Dom urang ngak mbang blei salih di Ba Ria - Vung Tau brei thau, tukvak blaoh, urang pan akaok tinh bhian taong yaom iek glang, duah jalan peih huan dom janih daok “gak gar" gah harak gar, adat hukum, piah daong abih hatai ka bruk buh jien tame, blei salih di bhum palei. Ong Phạm Ngọc Hải, Akaok Pahasa Jirah tinh Ba Ria – Vung Tau, brei thau, di dom mbang ndom mayai mayit mayao nao mai, urang pan akaok tinh tuk halei jeng pang dom panuac di dom urang buh jien tame dan saong patacei brei lang yah bruk ngak tui jalan “kan tal halei taoh lang tal nan”.

Oh sa janih kendang pang dom panuac pok khin di urang buh jien tame, urang pan akakok di dalam tinh jeng ye di dom pakat mala, gah dhan dom jabat njauk lang yah ka nyu cambaic laic, tantu tal labik tal gigah. Daok dom janih daok kandah ye urang pan akaok tinh Ba Ria – Vung Tau jeng patacei dom so, dhan gah jabat karja pataom prein lang yah ka drah ka samar di abih brei ka urang ngak mbang blei salih.

Dreih yau nan, ong Lê Đình Thắng, Akaok Pahasa kapul Urang blei salih Dam dara tinh Ba Ria - Vung Tau, hu panuac brei ka ngak mbang blei salih gah taneh riya kaya kandang, padang, cuang kandah ralo abih di nyu bhian tavak tal hark gar taneh riya. Ong taong yaom glaong bruk urang pan akaok tinh bhian ramik tukvak yaok adit piah taduan raok urang ngak mbang blei salih, urang buh jien tame, tapa di nan padang bruk ngak mbang blei salih lagaih lago siam makre.

Khol dahlak hulin caong lac, urang pan akaok tinh, urang pan akaok dom gah dom dhan jabat mala jaik taphia rahra urang ngak mbang blei salih dalam harak gar. Dom kan kandah tamuh tabiak di urang ngak mbang blei salih jeng hu caik hatai iek glang lang yah dalam tukvak drah di abih.

Piah dom kan kandah hu langyah ka abih, bilan 5/2023, Kapul ngak bruk hu anagn (Kapul 997) kayua Po Akaok UB Bhap bini tinh dang akaok kapul brei padang. Tal ini, Kapul taduan hu labaih 60 baoh panuac pok khin saong brei lang yah ka blaoh 38 baoh pok caong khin. Dom bruk daok kandaong, dalam nan pambuak tal dom harak gar adat hukum cuang kandah capat, ba patapak harak brei adat buh jien tame, harak danak dak, harak taneh riya, daok pataom prein lang yah.

Kayua brei peih bruk samu gauk dom janih cara pasiam bruk buh jien tame, dom urang buh jien tame ralo brei mboh di mata. Dalam 5 bilan akaok thun, Ba Ria – Vung Tau brei harak bahrau dan saong patapak harak phun jien ka 73 danak dak brei tut angan labaih 4 ty USD.

Gam saong dom danak dak dalam nagar, tinh brei barau jeng patapak harak patagok phun jien buh tame ka 36 danak dak gam phun jien jaik 71.500 ty dong (gam tame 2,75 ty USD). Ong Nguyễn Văn Thọ, Akaok UB Bhap bini timnh Ba Ria – Vung Tau, brei thau lac di pakat palei tuk halei jeng pan capat drah samar piah lang ka urang ngak mbang blei salih ka gah jie, gah taneh, riya alam tal harak gar. Tinh pachreih dom urang ngak mbang blei salih "juai huac kanda chaok ginuh", njauk ndom mayai tabiak tapak piah hu lang yah drah samar.

Yaok adit, yaok harei khol hulin jeng taduan raok urang ngak mbang blei salih. Mayah urang ngak mbang blei salih, urang buh jien tame khin taom urang pan akaok. Taom mbaok piah lang yah dom gigah daok tavak kandah “gar” saong kan kandah piah lang yah aval drah. Daok dom hagait daok kandah khol hulin taduon mek, piah urang pan akaok daok patacei, daok pachreih piah ngak.

Dalam mai meng anak tal, Ba Ria - Vung Tau mada daok peih ngak dom janih gah kadha cara piah patagok yaom prein brei pacah ngak, brei panak tukvak langyah bruk harak gar, saong pasang iek gah karja. Bruk ini piah ka dom bruk kan kandah di dom urang ngak mbang blei salih patakik kurang jang, bruk hu brei lang yah blaoh jeng ralo, njauk hukum adat, padang jeng sa labik mai tal njauk hatai saong karo kajap./.