Pơrjum geh bơyai lơh tàm 2 ngai, ngai 7 mờ 8 nhai 5, mờ bơta tus bal bơh đơng lam bồ ală lơgar Asean mờ Kwang gơnoar cih dờng Asean. Do là dùl tàm 2 pơrjum kấp dờng ờs mờng kwơ màng ngan rlau jơh bơh Asean dê tàm nam 2026 nàng kờñ sền sơwì tơl làm bơta tàm dunia, tàm tiah do mờ ring bal ală gùng dà pơlam lơh broă bal kwơ màng tàm tơngai tus.

Tàm pơrjum, ală lơgar tơrgùm cribơyai uă tơngume gơrềng tus gàr niam ring lơngai, kơ̆ kơl jăp tàm tiah do, sơlơ tơnguh tai lơh bal lơh sa, tam gơl sồ mờ tơnguh gơnoar broă anih tờm bơh Asean dê. Broă Thủ tướng ồng Lê Minh Hưng tus bal pơrjum pơn jat tai đơs nền Asean là ai lơh lài kwơ màng lam lài tàm broă lơh lơh broă mờ lơgar ndai bơh lơgar Việt Nam dê, mơkung tơngŏ gùng dà broă lơh lơh broă mờ lơgar ndai lơngăp lơngai is, lơh tờm is, lơh broă mờ uă lơgar, lơh li la bơta gĭt gơ̆p ală lơgar jat nùs nhơm Pơrjum dờng dơ̆ XIV bơh Đảng dê.