Ruak Sodoku mbak tame rup oh thau dahlau hu, nyu tamuh meng labik sahaluah kayua kaik baraic atau tapa taom gaok jeng ye mbang gam janih hu ia maiuk di tikuh hu ruak. 25% anek tikuh taih iek hu gam anek ruak angan xoắn khuẩn S. minus .

Tuakvak pabam ruak di Sodoku meng 5 harei tal 4 adit. Tamuh ruak tatuak drei gam saong mboh pandiak glaong meng (39 do C – 40 do C), chruh laan, pandiak ngak jeng cơn. Nyu mada tamuh ralo mbang dalam meng 1 tal 3 bilan.

Mayah trak, urang ruak pandik akaok, var drei, oh thau kadrei. Ruak mada tamuh: barah nội tâm mạc, barah màng glao akaok, mblung darah dalam baoh hatai, barah baoh hatai gan, barah màng phổi, barah mào tinh hoàn, kurang darah trak. Mayah manuac ruak oh caik hatai taong, ruak bhian dui atah meng 1 tal 2 bilan dan saong mbuan si matai meng 6 tal 10%.

Mayah tikuh kaik mada tamuh ruak yau ye:

Tagok pandiak kayua tikuh kaik, atau daok ieu lac pandiak Haverhill, nyu pabam ruak meng 3 - 10 harei. Ruak tatuak drei tagok pandiak meng 40 do C, chruh la-an, pandik akaok, hadei di nan taglaoh tan aok, pandik rup pabhap pandik ralo tulang, ndon darah di palak kakai ariak tangin.

Ruak tanyik hitam tangin kayua tikuh:

Njom xoắn khuẩn kanyik kulik vàng da Leptospira ieu lac janih ruak mboh huac, mada njom ia mek bak rup, tabiak darah, ruak trun baoh hatai gan thận mbuan si nao tal jalan matai ka manuac ruak. Meng njom khuẩn thể njual oh kanyik hitam angaok kulik, oh mboh pandik akaok glao jeng ye lâm sàng cấp tính, rilo abih lac, kanyik kulik dan saong mbuan si matai. Tuk manuac njauk ruak xoắn khuẩn vàng da kanyik bhian pandiak glaong 39 do C -40 do C, la-an kateik drei yuh yuh dui atah meng 5 -7 harei blaoh di nan bih tih, atau 2-5 harei blaoh nyu tamuh gilac.

Ruak kayua anek vi khuẩn Salmonella meng tikuh:

Urang ruak kayua gaok pan tikuh njauk ia maik di nyu oh rao tangin. Hu manuac mbang gaok janih mbang ti anek tikuh mbang atau nyu ngak plak nyu gaok njom tame.

Di Viet Nam, tui kuhria mboh, tikuh ba tamuh tabiak labaih kurang 5 janih ruak huac, yau ye ruak jit hạch, ruak kanyik kulik njar darah, ruak kayua vi khuẩn Salmonella, pandiak kayua tikuh kaik …

Mayah tikuh baraic atauk kaik ngka hu laka, mikva njauk brei rao ka haci hacih sa-at meng ia saong sabon, hadei di nan rao uak meng ia cồn blaoh ba urang ruak nao tal labik sang ieik ruak ka bác sĩ iek taong padam ruak.

Caga tikuh klah nyu kaik njauk caik hatai tuk ndih kak tamo klah ka tikuh nduac luak tame. Caik hatai caik ndap nda kaya mbang tani tanat, gam ka nyu sei, caga tikuh gaok tikuh kaik jeng ye janih anek ruak karei, ndap nda kaya mbang halei drei oh jie hatai tani tanat pagap ye huac di tikuh mbang ye brei klak. Njauk pahacih pasa-at sang danaok ndap nda kaya ngui caga tikuh kandaok luak atau manek mabaoh. Juai mek tikuh meng tangin./.