Anăn jing: Êpul hgŭm bruă mkra mjing êa drao Hoàng Hiểu Tu Mơ Rông ti să   Đăk Hà, kdriêk Tu Mơ Rông; Êpul hgŭm bruă pla mjing Sâm Ngọc Linh Đăk Xây ti să  Xốp, kdriêk Đăk Glei; gŏ sang A Sỹ, A Chung ti să Tê Xăng lehanăn Măng Ri, kdriêk Tu Mơ Rông ară anei hlăk dôk pla mjing 5.800 phŭn sâm Ngọc Linh mơ̆ng 6 thŭn kơ dlông leh.

Huỳnh Trung Kim, K’iăng khua knơ̆ng bruă kreh knhâo, kdrăp mrâo čar  Kon Tum, brei thâo, truh kơ ară anei êpul bruă mâo mkăp leh hră tŭ yap kơ klei dưi djă yua klei ktrâo anôk pia “Ngọc Linh” jing mnơ̆ng mkra mjing mơ̆ng hbei sâm kơ 13 êpul êya bruă lehanăn mnuih. Êlâo kơ mkăp hră tŭ yap, anôk bruă mâo bi mguôp leh hŏng knơ̆ng bruă lŏ hma, lehanăn wăl hdĭp mda, Knơ̆ng bruă sang čư̆ êa dŭm kdriêk, să ngă klei ksiêm dlăng, bi mklă ênoh, thŭn kơ grăp krĭng pla mjing sâm akâo čiăng bi mâo hră tŭ yap klei kăp ktrâo anôk duh mkra pla mjing sâm. Lehanăn mă mta ADN leh mâo boh tŭ dưn klei bi mklă djŏ jing sâm Ngọc Linh snăn kơh dưi mkăp hră tŭ yap kăp ktrâo anôk jing “Ngọc Linh”.