VOV4.Bahnar - Tơdrong kơtơ̆ng ang năr ou đei dôm kơtơ̆ng ang kăl tơ̆ hơla ou:
- Năr ou, Kuô̆k hô̆i pơgơ̆r ‘Măng hơpinh păng tơl nơ̆r hơpĭnh găh 2 tơdrong pơtho pơhrăm păng tơdrong jang jên hu.
- Thủ tướng Phạm Minh Chính athei pơgơ̆r ‘Măng pơlong lĕch ‘măng khoă jăl pêng sơnăm 2025 sơđơ̆ng, tơpăt, ‘lơ̆ng hơ iă.
- Hop akŏm pơchoh trong hơmet ming rim trong jang tơgŭm djru hơnih mơdro sa, hơnih hơvơh jang ‘noh bơngai kon kông tơ̆ tơring groi kông tơnap tap hloh.
- Rim dêh char Lâm Đồng, Bình Thuận păng Đak Nông drơ̆ng mĭnh nơ̆r trong jang iung jang lăng 6 tơring, phương đei hơgrop đơ̆ng năr 23/6 kơnh.
- Hơnih tơm Chă tơchĕng hơlen kăl păng Apŭng plĕnh teh (Mi) pơgơ̆r hop akŏm apŭng plĕnh teh găh Biển Đông ‘măng mă 15.