VOV.Êđê – Ti anăp boh klei ruă jơ̆ng, kngan, ƀăng êgei đĭ ktang ti alŭ wăl, Knơ̆ng bruă mdrao mgŭn čar Lâm Đồng mrâo mâo hră mơar mjêč mơĭr kơ Knơ̆ng bruă sang hră mtô bi hriăm, Knơ̆ng bruă sang čư̆ êa 124 să, ƀuôn hgŭm, wăl anôk hŏng dŭm anôk bruă djŏ tuôm brei mđĭ ktang hdră gang mkhư̆ klei ruă jơ̆ng, kngan, ƀăng êgei ti dŭm anôk bruă mtô bi hriăm.

VOV.Êđê- Ti čar Dak Lak dôk čih yap ênoh mnuih djŏ klei ruă jơ̆ng kngan ƀăng êgei hlăm phung hđeh đĭ lu.

VOV.Êđê- Ti Việt Nam, ară anei klei ruă hnak ăt jing sa hlăm dŭm klei ruă tưp huĭ hyưt, hmăi lu snăk kơ klei suaih pral, klei hdĭp bruă duh mkra mnuih ruă. Ară anei klei ruă hnak srăng dưi mdrao hlao ƀiădah boh sĭt lu mnuih lŏ ruă kyua amâo hlue ngă klei mdrao mgŭn hlue si aê mdrao mtă. Klei ruă hnak lŏ mâo amâo djŏ knŏng ngă kơ hdră mdrao mgŭn dleh dlan hĭn ôh, luč liê lu hruê mmông ôh ƀiădah prăk mdrao mgŭn luč liê lu hĭn leh anăn lŏ huĭ tưp lar hlăm êpul êya.

VOV.Êđê- Ară anei, yan adiê puih mnga hŏng hnơ̆ng hơăp đĭ, yan adiê bi mlih mdê mdô dleh dưi ksiêm dlăng – mjing klei găl kơ lu mta kman klei ruă đĭ lar pral hlăm êpul êya, hlăm anăn mâo klei ruă bŏk yơi. Anei jing klei ruă kreh mâo, ênưih tưp hluê êlan bi êwa leh anăn huĭ srăng bluh đĭ jing klei ruă tưp prŏng bluh mâo ti dŭm sang hră, sang rông hđeh amâo dah krĭng mnuih ƀuôn sang dôk. Kyua anăn, bruă mđĭ klei thâo săng gang mkhư̆ klei ruă lehanăn pral mâo hdră răng mgang klei suaih pral jing yuôm bhăn êdi kyua tơ amâo dưi ksiêm dlăng lehanăn mdrao djŏ hdră, klei ruă anei srăng ba lu klei huĭ hyưt, hmăi truh kơ klei suaih pral mơ̆ng phung hđeh.

VOV.Êđê- Sang êa drao ală Tây Nguyên, čar Daklak ba yua leh kdrăp VisuMax 800 ba yua hlăm klei mdrao ală.

VOV.Êđê- Klei ruă êbuh (amâodah klei ruă dăl aruăt êrah dlô) jing sa hlăm dŭm klei ruă huĭ hyưt, mâo ênoh mnuih djiê lu; lu phung dôk hdĭp mâo klei ruă kjham msĕ si êwiên, amâo thâo blŭ… Bruă mdrao mgŭn hruê anei mâo leh lu knhuang yuôm bhăn hlăm bruă dŏng hdĭp leh anăn kơrŭ wĭt klei suaih pral kơ mnuih ruă êbuh kyua dăl aruăt êrah dlô, khădah snăn brei thâo ƀuh leh anăn dŏng drao hnưm. Kyua anăn, bruă dưi truh pral ti anôk mdrao mgŭn srăng dưi dŏng mdrao mjêč leh anăn mdrao kluôm dhuôm klei ruă êbuh kyua dăl aruăt êrah dlô jing yuôm bhăn snăk hŏng klei hdĭp mnuih ruă.

VOV.Êđê - Grăp thŭn, tar rŏng lăn mâo hlăm brô 15 êklăk čô hđeh kkiêng ka truh mlan. Ti Việt Nam, ênoh hđeh kkiêng ka truh mlan mâo hlăm brô 10% ênoh phung hđeh mrâo kkiêng leh anăn dôk mâo klei bi êdah đĭ. Klei kkiêng anak ka truh mlan srăng tlă anăp hŏng lu klei amâo jăk hlăm klei suaih pral msĕ si amâo jăk hlăm êlan bi êwa, ênưih djŏ dŭm klei ruă mkăn, êmưt đĭ kơ prŏng wăt hlăm asei mlei lehanăn klei thâo săng. Kyua anăn, đru kơ phung hđeh kkiêng ka truh mlan đĭ prŏng suaih pral jing mta kñăm lehanăn ăt jing klei lông dlăng prŏng hŏng Anôk bruă mdrao mgŭn.

VOV.Êđê- Klei ruă ală hrah jing sa hlăm dŭm klei ruă khăng mâo kơ ală. Klei ruă khăng mâo lu hlăk bi mih yan adiê. Hlăm phung hđeh, boh nik phung hđeh điêt ênưih snăk mâo klei ruă anei kyua phung hđeh khăng bi tuôm giăm, yua mnơ̆ng hlăp lêñ mbĭt. Anei jing klei ruă ênưih mdrao hlao ƀiădah tơdah mdrao mgŭn amâo djŏ hdră srăng truh kjham, hmăi kơ klei thâo dlăng phung hđeh êdei anăp.

VOV.Êđê - Čiăng rơ̆ng kơ hdră ksiêm mkă dlăng, mdrao klei ruă tŭ dưn hlăm wưng êlâo, hlăm lehanăn êdei kơ Têt Bính Ngọ, anôk bruă mdrao mgŭn Dak Lak mkŏ dăp leh êpul knuă druh, mnuih mă bruă dôk gak răng mă bruă hruê Têt, mprăp ênŭm êa drao gŭn, mnơ̆ng yua hlăm bruă mdrao mgŭn. Mđrĭng hŏng anăn, dŭm sang êa drao prŏng ti alŭ wăl čar Dak Lak hlăk lehanăn dôk bi hgŭm hŏng dŭm anôk bruă ba anăp mtrŭt mjhar hdră myơr êrah đru dŏng hdĭp mnuih, tŭ mă dŭm êtuh mrô êrah doh, mprăp đru dŏng mdrao mnuih ruă hlăm wưng Têt Bính Ngọ.

VOV.Êđê- Ti anăp klei hâo hưn kơ kman Nipah mâo ti India, bruă djŏ tuôm čar Khánh Hòa pral pŏk ngă hdră gang mkhư̆ klei ruă tưp hlue si hnơ̆ng huĭ hyưt. Mơ̆ng ƀăng jang knông lăn lu ala čar truh kơ êpul êya leh anăn anôk mdrao mgŭn, dŭm hdră msir dưi pŏk ngă hrăm mbĭt hŏng ai tiê amâo ngă ngơi mang ôh ƀiădah ăt kăn rŭng răng, srăng mdrơ̆ng čiăng răng mgang klei suaih pral mnuih ƀuôn sang leh anăn tue hiu čhưn.