Ong Lê Vĩnh Thọ (sa urang daok di xa Trung Thành, Vũng Liêm) hu tamat abih ngak bruk gah gom jamraik ndien labaih 13 thun, min tal thun 2018 dalam mbang nao ngak bruk tabiak gah Barak negar, ong hu mboh biak takre baoh kruac bung Tam Hồng.

Meng hatai khin caong ngak bahrau bruk ngak nong bhum palei, ong Thọ kham marat buh tabiak labaih 100 trieu dong blei 100 dhan pajaih phun baoh kruac bum meng Ha Noi, yaom lac mada oh ka hu thau tani tanat bruk pala nyu. Hadei di jaik 3 thun kham merat, ong hu jak jeng haong dom baoh kruac bum Tam Hồng hu ginup asar siam: praong, vil, kanduh kanyik, bingi, langum yamen.

Ong Thọ brei thau lac, thun 2022, angan “Kruac bung Tam Hồng gah Pei negar” di ong hu Kuk brei angan ilamo so huu tri tue mbaoh tangin, samat drah mek hu hatai caong blei dalam darak pasar.

Oh padeih di bruk pala baoh kruac bum, thun 2021, ong Thọ patui bruk pala iek dahlau meng bruk oh hu rilo urang sahneng tal: pagam kruac xoàn haong kruac aik Amirik 3.000 phun. Hadei jaik 2 thun, dom phun brei tabiak janih baoh biak bahrau: thaik thaot kruac sành, kanduh kanyik yau kruac aik Amirik Mỹ, bingi yau kruac bum saong dalam nan hu mbang gam kanduh.

Ong Thọ brei thau: “Ngan haong dom bruk nan dahlak hulin hu tah angan lac Kruac Như Ý 3 dalam 1. Pajaih kruac ini mbuan si pala, gam hu saong taneh njom ia lakhun saong ia mbak, biak lagaih haong di Bhum taneran kraong Cuu Long”.

Sa-ai Mai Lan, sa urang blei baoh kayau di Đức Hòa, Long An brei thau, thun 2019 sa-ai hu yut cuai yaih khan ka pajaih kruac bum karei, bingi di Vinh Long. Meng di nan yaok mbang raya Tet mai tal sa-ai jeng blei yaok tan baoh kruac bum Tam Hồng mai pablei, maong gheih meta. Langiu di nan, kruac Như Ý hu yaom pablei 150.000 dong/kg mbang hu kanduh yau nan ye pablei nyu biak nduac.

Ong Thọ brei thau lac oh padeih di bruk pala saong pablei salih blaoh daok dak harei dak ngak praong jang, ba baoh kruac bum Tam Hồng saong kruac Như Ý mek hu tanut ndap nda OCOP. Ong Thọ ndom mayai brei thau: “Ini lac bruk daong patagok yaom kaom angan, peih praong darak pasar saong brei kein lagaih piah patagok phun pajaih karo kajap”.

Ong Bùi Tấn Đảm – Akaok UB Bhap bini huyen Vũng Liêm taong yaom glaong bruk kham merat di ong Thọ haong bruk ba pajaih kruac bum Tam Hồng meng gah Barak mai Vinh Long saong ngak jak jeng pajaih kruac Như Ý.

Tui ong Đảm, tukvak blaoh tapa, huyen hu daong jhul tagok bruk pablei salih tapa dom mbang nyaom darak, pambuak gah pablei saong tuai blei baoh kruac bum Tam Hồng saong kruac Như Ý.

Ong Đảm brei thau, UB Bhap bini huyen pato dom gah jabat karja jhul samar bruk mbaoh tangin kruac bum Tam Hồng saong kruac Như Ý. Ini ieu lac 2 janih phun pala hu kein lagaih glaong ka bruk ngak mbang blei salih. Lagaih haong jalan kuhria patagok gah ngak nong di bhum palei. Kadha di ong Lê Vĩnh Thọ oh lac sa bruk brei oh ka hatai khin ngak bahrau, kham merat saong hadah krah blaoh nyu daok ieu lac bruk pambak jalan sahneng ka drei khin “mai bhum palei ngak nong” sa jalan biak tani tanat saong karo kajap dalam bruk ngak mbang./…