Hukum Cong chung 2024 hu ba tame padar meng harei 1-7-2025 gam tui ralo kadha bahrau. Dalam nan njauk caik hatai brei adat urang mai mboh tra njauk mek binguk rup tuk tut tangin tame harak brei mboh tra anak urang dang iek tapak.

Tapak di nyu hu khoan 1 paka 50 Hukum mboh tra Cong chung thun 2024 brei adat:

Urang mai mboh tra, urang dang iek, urang dang lang baoh panuac akhar tapuk njauk tut tangin tame yaok hala ba-ar di anak urang iek mboh tra, langiu di adat hukum brei di khoan 2 taka ini saong janih harak brei mboh tra oh tut tangin hu atau mek tangin tut tame hu. Bruk tut tangin tame harak mboh tra online tui dat caik blaoh di Rajaei karja.

Bruk tut tangin mboh tra anak urang dang iek mboh tra njauk mek binguk saong brei piah dalam kati harak mboh tra.

Khoan 2 paka 50 brei adat ka urang oh thaot mek binguk tuk mboh tra ieu la manuac hu angan dalam jabat tổ chức tín dụng, urang ngak mbang blei salih, kapul HTX, pahasa kapul HTX hu brei tut tangin dalau blaoh di labik ngak bruk mboh tra cong chung ye urang nan brei tut tangin dahlau di harak brei pandar meyao meyit.

Urang mboh tra njauk iek huruh akhar tut tangin di nyu dalam harak sarak pandar meyao meyit saong huruh akhar tut tangin iek dalau tuk ngak bruk mboh tra cong chung.

Di sarak paka 104/2025 di Rajaei brei caik cambac taka jeng ye cara brei pandar Hukum Mboh tra Cong chung caik di paka 46 (thaot mek binguk urang mboh tra cong chung dang anak iek tut tangin tame harak cong chung) ba tacei tani tanat di adat caik ini.

Dalam nan, binguk rup thaot mek urang mboh tra dang anak bruk tut tangin tame harak mboh tra cong chung njauk ganap 3 janih kadha.

Sa lac mboh cambac urang tut tangin tame harak cong chung saong urang cong chung brei ngak bruk mboh tra cong chung; Yang ka dua di nyu ieu lac mboh cambac lac, tantu huruh akhar, oh mbuan si par sambo bar pataba ia tanut muc; oh pagam, oh pasiam, oh pabak oh kurang atau gigah karei janih kadha di nyu; Yaka klau iue lac tal in sambo bar atau juk putih angak hala ba-ar pak mata A4; daok mayah mek paar brei luk in binguk ye nyu praong tukik di nyu praong 13cm x 18cm.

Sarak brei adat ralo janih urang brei tut tangin tame harak mboh tra cong chung di dalam sa labik saong sa tukvak ye mek rup binguk ka yaok urang tut tangin anak urang iek mboh tra cong chung atau thaot mek binguk gam saong gauk anak urang dang iek urang tut tangin mboh tra cong chung.

Bingu thaot ieu lac sa baoh kadha asal dalam harak mboh tra di harak cong chung, nyu hu brei khik ramik piah tui adat caik tui hukum nagar brei ka harak cong chung.

Daok dalam bruk mayah khin ye brei mboh tra cong chung saong urang mboh tra congchung ye mek filim dom bruk rah tabiak di tukvak tame meyao meyit tut tangin tame harak mboh tra cong chung.

Dom harak gar binguk rup manuac jeng ye kadha janih tuk mboh tra ieu lac sa kadha oh klak hu di dalam harak hồ sơ mboh tra cong chung, nyu brei piah ramik jeng ye pandar njauk tui hukum nagar brei ka gah piah khik rami ramik harak mboh tra cong chung./.