VOV4.Bahnar - Tơdrong kơtơ̆ng ang 'năr âu đei dôm tơdrong kơtơ̆ng ang tơm tơ̆ hơla âu:
- Vă jê̆ 100% nơ̆r tơgop đơ̆ng kon pơlei đei apĭnh drơ̆ng nơ̆r hăm hla ar chih hơmet ming, tơmơ̆t dơ̆ng 1,2 tơdrong đơ̆ng Khôi luơ̆t tơm teh đak sơnăm 2013.
- Thủ tướng athei akŏm jang đang tơdrong hơgăt sut pơđĭ hnam pơgia, hnam hiah hiok lơ̆m teh đak hơdrol kơ ‘năr 31/8/2025.
- Lâm Đồng, Bình Thuận, Đắk Nông jang hơdai pơgơ̆r hop akŏm pơma dơnuh trong vă jang hơtŏk tơiung mŭk drăm - tơpôl jăl jang 2026-2030
- Dôm dêh char Đắk Lắk, Kon Tum hơmet ‘lơ̆ng ăn ‘Măng pơlong Tôt ngiêp jăl 3 sơnăm 2025.
- Dôm teh đak Đông Nam Á jĭ teh đak jang hơdai tĕch mơdro tih hloh kơ Trung Quốc găh dôm tơmam choh jang sa.