Tàm dơ̆ lơh broă, ồng Đào Mỹ, Phó Củ tịc Anih duh broă làng bol càr Dăk Lăk đơs sùm, tŭ neh gàr kơ̆ mpồl lơh broă, gah do kờñ pal tơrgùm sồr lơh nàng lơh gơs broă tơnguh jơnau kờñ lòt nhơl càr dê. Pal kờp dŭ dipal, tàm pơn ring priă jền, broă lơh, ai tŭ niam nàng ngui ală bơta pràn đah 2 tiah đah mat tơngai lik mờ đah mat tơngai mut càr Dăk Lăk. Bơdìh mờ broă bơyai lơh ală broă lơh den kờñ pal lơh pa, lơh gơs phan lòt nhơl pa nàng gơ hòi gơ jà nac lòt nhơl.

Mho ngai 10/07, Anih duh broă Làng bol càr Lâm Đồng neh geh dơ̆ lơh broă mờ Sờh Niam chài, Tàp pràn să jan mờ Lòt nhơl bè bơta lơh broă, lam lơh kơnòl broă tơnơ̆ tŭ tơmŭt bal. Broă lơh bal 3 Anih tờm Dà Làc– Phan Thiết – Gia Nghĩa nàng sơlơ tơnguh tai lòt nhơl bơtàu tơnguh geh đơs tus. Tàm dơ̆ lơh broă, ồng Hồ Văn Mười, Củ tịc Anih duh broă Làng bol càr Lâm Đồng đơs, Lâm Đồng geh ù tiah dờng ơnàng nàng bơtàu tơnguh bè niam chài, tàp pràn să jan mờ lòt nhơl. Tàm hơ̆, Dà Làc hòi là “Lâm Đồng rơbô bơkào”, Bình Thuận hòi là “Lâm Đồng dà lềng tơlir”, Dăk Nông hòi là “Lâm Đồng brê dờng ơning ơnàng”. Jơh ală bơta ƀuơn, bơta pràn dờng ngan hơ̆ pal geh bơta tàm pơgồp bal ring bal, bơnĕ bơnài bal den gah lòt nhơl bơh ƀòn lơgar dê hơ̆ sồng bơtàu tơnguh pràn kơl dang mờ kơ̆ kơl jăp jŏ jòng.