Iz chas phuôx huiz chor di tích lịch sử, tiv zix zos Di tích têz qơưk qơư ntâuk zênhx tros châuz ntơưv Điện Biên Phủ, tỉnh Điện Biên cux tsênhv tsêx trung kriz uô jông tsiv gri vênhx huôv cxuô mênhx cxưx, chiê jux juk paz trâu du lịch zos yênhx nganhx kinh têr chênhr thiêz paz trâu thax tsav qơư zos yênhx tsênhv qơư du lịch nhoz thax tsav Trung du thiêz tox siêz faz Bắc li Nghị quyết Đại hôiv Đảng bôv tỉnh Điện Biên jiês tiv XV, six cxiv 2025-2030 tưz tso tơưv. Pos Nguyễn Thị Thanh Chuyên, Phưv Giám đốc Sở Vênhx huôv, Thể thao thiêz Du lịch tỉnh Điện Biên puz pâuz, chiê huôv tsar tsưr ziv du lịch côngv thôngx, txix shông 2003, tỉnh Điện Biên tưz xêir tsov 8 jêx jok chiê cxiv tsa uô jêx jok vênhx huôv phưx vưv trâu kruô du lịch. Txix co txos nhiv no, phongz yaox uô du lịch côngv thôngx tưz huôv tsar ntơưv ntau jêx jok nhoz ntâu thax tsav. Iz zav li: Du lịch côngv thôngx jok Che Căn nhoz xar Mường Phăng; jok Phiêng Lơi, phường Điện Biên Phủ; qơư du lịch côngv thôngx jok vênhx huôv Nà Sự nhoz xar ntus đriv Nậm Pồ…/.

                                                                                                                  Vũ Lợi-Lik Thox cxêik nhênhv

Cêr yuôv Cò Nòi nhoz xã Cò Nòi, huyện Mai Sơn kuz, tỉnh Sơn La, nhiv no zos xã Mai Sơn muôx ntu zos zaoz thôngz coaz tsôngv chiê bộ đội muk paz trâu qơư tsav txênhz Điện Biên Phuv, iz hnuz tros châuz leiv yênhx puôk tênhr tsuôv tav lok ntơưv co. Shông 2000, tỉnh Sơn La tưz yưv pênhr cxiv uô qơư di tích ndo txos têx liệt sĩ zos hluôk nênhs yungz phongz thâuv ntêx. Shông 2004, di tích tâu xeir zos cấp têz qơưk thiêz txos hli 7/2021, qơư di tích tror tâu cxiv uô, gôngr phênhv muôx qơư heik kriê, zaoz zux cêr chax chês cơưx mênhv. Hâur qơư di tích, niêv lâuk Lã Thị Thanh Hường, tsôngv px nhoz tiểu khu 1, xã Mai Sơn pheiz kênh: têx hnuz hâur hli 5 lix xưv no, cur tuôx hlơưr shaz, tso câux pax ndo txos têx zênhz shôngx, liệt sĩ tưz tâu tas siv nênhx chiê por vêv têz qơựk li têx côngz lox. Đros hluôk nênhs li pêz mak tsuv zuôr sir jos uô ntâu hâux lưv jông chiê têz qơưk ziv hnuz ziv huôv tsar, bluô nux./.

                                                                                                          Trấn Long-Txâur Vax cxêik nhênhv

Ntơưv jiês cơưv tiv 10, Côx hôiv khoar XV tưz thôngz đhâu Chêi Dân sôr sôr 113/2025/QH15, tâu uô trơưk txix hnuz 01/07/2026. Nganhx Y têr tỉnh Sơn La tưz sir jos kriz uô nzor têx tsưr ziv chiê muôz Chêi lok uô hâur luz nênhs, paz gra siêz tsơưr lươngv pênhr jos thiêz cxơưz cxiz huôv tsar kinh têr-xar hôiv sâuv thax tsav.

Chiê bax uô tâu jông thâuv Chêi Dân sôr tâu uô trơưk txix hnuz 01/07/2026, nganhx Y têr tỉnh Sơn La tsênhv tsêx trung yax kriê, piêr pâuz txos têx tsênhv njiêz yiêz, paz thôngx ziv lok jênhv pâuz thiêz huôx tôngv; Hlôngr yiêz tsênhv njiêz, uô ntâu tsưr ziv yax mông. Chor hâux lưv yax kriê tâu tsưr tsix huv đros trâu thax tsav tox siêz, nhoz đêz; Chor canr bôv txix tỉnh txos thax tsav qơư jux juk tâu kriê nzir txux chi uô hâux lưv. Tiv zix, chor côngv tác viên dân sôr ntơưv chor jêx jok zos chor nênhs zov chênhr hâur hêik kriê têx tsênhv chêi trâu pêx xênhv pâuz thiêz đơưk kho tâu jông cxuô kror muôx yưv.

Shông 2025, tsar ndê dân sôr nhoz tỉnh Sơn La njuôk xav muôx 1,02%, grêk 0,02% pir li shông 2024; chor nhuôv tuz tâu xênhz zus muôx 117,0 hok chor nhuôv nxêik zos 100 lênhx, grêk tsơưs pir li shông uô ntêx, njuôk shuôk têx mê nhuôv uô ntêx xênhz zus muôx 30%, tsar ndê pir li shông uô ntêx (24,9%). Pos Nguyễn Thị Ánh Hồng, Phưv Chi cục trưởng chi cục Dân sôr Sơn La puz pâuz:“Thâuv nhoz tok Nghị định hêik kriê têx vênhv thix hâur Chêi, pêz tưz thiêz tsênhv tror nhênhz chơưv hêik trâu Ủy ban tỉnh muôz trâu Hôiv đồng tỉnh kho đuô, cxaz nzir, hlôngr yiêz Nghị quyết paz trâu cộng tác viên, paz trâu têx vênhv thix cik txos njuôk shuôk xênhz zus mê nhuôv. Tror nhênhz chơưv hêik tỉnh tso tơưv têx tsênhv chêi paz trâu chor uô niêv txir xênhz zus txưv oz tuk mê nhuôv uô ntêx muôx 35 shông. Thiêz uô trơưk têx cui tênhv muôx hâur Chêi Dân sôr thiêz Chinhr phuv Nghị định chox kriê đhâu thâuv Nghị định tâu tso tơưv”./.

                                                                                                      Bích Thủy-Lik Thox cxêik nhênhv