1. Dom kadha brei thau ka ruak la-ar dom

Tuk njauk ruak chruh la-ar tamuh, urang ruak meda mboh dom kadha yau: Haok aia idung, gar idung, gam haong dom kadha karei yau ye pandik rup saik saong tagok pandiak. Anek ngak jeng ruak ini bhian gaok ralo abih di nyu hu  rhinovirus min jeng meda lac kayua rilo janih virus karei di gauk. Ruak ini bhian mboh rilo di abih nan lac tame akaok bilan thu saong jaik si abih bilan akaok thun.

 2. Dom bruk mbuan si padam ruak chruh la-ar dom

2.1 Mbang akaok lasun prang metah: Pandar hasit menyek ô liu pandiak buh akaok lasun prang brei caik lapih. Mbang akaok lasun prang metah meda pacang caga hu ruak chruh la-ar dom. Atau pandar sa akaok lasun prang, caik lapih, riak mek aia menyum.

2.2 Caik lasun tame idung: Tuk tamuh ruak chruh la-ar dom, khaol drei bhian gagar idung, meda pandar akaok lasun caik tame dua gilaong idung tuk nao ndih, mek tabiak hadei di 3 tuk, bhian di nyu caong khin ngak sa mbang ye ginup. Meyah baoh idung jeng oh palao suan hu, ye harei hadei meda ngak sa mbang tra. Njauk caik hatai ieu lac palih ruah hala lasun praong, kayua lac hala lasun sit ye oh mek hu siam mekre saong mbuak heit hala lasun nao tame dalam gilaong idung, kan si mek tabiak. Langiu di nan, meyah urang ruak njauk cauci di dalam kulik tuk pandar jalan ngak ini, ye meda pandar sa tal mahlei lapih papaok hala lasun dahlau di tuk caik tame gilaong idung.

2.3 Laya riak saong aia coca: Laya that 30g, rao hacih, ciak lapih gam saong sa kandoh lon coca, pandar gaok nhom riak ka ia dru. Menyum tuk daok pandiak meda biak siam brei ka bruk pacang caga saong mek ruak chruh la-ar dom.

2.4 Som idung meng aia pandiak: Tuk bahrau njaom ruak chruh la-ar dom, mek sa glah aia biak pandiak daok par thak saong luai suan jiva pandiak tagok tal tuk aia dalam glah la-ar. Ngak rilo mbang dalam harei meda padam patrun gar idung.

2.5 Menyum lasun putih tram ia darko: Chaok klik akaok lasun putih tram saong ia darko blaoh brei riak pandiak caik la-ar. Yaok mbang menyum sa hanuai cung sit, sa harei menyum 4-6 mbang meda ba siam ka bruk padam ruak chruh la-ar dom.

2.6 Tea laya that: Laya that ciak lapih buh tame cadi aia riak pandiak, caik la-ar jaik 10 minit blaoh menyum hu. Drei mada oh njauk ruak chruh la-ar dom jeng meda halai drei sa cadhi ia tea hu laya that kayua nyu biak siam ka pren yava saong pacang caga hu ruak chruh la-ar dom.

Langiu di nan dalam tukvak masa hu jit ruak chruh la-ar dom tamuh khang, njauk caik hatai tal bruk kalung pabah. Pandar aia sara kalung pabah bhian harei dalam vaktu page, waktu melam saong hadei di yaok mbang huak meda ngak brei pahacih hu dom janih anek ruak jeng ruak, kalung tarakon. Bruk pandik tarakon bhian nao tapa biak samar min kadha gar idung, haok aia idung mboh triak jang dalam dom harei hadei di nan. Yaok harei njauk pandar aia la-ar piah tapai mbaok, mek tangin traoh aia tame gilaong idung (njauk caik hatai luai suan khang rilo meda ngak ka aia nduac tame dalam gilaong idung), hadei di nan luai suan khang tabiak, ngak nao ngak mai rilo mbang. 

Bhian tram takai yaok melam labaih 15 minit meng aia pandiak (aia pandiak pandao gap takre). Njauk caik hatai mbaok aia tram takai oh tapa mu palak takai. Tram tal tuk dua gah takai bhong merah nan ka meng pacang caga hu ruak chruh la-ar dom.

Njauk caik hatai, meyah urang ruak trak yau pandiak glaong gam gam delapril harei bo oh trun pandiak, pandik cada, kan si suak yava, glaih glar atau dom urang hu ruak dalam rup, urang kamei metian, uranaih njauk ruak chruh la-ar dom ye njauk nao tal sang iek ruak piah pasang iek ruak ka nyu samar drah duah mboh dom janih ruak karei meda tamuh tabiak piah mek ruak padam ruak ka nyu siam./.