Tàm pơrjum, cau tĕ khà càr Gia Lai đơs uă tơngume gơrềng tus broă bơcri priă lơh phan bơna bơt bơtàu gùng lòt rê, gàr tơl niam rài kis mpồl bơtiàn, bơsong sră pơ àr gơnoar atbồ, broă dong kờl ai kwang bàng kấp hơđơm, cau chài mờ ală mpồl đơs crih tam ya ờs mờng bơh yau in. Cau tĕ khà kung tơngŏ bơta sền gròi tus bơta pràn jak đơng lam bơh gơnoar atbồ kấp sàh dê tŭ geh tam pà tai uă gơnăp gơnoar.

Đơs tàm pơrjum, Phó Củ tịc Quôk hội ồng Nguyễn Hồng Diên cih dờp ală jơnau đơs jơh nùs jơh tồs, rềp mờ bơta geh ngan bơh cau tĕ khà dê; mơkung pà gĭt Cíñ phủ gam pơn jat tai kơlôi sơnơng tơrmù sră pơ àr gơnoar atbồ tàm kấp Dà lơgar nàng tam pà kấp pràn rlau tai ai ƀòn lơgar in. Ồng đơs sùm, sàh, sơnah ƀòn là kấp rềp làng bol ngan rlau jơh den tàng pal rcang lài bơsong geh cồng nha ală broă geh ngan bơh làng bol dê.