VOV.Xơ Đăng - Miếo prế Klá-péa to kuăn kiâ ki châ kân, châ kŭn ƀă ai ivá pơrá phá dêi pó, laga, prế cho nhŏng o tung môi hdroâng hdrê. Tơdroăng hơ’muăn kố ga cho vâ mơhno tối tơdroăng ki tơpeăng tơtŭng dêi pó, mâu tơdroăng ki pá, rế hêng krôu há la rế hêng tó há, la ai môi tơdroăng ki mơ’nui lui ah ga chiâng ro tơviah nếo.

VOV.Xơ Đăng - Ing môi ngế kuăn kơnốu ki kơtiê, Y Nhuăt hiăng chiâng pơtáu kro mơdrŏng, ai hnoăng kân tung tơdroăng cheăng. La ai tơdroăng ki ‘ló mơjo pâ, tơdroăng kro mơdrŏng ‘na kế tơmeăm cho hiâm mơno ki ‘nâi hơ-ui gum ƀă kuăn pơlê. Tơdroăng hơ’muăn ‘na Tăm Y Nhuăt, ôh ta xê to tơdroăng ki pơhlêh rêh ối, pêi cheăng ki hil tơviah, mê ối cho ƀai mơhriâm ki mơhnhôk thế ai hiâm mơno kơdo mơ-eăm ƀă ai tuăn mơno ‘nâi mơjo pâ, đi đo châ mơngế Rơđế hơ’muăn tối, kơdeăn hâk.

VOV.Xơ Đăng - Tơdroăng xôi kiâ “mŏng kơtôu plâi tuâk” cho vâ hơ’muăn tối ‘na on veăng ki hdrốu, la kơ’nâi mê, kơnôm châ Xeăng hơ-ui gum ăm prế ai môi ngế kuăn kơnốu hâu nguăn. Nôu ga hía, ngế pâ ga krôu bê ta troh puâ mâ, la xuân ối kơdo mơ-eăm pêi cheăng vâ păn roăng, rak ngăn dêi kuăn chiâng mơngế ki rơkê. Klêi kơ’nâi kuăn kơnốu hiăng chiâng kăn pơkuâ ngăn tơring ƀă xo mế, prế rêh ối lĕm khât ƀă dêi pâ, la xua lối kơ mơjo tơmeăm, prế hiăng xo kơtôu plâi tuâk vâ pro mŏng, ăm dêi pâ i kâ. Kơnôm ai cháu mê prế nếo ‘nâi dêi tơná pro mŏng kơtôu plâi tuâk ăm dêi pâ i kâ hmê cho ôh tá hâu nhoăm kơ vâi krâ. Tơdroăng hơ’muăn mê cho vâ tối pơchân ăm tâi tâng pin môi tơdroăng, dế rêh ối a rŏng tơnêi athế đi đo ‘nâi mơnê nôu pâ, athế nguăn, hâu, nhoăm, ai hnoăng păn roăng, rak ngăn vâi kơdrâi, pêi p

VOV.Xơ Đăng

VOV.Xơ Đăng - Hdroâng mơngế Raglai ai tơdroăng rêh ối túa lĕm tro hên hĭn, malối cho ‘na prôa, têng nêng, tơdroăng rơngêi ting pro khiú pâ tung hiâm mơno rêm ngế ki hmâng. Tơdroăng Hơ’muăn “Idrâp hơdruê dêi ngế hmốu’’ cho vâ hơ’muăn tối ‘na ngế o kơnốu ối kŭn Đá Ngọc hơdruê mâu ƀai khên tơnôu, pro kuăn pơlê rơhêng tơmâng xua ro, piu lôi mâ khế hiăng klêh a rŏng ngo, bê ta troh kong hiăng gâ, kong hiăng hâi. Rơkong hơdruê dêi ngế hmốu pro mâu chêm chok, chăm chói, kơnai kơnot veăng kơhnhon xuăng, piu kâ ’nhiê mâu báu-prá-alâi-plâi pôm a chêk deăng. Ƀă rơkong hơdruê dêi ngế hmốu xuân hiăng pro ăm ngế ki kơneăm dju lôi dêi pháu, hơnêa, vêh ƀă tơdroăng rêh ối hơniâp lĕm.

VOV.Xơ Đăng - Tơdroăng hơ’muăn H’Kụng prế Y Du dêi hdroâng Rơđế cho vâ hơ’muăn tối ‘na tơdroăng pro hmâ pơla vâi droh rơtăm dêi tăm Y Du prế Apía H’Kung la tro Y Dang - ngoh dêi H’Kung mơdât. Prế hiăng tơno dêi pó kơtâu hdâ ối a tíu ngo ki hơngế, kong ilâng vâ Y Dang ôh ta châ hlo. Prế rơtế pêi xêh tơdroăng cheăng krê, tâng klêi adrêng prế kơ châ xo dêi pó, tâng ôh kô tơklâ dêi pó đi đo. Ing tơdroăng hơ’muăn kố, cho vâ mơnhên tối xiâm rêi dêi mơngế Rơđế Bih, mơngế Jarai hâi kố. Xuân ing tơdroăng hơ’muăn kố mơngế Rơđế nah mơnhên tối khoh chiâng ai kâu kâ khế.

VOV.Xơ Đăng - Tơdroăng hơ’muăn “Kuăn pơtáu Hơniâp” dêi ngế chêh văn Oscar Wilde, kong têa Ireland cho môi tơdroăng hơ’muăn pro rơrêk tung tuăn mơno ‘na ai tuăn hơ-ui, mơ-eăm tơkâ luâ xơpá ƀă tơdroăng hơ-ui pâ pơla kuăn mơngế ƀă kuăn mơngế. Tơdroăng hơ’muăn ‘na um meăn Kuăn pơtáu Hơniâp - môi to um pơtih dêi hiâm mơno hơ-ui pâ, đi đo séa ngăn ƀă veăng kum mâu ngế kơtiê tung kơphô̆. Tơdrêng ƀă chêm Pơlêng kŭn, kuăn pơtáu hiăng ăm tâi tâng mâu tơmeăm ki tơná ai vâ djâ tơdroăng hơniâp ăm mâu ngế ki pá puât.

VOV.Xơ Đăng - A cheăm Triệu Hải, tơring Dà Teh hdrối nah cho tơring (Dạ Oai) Dạ Huoai, kong pơlê Lâm Đồng ai xí lĕm ƀă krip tơdrŏm ai inâi hdroâng Mạ tối dêi Dạ K’La. Hdrok ing ‘ngêi a kối ngo, mơhé rơnó mêi lơ rơno tô mơdrăng, xí têa hmôu pơ hdrok plâ rơnó, plâ hơnăm. Ngăn ki lĕm dêi kong kế tơviah kố, krâ pơlê mơngế Mạ hơ’muăn tối xiâm kối khoh chiâng ai xí Dạ K’La cho tơviah, hmâng chiâng rơ-rêk tung hiâm mơno.

VOV.Xơ Đăng - Apiá Tô Ngô cho tơdroăng hơ’muăn ki xŏn châ vâi krâ roh nah hơ’muăn sap ing rơxông hdrối troh rơxông kơ’nâi tung hdroâng kuăn ngo Rơđế MDhur a tơring MDrăk. Tơdroăng hơ’muăn mê môi tiah tơdroăng rơngê rơngối, la xiâm kối ga xuân cho tơdroăng hơ’muăn chal vâi krâ roh ton nah, cho vâ mơnhên tối ‘na hneăng tơplâ pơla ki lĕm ƀă ki ‘mêi tung pơlê pơla dêi hdroâng Rơđế chal krâ nah.

VOV.Xơ Đăng - Tơdroăng hơ’muăn “Xiâm kối khoh ai xí 3 râ” dêi hdroâng kuăn ngo Bơhnéa cho vâ hơ’muăn tối ‘na prế droh rơtăm ki lĕm rơkê tŭm tơdroăng rêh ối ôh ti păng hơngế dêi pó, tung môi roh mot tung kong hơngế, lăm tăng chiâ pôm prâi vâ pôi ta kơklêa ăm dêi rơpŏng xua hiăng ton hơnăm kong ôh ai mêi, Apía H’Du hiăng tro kiâ Steng rup djâ. Tăm Bli mơhúa, kơnôm ai tơdroăng tŏng veăng dêi 3 to kuăn kiâ tung kong, mê cho Chok, Rơkái ƀă Imá, ƀă tơdroăng ki khên tơnôu dêi tăm hiăng châ tŏng xo Apía H’Du ƀă hiăng châ mơ’no têa lo ing kiâp hmốu mê. Thông têa hiăng hiu rơtok troh pêa hdroh, ing mê, khoh chiâng ai xí ki kân krip, Hno têa mê hiu hdrok têi, mê khoh chiâng xi ki kân, hdrok chu a thông hmốu mê khoh chiâng Xí 3 râ hâi kố.