VOV.Êđê- Hruê 6/5, bi ƀuôn prŏng phŭn New Delhi, leh Knăm drông dưi mkŏ mjing hŏng klei bhiăn drông Khua kiă kriê ala čar, Khua gĭt gai Đảng, Khua lăn čar Tô Lâm bi trông hŏng Khua knŭk kna India Narendra Modi.

VOV.Êđê- Ti krah yan bhang adiê mđiă hlơr ktang ti Lăn dap kngư, klei bi tiŏ êran ktir kbăng êa brư̆ hruê ƀrư̆ mâo kjham lehanăn ba lu klei truh amâo jăk. Mơ̆ng dŭm đang kphê mrâo pla ti Lâm Đồng truh kơ kdrăn pla mdiê ti Dak Lak, mnuih ƀuôn sang dôk bi tiŏ ktir kbăng êa êlam hĭn, ƀiădah ăt tlă anăp hŏng klei “Kbăng êa khuôt”, luič jih prăk duh bi liê. Boh sĭt anei, amâo djŏ knŏng hưn lač kơ klei dôk jưh knang lu hlăm phŭn mkăp êa mur dôk hrŏ, ƀiădah lŏ mđĭ klei arưp amâo jăk hŏng wăl hdĭp mda, lăn ala.

VOV.Êđê- Aguah 6/5, Anôk kriê dlăng bruă Đảng čar Dak Lak brei klei blŭ kơ bruă hluê ngă mta kñăm mđĭ kyar bruă duh mkra dua mrô wưng thŭn 2026–2030, mđing bi leh hdră čuăl mkă, ruh mtlaih klei gun kpăk hlăm bruă duh bi liê knŭk kna, klei ngă hră mơar lehanăn msir mghaih anôk ala.

VOV.Êđê- Ti anăp klei lu sang hră knŭk kna čiêm rông phung hđeh mnuih djuê ƀiă mlir gưl ti krĭng knông lăn êmưt hluê ngă, Knơ̆ng bruă sang čư̆ êa čar Gia Lai tŭ ư ba nao dŭm êpul kahan đru kơ mnuih mă bruă mtrŭt mđĭ wưng hluê ngă.

VOV.Êđê-Hrue mbrue 6/5, ƀuôn hgŭm Ea Kao, čar Daklak mkŏ mjing leh klei mtrŭt mjhar “Bruă ƀuôn prŏng, bruă ƀuôn sang, lăn ala mah prăk ăt bi myơr yơh”, lehanăn bruă “Mkiêt mkriêm kmŭt mnia kñĭ”, kñăm mjing klei bi sa ai hlăm mnuih ƀuôn sang, ruh mgaih jih klei dleh kpăk kơ anôk ala, iêo jak jih ai ktang hlăm bruă mđĭ kyar nah gŭ.

VOV.Êđê- Ti anôk bruă knŭk kna, K’iăng khua knŭk kna Hồ Quốc Dũng kiă kriê leh klei bi kƀĭn dŭm phŭn dhar bruă, alŭ wăl kơ asăp mtrŭn mrô 05 mơ̆ng Khua knŭk kna kơ bruă pral bi leh jih jang klei mkă wĭt lăn ala, ngă hră mơar lăn ala, mkŏ mjing bruă mkăp pioh hră lăn hŏng kdrăp mrô.

VOV.Êđê- Tlam mbruê 5/5, ti sang Bruă Kbĭn ala, Dhar Bruă Kbĭn ala mkŏ mjing klei kƀĭn trông ksiêm wĭt bruă bi lông ktưn, pah mni wưng thŭn 2021 - 2026, hdră tă, bruă klam wưng thŭn 2026 - 2031.

VOV.Êđê- Hruê 5/5, ksiêm dlăng boh sĭt dŭm hdră bruă phŭn ti Wăl duh mkra Dhŭng Phú Yên, Khua bruă Đảng čar Dak Lak Lương Nguyễn Minh Triết lehanăn Khua knơ̆ng bruă sang čư̆ êa čar Đỗ Hữu Duy mtă brei pŏk ngă pral hdră “60 hruê mlam”, gĭr bi leh 95% hdră msir mghaih anôk ala bruă lŏ hma, rơ̆ng hdră ngă bruă hlăm akŏ mlan 9.

VOV.Êđê- Hruê 5/5, hlăm hdră nao čhưn truh ti India, Khua gĭt gai Đảng, Khua lăn čar Tô Lâm drông leh Pô đru kčĕ bruă răng mgang klei êđăp ênang ala čar India Ajit Doval.

VOV.Êđê- Aguah 5/5, ti Anôk bruă Knŭk kna, K’iăng Khua knŭk kna Lê Tiến Châu gĭt gai klei bi kƀĭn kơ klei tŭ mă, mblang klei blŭ phung hlăm Knŭk kna hŏng hră mơar hdră êlan mkŏ mjing Hdră bhiăn mtô mblang Hdră bhiăn (mlih mrâo).