Pơgê năr 13/5, tơ̆ 'măng pơtôch Hop akŏm bơngai tang măt jơ̆p teh đak  Măt trâ̆n tôh kuô̆k Việt Nam 'măng mă 11, jăl jang 2026-2031, tang măt ăn Khul Kơdră Hơnih jang Trung ương Măt trâ̆n tôh kuô̆k  Việt Nam, yă Hà Thị Nga, Phŏ Kơdră – Tŏng Thư kĭ Hơnih jang Trung ương Măt trâ̆n tôh kuô̆k  Việt Nam jăl 11 hlôi đŏk tơbang tơdrong pơkăp đơ̆ng Hop akŏm mă mônh Hơnih jang Trung ương Măt trâ̆n tôh kuô̆k Việt Nam jăl 11, jăl jang 2026-2031. Ƀĭ thư Trung ương Đảng, Ƀĭ thư Đảng uy Măt trâ̆n tôh kuô̆k, rim jơnŭm jang tơpôl Trung ương, Kơdră Hơnih jang Trung ương Măt trâ̆n tôh kuô̆k Việt Nam jăl 10 Bùi Thị Minh Hoài, pơtoi đei iŏk đon lui pôk jang Kơdră Hơnih jang Trung ương Măt trâ̆n tôh kuô̆k Việt Nam jăl 11, jăl jang sơnăm 2026 - 2031.

Pơma ah iŏk sơnong jang, yă Kơdră Hơnih jang Trung ương Măt trâ̆n tôh kuô̆k Việt Nam jăl 11 Bùi Thị Minh Hoài sơkơ̆t hơdah vei sơđơ̆ng trong jang chinh trĭ, đon bơnôh dăp đon dăp bơnôh hơtŏ hơnơ̆ng, tơnăp hăm sơnong jang, hơdrin keh đang dôm tơdrong jang đei pơjao. Atŭm hăm noh, vei sơđơ̆ng tơdrong tơguăt tơguăl, drơ̆ng minh; hơbĕch hơbal, gơh hơgei, tơplih 'nao, akŏm tơlĕch jang drơ̆ng lăp dôm tơdrong jang vă pơm jang đei jơnei Tơchơ̆t Hop akŏm tơlĕch, tơgop hơtŏk tơdrong tơguăt tơguăl tôm kon pơlei, sơkơ̆t hơdah sơnong jang, hơnih dơ̆ng kơ Măt trâ̆n tôh kuô̆k Việt Nam lơ̆m jăl jang kăch mạng 'nao.