Do là mpồl lơh broă mpồl bơtiàn, broă lơh sơnrờp ngan tàm gah logistics, pơn diang phan mờ broă lơh drơng ala anih ơhò dà lềng ơm càr dê tơnơ̆ mờ tŭ tơmŭt bal đah càr Phú Yên mờ càr Dăk Lăk.

Mpồl lơh broă jăt kơrnoăt lơh is, atbồ is, tă is priă, nàng tơrgùm, dong kờl cau tàm mpồl, sền gàr gơnoar bal mờ bơta kwơ di adăt boh lam bơh mpồl lơh sa kă bro dê, mờ lơh pràn broă bơtàu tơnguh logistics mờ broă lơh drơng ala anih ơhò dà lềng ơm càr dê. Broă crơng gơs mpồl do geh bơyai lơh tàm bơta càr Dăk Lăk rề ơnàng ù tiah bơtàu tơnguh bơh tiah bơnơm tus dà lềng, ai geh bơta niam tơrbŏ bal mpồl ai phan, pơn diang phan, tăc mờ blơi phan mờ lơgar bơdìh mờ broă lơh drơng ala logistics pơgồp bal tiah. Mpồl do neh hòi jà geh rơlao 50 mpồl lơh broă, cau dùl nă să lơh broă tàm ală gah broă logistics, hìu prăp, pơn diang phan, kă bro phan mờ lơh phan dan cih măt tus bal.