Oh kan piah gaok dom video, kadha “viral” yau nan brei yaih khan ka Gilang khik drap ar Quang Ninh di angaok Facebook, Youtube, Tiktok meng dom KOL (urang angan je di angaok mang xa hoi) atau dom urang nghe si hu angan je.

Danak dak tapen Vịnh Hạ Long kayua kien truc su Salvador Pérez Arroyo (Tây Ban Nha) cih tabiak hu tok mek pamayaom “Kien truc di thun” kayua Kapul Kien truc su Viet Nam alin brei. Tuai damuai mai tal ini jeng brei mboh bruk takre tuk hu mboh dom ndap nda karei; asar hadang kíp lê - antraxit asar praong abih di Viet Nam; Jameng pang kayau Bạch Đằng; Ndap nda pakat negar Hop ameh Ngọa Vân pagam haong Yueen Tử gireih saong jaman but pajaih patao Trần; labik brei mboh veik labang hadang dalam yaok rituh met dalam ala taneh… Sa-ai kamei Lương Thị Mai, tuai damuai mai tal meng Tuyên Quang brei thau: 

 - Labik ilamo Yên Tử di ini ba mai ka drei thau rilo ka ilamo blaoh drei oh ka thau meng dahlau. Drei sahaneng lac tok brei mai tal ini, khol drei meda duah thau rilo jang ilamo sajarah di Yên Tử dalam nan hu tinh Tuyen Quang.

Di dalam 4 harei padeih harei raya 30/4-1/5 meng blaoh, Gilang khik drap ar tinh Quang Ninh tagok ralo labaih 37 ribau mbang tuai damuai, tagok labaih 10 mbang dut haong bhian yaok harei. Dalam thun 2024, Gilang khik drap ar Quang Ninh raok labaih 750 ribau mbang tuai, jien mek tame meng bruk pablei harak ve jirah rivang labaih 21 ribau ty dong, lac 1 dalam dom Gilang khik drap ar ta-eng ngak mbang dalam negar.

Oh lac sa labik parang, Muziam Gilang khik drap ar tinh Quang Ninh ieu lac labik mai piah duah thau saong thau ka ilamo. Dom harei raya, dom baoh sang cuk ao hala dok bhong meraih patuk kanyik ba anek bik mai, pang khan ka harei peih paha Bhum mỏ, khan ka dom mbang Va Ho hu mai rivang Quang Ninh, 50 thun Harei Peih paha gah Meraong negar – yasa taneh ia. Abih du nyu nan lac, dom labik parang ka asal kadha dak harei dak hu peih praong labik patagok yaom kaom ilamo, yau ye Thaik hacih bhap bini, Drap ar ilamo dom bhum taneh… Urang ilamo gah Ao Dhai Viết Bảo, urang ba Ao dhai Bhum Hue mai tal var parang asal kadha di Gilang Khik drap ar Quang Ninh, tapa pambuak haong Gilang khik drap ar Sajarah Ban Hue brei thau:

Tapa rivang Gilang khik drap ar dahlak hulin mboh takre abih ngan saong tal ka 3, labik hu parang yaih dom khan ao bhap bini di dom bangsa. Hạ Long lac 1 dalam dom labik jirah rivang dang dahlau abih di tuai damuai dunya. Dalam tukvak parang di ini, dahlak hulin caong khin tuai damuai mai tal Gilang khik drap ar brei hu duah thau ka ilamo Viet Nam, meda oh ka mai tal Hue min jeng brei nao tal meyah hu harei hadei.

Pabak hatai caong di salih lek taka so, Gilang khik drap ar Quang Ninh daok patagok majam website, padang jamraik phan mem pasang iek ndap nda, brei lek taka ka ndap nda chiat jien, kan si duah, njauk ndom tal lac dom Ndap nda hu yaom glaong pakat negar, hu jalan tukvak ba dom ndap nda urak ini tagok mang xa hoi… Dalam thun 2025, Gilang khik drap ar Quang Ninh kuhria brei raok labaih 760 ribau mbang tuai damuai, patui veik bruk khik ramik, padang harak gar ilamo khoa hoc drap ar ilamo oh mboh di meta, pambak tabiak dom yaom kaom meng kal nao tal rilo urang anit ranam ilamo, rilo meng lac rai rah urang dam dara sit thun umo urak ini./.