủ tướng teh đak, Anih tơm vei lăng jang pơgang, Anih vei lăng kon pơlei dêh char Đắk Lắk lơ̆m tơdrong tang găn, iŏk hơmet ăn bơngai jĭ.

VOV4.Bahnar - Hơdrol kơ ‘Măng hop akŏm mă IX, Quốc hội jăl XV, Khŭl tang măt Quốc hội dêh char Đắk Lắk hlôi pơgơ̆r hop akŏm tơƀơ̆p pơma dơnuh hăm bơngai tăh hla găh tơdrong jang pơgang.

VOV4. Bahnar - Tơ̆ dêh char Gia Lai ‘nao đei mĭnh ‘nu hơ ioh lôch đei jou jĭ grŏnh pơm ăn.

VOV4.Bahnar - Dôm năr âu ki, kơsô̆ bơngai jĭ grŏnh tơ̆ Đắk Lắk hơnơ̆ng kơtŏk, lơ hơioh iĕ athei ƀĭch tơhnam pơgang ƀơ̆t jĭ ăl, ƀơ̆t lăp đei tơdrong jĭ krê hơmơt. Lơ̆m teh đak, jĭ grŏnh kŭm tŏk bŏk đei ƀôh krê hơmơt. Tơ̆ hơnăp tơdrong ‘nâu, Anih tơm vei lăng jang pơgang hlôi đei hla ar athei dôm anih jang pơgang hơmet tôm tơdrong đei ƀôh bơngai jĭ grŏnh, bơngai jĭ ăl tŏk.

VOV4.Bahnar - Lao ‘nŏh jĭ tơdrong jĭ tơpŏh yoa pơrang jĭ lao pơm tơlĕch. ‘Nâu jĭ tơdrong jĭ đei pơtih jĭ, tơdrong jĭ “pơlôch bơngai ưh tom băt” yoa jĭ lao ưh đei pơm ăn bơngai lôch dei dei hloi mă đa pơdui đunh, pơm ăn hơkâu rơmơ̆n rơmŏ. Tơdrong băt hrôih jĭ lao ưh lăp tơgŭm găn ƀiơ̆ jĭ tơpŏh lơ̆m tơpôl đĕch mă oei tơgŭm pơm hơtŏk tơdrong hơmet klăih jĭ dơ̆ng. Tơplơ̆ kơ ‘nŏh, tơdăh băt jĭ klui păng ưh đei hơmet ‘lơ̆ng, jĭ lao gô pơm tơlĕch lơ tơdrong krê hơmơt hăm jơhngâm pran, tơdrong bơ̆ jang păng mŭk mam lơ̆m hnam tơnŏ.

VOV4.Bahnar - Dêh char Dak Lăk hlôi jang keh đang ƀet vaccine bơ̆ng jĭ grŏnh jơnei 96%, jơnei kĕ bơ̆ng jĭ.

VOV4.Bahnar - Tơ̆ dêh char Kon Tum măt bơngai jĭ grŏnh tŏk kơtang, hơnih jang pơgang dêh char tŏk bŏk atok kơtang bơ̆ jang tang găn jĭ grŏnh.

VOV4.Bahnar - Khŭl bơ̆jang kơsô̆ 5 kơ Anih tơm vei lăng jang pơgang yua đơ̆ng ƀok Võ Hải Sơn, Phŏ Kơdră Anih tang găn tơdrong jĭ ‘nao bơ̆jang hăm Anih vei lăng jang pơgang dêh char Gia Lai găh tơdrong jang tang găn jĭ grŏnh.

VOV4.Bahnar - Jĭ grŏnh tŏk bŏk đei ƀôh krê hơmơt tơ̆ lơ dêh char lơ̆m teh đak păng Tây Nguyên, hăm kơsô̆ bơngai ƀĭch tơ̆ hnam pơgang tŏk lơ, găh lơ ‘noh hơioh tam mă đei ƀet vaccine. Ƀak si roi tơbăt lê̆ hơdrol, đon tơchĕng “ưh kơ ăn ƀet vaccine" tŏk bŏk tŭn hơioh lơ̆m tơdrong hơmơt đei ƀơm jĭ păng đei ƀôh jĭ ăl.

VOV4.Bahnar - Khul jang đơ̆ng Anih tang găn jĭ jăn, Anih tơm vei lăng jang pơgang ‘nao đei jơ bơ̆jang hăm Anih vei lăng jang pơgang dêh char Đắk Lắk vă hơlen năng tơdrong tang găn jĭ grŏnh tơ̆ dêh char ‘nâu.