Bi trông hŏng phung knuă druh, phung mă bruă nao mă bruă ti Anôk bruă knŭk kna, Khua bruă kƀĭn ala mñă klă, hdră êlan mơ̆ng Gưl dlông leh lŏ dăp dŭm anôk bruă knŭk kna gưl čar, gưl să, hlue ngă gru hmô bruă sang čư̆ êa dua gưl jing čiăng giăm mnuih ƀuôn sang, msir mgaih hră mơar pral hĭn, khuăt hĭn,mơ̆ng anăn mnuih ƀuôn sang sa ai, đăo knang kơ Đảng, Knŭk kna klă sĭt kriê dlăng kơ mnuih ƀuôn sang.

Mă bruă hŏng Khua gĭt gai ƀuôn prŏng Cần Thơ leh ksiêm dlăng boh sĭt, Khua bruă kƀĭn ala Trần Thanh Mẫn pŏk êlan kơ klei dăp yua ngăn drăp knŭk kna, ƀuôn prŏng dưi dăp sa anôk bruă mă bruă kơ lu anôk bruă, êpul bruă yua mbĭt, sa anôk bruă dưi mđĭ lar mă bruă ti lu anôk hlăm wưng mphŭn dăp anôk bruă knŭk kna čiăng rơ̆ng bruă kriê dlăng knŭk kna ti dŭm alŭ wăl bi mŭt leh anăn bi hrŏ klei dleh dlan kơ bruă găn êrô, hdĭp mda kơ phung mă bruă knŭk kna; amâo brei hmăi kơ bruă mkăp dŭm hdră bruă knŭk kna kơ mnuih ƀuôn sang.