Tui Luat su Châu Duy Nguyên – Jabat Luat su An Đăng (dalam kapul Luat su Ban raya Ho Chi Minh), bruk urang ngak mbang blei salih dauk kak jien, suai kak jien bao hiem xa hoi ka urang ngak bruk mada cuang tal kein laba ka rup urang ngak bruk gam tal bao hiem xa hoi.

Hukum Bao hiem xa hoi thun 2024, hu jeng pandar meng harei 1.7.2025, brei caik cambaic laic urang pandar urang ngak suai kak jien, dauk kak jien bao hiem xa hoi dan saong bao hiem lahik bruk ka urang ngak bruk.

Tui hukum caik di Paka 40 saong Paka 41 di Hukum Bao hiem xa hoi 2024, tuk mboh hu bruk suai kak jien, dauk kak jien bao hiem xa hoi njauk ngak saong bao hiem lahik bruk, jabat karja dalam bruk ngak pandar tui janih kadha yau ye meng ala ini:

Ha sa, mek urang ngak bruk kak ganap jien kayua bruk suai kak jien, dauk kak jien; gam saong bayar jien do 0,03%/harei kuria jien bao hiem xa hoi, bao hiem lahik bruk kayua bruk suai kak jien, dauk kak jien dan saong dom harei ngak chung tame pok quy bao hiem xa hoi, quy bao hiem lahik bruk ngak.

Ka dua, taong bhat hành chính harak gar atau cap tame duaic hình sự tui Hukum nagar.

Yang ka klau, oh brei taong yaom ka bruk ieik pok mayaom dom angan brei ka urang ngak chung hukum bao hiem xa hoi ", Luat su Nguyên brei thau yau nan.

Luat su Châu Duy Nguyên jeng khan brei thau, tui harak caik dalam hukum di Paka 39 Sarak 12/2022 di Rajaei ye lac urang pandar manuac ngak ngak chung bruk suai kak jien, dauk kak jien ye brei taong bhat meng 12% tal 15% pok jien kak tuk ngak harak taong bhat glaong abih di nyu oh tapa 75 trieu dong.

Daok brei urang chung dalam bruk suai kak jien, dauk kak jien bao hiem xa hoi, bao hiem lahik bruk min ka oh tal njauk cap mek hinh su ye taong bhat jien meng 50 trieu dong tal 75 trieu dong.

Langiu di nan, mayah urang pandar manuac ngak bruk oh kak jien bao hiem xa hoi njauk ngak, oh kak jien bao hiem lahik bruk ka urang ngak bruk ka abih urang ngak, min ka oh tal taka tanut cap mek tagung javap hinh su, ye brei taong bhat jien meng 18% tal 20% pok jien njauk kak di tuk ngak harak taong bhat, min oh brei glaong jang 75 trieu dong.

Luat su Châu Duy Nguyên brei thau lac, dalam bruk taong bhat harak gar blaoh min urang pandar manuac ngak daok ngak chung bruk suai kak jien, dauk kak jien bao hiem xa hoi, bao hiem y te, bao hiem lahik bruk ka manuac ngak bruk ye taong bhat tui Paka 216 di Hukum Hinh su thun 2015 (salih pabak thun 2017). Tui di nan, khung taong bhat galong abih di nyu tagok tal 7 thun daok guk. Langiu di daok guk, urang duac daok cap mek taong bhat kak jien meng 20 trieu dong tal 100 trieu dong, oh brei pan akaok dom taka ngak bruk sa bruk hagait nan meng takik di nyu meng 1 thun tal 5 thun.

Daok tui urang ngak mbang blei salih chung hukum ye brei taong bhat jien tagok tal 3 ti dong./.