Aê mdrao Hoàng Hải Phúc brei thâo, pô djiê anei jing ĕ Y.J.P.H.Đ. (5 thŭn, dôk ti să Krông Hnang, čar Dak Lak). Hlăm hruê 30/4, ĕ mâo klei êgah êmăn, huĭ kơ mngač, hŭi kơ angĭn, amâo mâo huă ƀơ̆ng, blĕ ô̆ leh anăn ruă tian. Truh hruê 2/5 ĕ dưi ba ti Sang êa drao prŏng Lăn Dap Kngư čiăng mkă dlăng leh anăn mdrao mgŭn. Hruê 3/5, klei ruă nao kjham.

Gŏ sang akâo ba wĭt hŏng klei đăo knăl: djŏ kman, kman hlăm êrah, kpĕ êka lu mta, blĕ êrah hlăm prôč êhŭng, bŏk klĭt dlô, ksiêm dlăng klei ruă khŏ leh anăn dăl êwa hnơ̆ng 4. Ăt hlăm hruê, ĕ djiê ti sang. Hluê si pô sang, hlăm brô 4 mlan êlâo kơ ba nao ti sang êa drao, ĕ tuôm mâo sa drei miêo kuač ti kngan hnuă.