VOV4.Bahnar - Tơdrong tơroi kră sơ̆ “Pơnhan plei gao” tơroi găh klo hơkăn ưh kơ đei hơ ‘lơ̆p, đei yang mơnat đei kon drŏ nglo. Hơkăn lôch, bơngai klo nhơ̆m ơ̆h ol, măt đĭ bơbul mă lei hơdrin jang sa rong ‘me kon hơ ‘lơ̆p. Lăp đơ̆ng rŏng kon đei jing koan apŭng păng iŏk ŭnh om, klo akăn măr sư vei lăng năng tông ƀă tôch tơnăp mă lei kơ yuơ đei jơhngơm ‘mêm kơna iŏk kơđoh plei gao pơm pơnhan ăn kơ ƀă sŏng sa. Gơnơm kon măr sư kơna klo hơkăn ƀok kuan apŭng mă ƀôh hơdăh pơm lơ loh ưh kơ ‘mêm mơnat kơ ƀă. Tơdrong tơroi ou vă pơtho khan ăn kơ bơ̆n mĭnh tơdrong ‘noh, lơ̆m tơdrong hơrih ling lang ‘mêm kơ eng kơ mĕ ƀă, băt vei lăng năng tông mĕ ƀă ‘lơ̆ng hơ iă păng chă jang dôm tơdrong yă kiơ ăn mĕ ƀă lơ̆m khei ‘năr kĕ jang.

VOV4.Bahnar - Lơ̆m tơdrong tơroi kră sơ̆ rim hơdrung Trường Sơn- Tây Nguyên, um rup bơngai tơdăm mơti mơtĕk, ŭnh hnam dơnuh, đe hơreh, mă lei pơnam jang sa kơna yang mơnat. ‘Nou jei jing tơdrong hơpơi ‘meh vă đơ̆ng kon pơlei vă kĕ yak hloh tơdrong tơnap tap, đei tơdrong hơrih sa ñhen hơpơi ‘meh vă. Tơdrong tơroi kră sơ̆ “Thao H’ Khiết” kơ hơdrung Sê đăng tơroi găh bơngai tơdăm dơnuh hin Thao H’ Khiết iŏk đei kon hơdruh ƀok pơtao ‘lơ̆ng kră klang rang kơ đak rak kơ hla, gơnơm yang tơgŭm djru hlôi đei jing pơdrŏng, đei klo hơkăn ƀok pơtao chhôk ‘nă, lăp đon.

VOV4.Bahnar - Bơngai Raglai đei tơdrong oei sa joh ayŏ lơ, mă kăl găh tơdrong joh hơri, hăm nơ̆r hơri pơm ăn rim bơngai hyŭ rơdu hyu rơmơ̆n. Tơdrong tơroi kră sơ̆ “Nơ̆r hơri kơ bơngai Tơmo” tơroi găh bơngai hơ ioh Đá Ngọc hơri dôm tơdrong hơri pơm ăn rim răih bơngai lŭ lăp, hiơt hyong khei mơ̆t, dĭng truh ƀrach hơdăh. Nơ̆r hơri kơ bơngai tơmo pơm ăn sem bri brăh jei vang chă joh hơđoang hiơt hiong holoi chă phă pơrăm ƀa hơƀo kon pơei. Păng Nơ̆r hơri kơ bơngai tơmo jei pơm ăn hơyăt hơchăng khel đao, blŏk vih hơrih sa ‘lơ̆ng hơ iă nhen kon pơlei hmă.

VOV4.Bahnar - Tơdrong tơroi kră sơ̆ H’Kung hăm Y Du kơ hơdring Êđê tơroi găh tơdrong tơhưch bre hơdruh tơdăm Y Du hăm H’ Kung mă lei kơtôih hê̆ tơdrong găn ga đơ̆ng ‘nhŏng bia H’Kung ‘noh Y Dang. Măr sư măh chă jăk năm oei tơ̆ hơtăih bri kông sĕk kơloĕk vă Y Dang tơchă ưh kơ ƀôh. Măr sư chă pơjao dih băl jang mĭnh ‘nu mĭnh tơdrong, tơdăh keh đang hrơ̆p mĭnh ‘măng lei gơ̆h tơ oei dih băl, tơdăh ưh lei hơlăh dih băl. ‘Moi kiơ̆ tơdrong tơroi ou đei tơbăt hơdăh găh tơm a la chă kơ bơngai Êđê Bih, bơngai Jrai hrei ou. Jei kiơ̆ tơdrong tơroi ou, bơngai Êđê hơlen akhan kơ yuơ kă kiơ mă đei tơdrong bơ loăn khei.

VOV4.Bahnar

VOV4.Bahnar - Tơ̆ tơring Triệu Hải, apŭng Đạ Teh sơ̆, dang ei ‘noh apŭng Đạ Huoai, dêh char Gia Lai đei chơkơi tôch kơ ‘lơ̆ng iĕm kiơ̆ nơ̆r krao kơ hơdrung Mă akhan chơkơi Dạ K’La. Đơ̆ng loel kông kơjung, mă đơ̆ng pơyan ‘mi dăh mă pơyan phang, chơkơi đak oei kơtăh prăt sơnăm. Đơ̆ng cham char ‘lơ̆ng rŏ ou, kră pơlei bơngai Mă tơroi găh tơm a la chă chơkơi Dạ K' La tôch kơ ‘lơ̆ng rŏ.

VOV4.Bahnar - H’Bia Tô Ngô ‘noh mĭnh tơdrong tơroi kră sơ̆ tôch kơjung kơ bơngai Êđê M’Dhur oei tơ̆ M’Drăk. Tơdrong tơroi au vă lei lăi hăm tơroi hơ ‘mon, tơroi tơbăt găh tơdrong tơjră dih băl găh jơhngơ̆m đon ‘lơ̆ng hăm kơ nê̆ lơ̆m tơdrong erih sa kơ bơngai Êđê Tây Nguyên.

VOV4.Bahnar - Tơdrong tơroi kră sơ̆ “Tơdrong tơroi găh chơ kơi Kbŏng” kơ hơdrung Bahnar tơroi găh bre hơdruh tơdăm tơhưch dih băl pă tơpleh veh pă ngiĕr, lơ̆m mĭnh ‘măng năm tơ̆ bri chă sir ƀum nheng, ƀum jur vă tơgŭm ăn ŭnh hnam yak hloh pơngot rơvet kơ yơ lơ sơnăm ưh kơ đei ‘mi jur, bia Phu răm hư̆ yang kơnê̆ rôp. Dăm Bri pŭn ai đei xem bri tơgŭm djru ‘noh Sôk, sơke păng Jơma păng jơhngơ̆m đon nuih mơng đơ̆ng kơdih hlôi dŏng hơrih bia Phu păng hlôi pơjing đei tu đak ro ‘lơ̆ng hơ iă. Thoong đak ro gơ grŭk pơjing đei chơkơi pêng tăk nhen dang ei. Tơdrong tơroi ou vă pơtho khan ăn tơdrong tơhưch dih băl ưh kơ gơ̆h hơleh lê̆ ƀlang tơlang lê̆ ƀiao, mă lei kăl pơvei dih băl mă kơjăp mă đơ̆ng tơƀơ̆p tơnap tap dang yơ ră mălei kĕ yak hloh.

VOV4.Bahnar - "Tơm a la chă ‘long chehphe” ‘noh mĭnh tơdrong tơroi kră sơ̆ kơ Tây Nguyên, tơroi găh tơm a la chă ‘long chehpeh-mĭnh ‘long pơtăm tơklep kơjăp hăm kon pơlei tơring ou. Tơdrong tơroi ou tơroi găh mĭnh pơlei iĕ pơlei đei kon pơlei oei sa gơ̆h găt băt ‘mêm kơ eng dih băl. Tơdrong tơroi ou tơroi tơbăt găh mĭnh ‘nu bơngai tơdăm nuih mơng, hlôi iung tơblăh pơrăm hŭt xem grơ̆ ă yă ving vông, vă vei lăng năng tông kon pơlei hoei kơ lôch răm. Đơ̆ng pham lĕch sĕch huŏng kơ bơngai tơdăm ou hram mơ̆t mĭnh tơring să păng hlôi ƀôh chăt mĭnh kơ loăi ‘long ƀou phu chrih chrĕng, ‘noh ‘long chehphe.

VOV4.Bahnar - Tơdrong tơroi “7 dơnou, 3 chơkơi” tơroi găh tơdrong pơjing pơlei, oei sa kơ tơpơ̆h ‘nu tơdăm yang Plinh Huynh. Mă lei, kơ yuơ pơm glăi lơ̆m tơdrong kơ̆m giĕng, kơna ƀă hlôi phak, soh rông chhông hnam rim pơlei kon hơ ‘lơ̆p vei lăng.