Nhiv kruôr đhâu, Bôv trưởng Bôv tài Chính Nguyễn Văn Thắng đros Đoàn đại biểu Côx hôiv tỉnh Điện Biên tưz njiz cử tri đhâu Jiês cơưv tiv 9, Côx hôiv khóa 15. Ntơưv jiês njiz, đoàn tưz txêik jênhv, têz trâu cử tri li 8 ziv chênhv cik txos pâux nzir têx ar têz, yưv pênhr uô cêr muk chênhr Sơn La-Điện Biên, cxaz nzir pênhr nhiêx yưv pênhr côngz thiêz choz zok iz cxiê qơư sêiz car lok trâu thax tsav qơư. Cux ntơưv jiês cơưv, hlôngr njêx muôs tỉnh hêik pâuz Trung ương yưv pênhr uô 4 luz pak đêx lox đros pênhr yưv uô xar muôx 3.000 tiv đêiv, phưx vưv tror kho đuô kôngz nuv thiêz tir tar ntux têz ruôr hiêv ntơưv têx huyện tox siêz muôx tsik txâuk đêx liv. Zơưv Lê Xuân Cảnh, Giám đốc Sở Kôngz nuv thiêz Tênhv qơư tỉnh điện Biên cux hêik pâuz:

“Tỉnh Điện Biên tsênhv sir jos hlôngr yiêz đuô kôngz nuv, hlôngr đuô chor tsoz chos txix tsoz chos lur hnuz muôx tsiv gri kinh têr siêz trâu cxuô zav tsoz chos ntêr hnuz kinh têr siêz đuô. Tỉnh cux xav jênhv 2 zav tsoz chos chênhr zos mắc ca thiêz cà phê, nhiv no cux tsênhv huôv tsar tâu muôx 12.000 héc ta mắc ca thiêz 8.000 ntâu héc ta cà phê. Taz sik chor thax tsav no puôr lênhx zos khov trâu ntux nas. Chênhr viv li, yưv pênhr uô chor pak đêx liv zos kror tsuv uô, paz uô tâu jông hâux lưv kho đuô nganhx kôngz nuv nhoz tỉnh thiêz cux zos iz dưv anr zov chênhr muk ntêr”./.

Vũ Lợi-Lik Thox cxêik nhênhv

Tas cik hnuz xiêz 06/7, ntơưv xã Mậu A (huyện Văn Yên, tỉnh Yên Bái kuz), Bộ trưởng Bộ Kôngz nuv thiêz tênhx qơư Đỗ Đức Duy đros đoanx đại biểu Côx hôiv tỉnh Lào Cai tưz chuôs njiz cử tri chor xã Mậu A, Đông Cuông, Xuân Ái chiê heik trâu cử tri pâuz lok jiês cơưv tiv 9, Côx hôiv khóa 15. Cử tri heik tơưv cêr thôngx ziv lok muôz iz cxiê thax tsav qơư uô cê, txo grêk tsơưs lênhx nênhs uô hâux lưv thiêz thix ziv ntâu tsênhv njiêz cik txos huôv tsar têx côngz trênhx, y tế, hlôngr yiêz sôr thiêz iz cxiê têx uz no cik txos pêx xênhv thâuv fuô uô chor dưv anr lox. Bộ trưởng Đỗ Đức Duy heik mênhx sir jos uô jông hâux lưv hlôngr yiêz, phênhz hâux lưv, muôz iz cxiê thax tsav uô cê têx uô tâu truôx, iz chas ntơư heik tỉnh Lào Cai hux jos đros Công ty yưv pênhr huôv tsar cêr muk chênhr Việt Nam chiê nzor fuô uô ntu cêr IC15, moz siêz njuôk hov huv đros, uô truôx qơư y tế xã têx luôs hâux lưv seiz njuôk shuôs moz gênhk thiêz taz por têx dưv anr côngz trênhx lox tsi uô ruôr hiêv txos pêx xênhv luz nênhx./.

Thừa Xuân-Riê Lâux cxeik, nhênhv

Muôx ntâu hnuz lok nas lox uô trâu jok Phiêng Nghè (phường Chiềng an, TP Sơn kuz) tror muôx đêx ngaz, uô phiv liv ntâu txos pêx xênhv luz nênhx. No zos shông tiv oz tsik so thax tsav no muôx đêx ngaz tiv têx qơưk trâu đêx ntưk muk zâu, zôngx ziv trâus ar, têx vuôz tsuôk lok cxơưk. Ủy ban tỉnh Sơn La tưz cir tso tơưv dưv anr uô kror trâu đêx ntưk muk ntêr muôx 700 ntâu thiêr đros pênhr yưv uô muôx 41 tiv đêiv chiê đơưk kho qênhx shênhx muôx đêx ngaz. Taz sik, txos nhiv no côngz trinhx nhiv kruôr uô tâu muôx 20%, hok chor đêx ngaz mak cux tsik so pur siêz nzir, uô phiv liv txos kriz uô dưv anr. Chinhr quyền ntơưv qơư tsênhv huiz tôngv lưx lươngv, paz txar qơư nhoz, sâu chor kôngz lôngk thiêz sêiz shuôk jông qênhx shênhx đêx ngaz chiê muôx tsưr ziv đơưk kho, tir tar. Zơưv Tòng Văn Thắng, Bí thư Chi bôv, tsar jok Phiêng Nghè puz pâuz:

“Chor chuôz zis trâus đêx ngaz tưz piv pov muôx têx moz cik txos têk tơư, kror ndâux, khâuk, thox plaz, moz tâuz hâu… vav tiêk cxuô cấp y têr zuôr paz njuôk shuôk, chơưv kho, muôz yuôx paz trâu pox nhuôs. Tiv oz  zos chor đêx tsik so pur siêz txos xưk li tsêiz no mak pox nhuôs hâur qơư trâus đêx ngaz zuôr njiz ntâu kror phiv liv, muôx tsik txâuk cxuô zav li cxur, yuôx, đêx hâuk”./.

Trấn Long-Lik Thox cxêik nhênhv

Đhâu 2 hnuz ntâu, yênhx puô lênhx nênhs sir jos zok nriêr, lênhx nhuôv 8 shông trâus đêx nas cuôr yôngz ntơưv xã Nậm Kè, tỉnh Điện Biên (nhoz huyện Mường Nhé kuz, tỉnh Điện Biên) cux tsênhv zok nriêr tsi tâu tâu. Uô ntêx co, 3 lênhx nhuôv zâu hâur jok siz zâuv cheix fuôx hla đêx thâuv đêx tsênhv huôv lok six lox, txox hluô khi têx shôngz ntông uô fuôx tưz trâus tu uô hur si 3 lênhx nhuôs heik sâuv trâus đêx cuôr yôngz. 2 tus nhuôv hloz hmôngr jông uô tâu luôv đêx lok trâu saz tiv ntus, hok lênhx huôv Anh Xênhv Lâux, zơưv Tuôv Xênhv Lâux tus mê nhuôv tưz trâus đêx nas cuôr pôngz plox mông. Trơưk li Cơ quan njuôk ntux yar ntux nas tỉnh Điện Biên heik, tsênhv tror muôz iz tâur huôz tsâuk thiêz zuôr lok nas, tas nro tỉnh zuôr njiz trâus iz coz nas lox ntêr hnuz, đêx zôngx ziv huôv hloz, uô tsi truôx tuk, lar heik zos têx nhuôs zâu uô nênhx nhoz jê thax tsav ntus đêx, cưx đês cưx ha. Hâu nov ntơưv qơư tror heik trâu tsôngv pêx xênhv sơưr đơưk seiz shuôs jông têx mê tuz mê nhuôv thiêz bax tsưr ziv phax txar jav đêx nas lox chiê txo grêk têx tsi jông./.

Vũ Lợi-Riê Lâux cxeik, nhênhv