Hu biak rilo makna ngak ka urang daok sit thun sit umo njauk ruak laman lamuac talang. Dalam nan hu: Kayua estrogen nyu biar: Estrogen lac 1 janih noi tiet to dalam rup daong pacang khik mat do khoang dalam talang. Kayua yau nan ye tuk estrogen biar atau kurang kayua janih dalam talang jeng laman lamuac jang, meng nan ngak tamuh ruak laman lamuac kurang talang.

Kayua gen darah meng amaik ame: meyah dalam baoh sang hu urang njauk ruak laman lamuac kurang talang ye urang ruak meda mbuan gaok ruak kurang talang daok sit thun umo lac biak ralo.

Kayua bruk mbang menyum oh njauk lagaih: Dalam mbang huak yaok harei, urang ruak bhian mbang ngak kan kandah ka rup pabhap, dinh duong biar, takik canxi, kali, magie ngak ka talang oh hu pabak ginup janih khik ka talang khang kajap. Bruk randap menyum dom janih alak mbie, njuk pakao atau dom janih kich thich karei,…jeng ngak tabiak ruak kurang di urang sit thun umo.

Takik nao mai atau mbeik drei mbeik rup saong oh bhian gaok pambu pandiak ia harei: Alah mbeik rup, daok rilo sa labik brei jhul samar bruk laman lamuac kurang talang. Pandiak ia harei dalam hadah page hu rilo vitamin D biak siam ka talang. Ralo di nyu dalam nan hu lac tuk tabiak langiu, dom adei sa-ai kamei hu randap bruk pacang biak sir. Bruk ini ngak ka kalik oh gaok pandiak ia harei piah pabak vitamin D.

Kayua bruk karei di jru cawao: Dom janih ruak di urang sit thun sit umo brei hu menyum dom janih jru yau jru pacang ndaoh rup, jru kateik geik klauk ia proton tame rup ,…Dom janih jru ini meyah taong ruak tui tukvak suai atah ye ngak laman lamuac kurang talang, patrun bruk mek canxi, ngak mbuan tamuh ruak laman lamuac kurang talang.

Meyah oh hu taong ruak dil samu drah awal, bruk laman lamuac kurang talang di urang sit thun sit umo oh lac ngak kan kandah tal bruk ngak, ngak patrun bruk diuk rai blaoh nyu daok ngak tabiak dom ruak karei kanjah jhak tal prein yava.

Ala ini lac dom bruk tamuh ruak karei ngak kan kandah di ruak nyu:

Ngak mblaing tulang raong: Dom bruk urang ruak laman lamuac kurang talang meda vaiy talang ba raong. Langiu di nan jeng hu dom urang ruak kurang talang tada ba tal bruk talang tada salih karei, ngak kan kandah trak tal bruk thuak yava.

Jaoh talang yaom lac tok dhuk gaok tadu, gaok mai meda jaoh talang hadei tuk urang ruak um rup pabhap, kuk rup. Bruk jaoh talang meda ba tal bruk jaoh jo…

Taluk tuk talang raong: Dom bruk mada nao tal taluk tuk tulang raong meda gaok bruk jaoh jaoh luac rai manuac. Bruk ini ngak kan kandah biak trak tal raidiuk daok dang di urang ruak, ngak patrun kurang umo bruk diuk rai di anek manuac, ngak jeng naong trak ka urang dalam sang saong rahra.

Piah patakik bruk laman lamuac kurang talang, brei pabak ginup vitamin D saong canxi tui hatai caong di yaok rai umo tapa bruk mbang huak njauk lagaih, hu ginup dinh duong, rilo canxi.

Bhian pasram pahit rup pabhap mbeik rup langiu langik daong khik talang khang kajap, ralo khang kajap. Oh njuk pakao, patakik menyum alak mbie saong dom janih ia chreih rup kich thich, ngak bruk diuk rai siam mekre.

Tuk mboh dom bruk pandik lagah laguai, pandik baoh hapal, trun baoh patih, lagah la-an,… brei nao pasang iek prein yava piah hu thau saong taong ruak dil samu./.