Zar hnuz keix hnuz xiêz 10/5, ntơưv xã Mường Phăng, UB tỉnh Điện Biên sik côngv đros Sun Group tsưr tsix Ntênhs krêz côngz uô dự án chor cáp teo sik côngv đros ju lix vênhx huôv lix xưv Điện Biên Phuv muôx pênhr yưv uô zos tas nro 2 cxênhz 76 tỷ đeiv, phưx vưv muôx nhos 15 cxênhz jiês tsôngv kruô iz hnuz. Jiês krêz côngz muôx Phưv thủ tướng chính phuv Nguyễn Văn Thắng đros lênhs tov tỉnh Điện Biên, hlôngr njêx muôs Sun Group, tsôngv px xã Mường Phăng thiêz xã Pu Nhi cxaz chuôz. Dự án tâu krêz uô sâuv mênhv chêx đar 35,35 hecta nhoz xã Mường Phăng thiêz xã Pu Nhi. Phuôx plov ntơưv ntênhs, Phưv thủ tướng Nguyễn Văn Thắng thix ziv tsưr thâux chêx chôngk phênhv ntâu pênhr jos, zôngv công nghệ yiêz, tsưr tsix uô jông, taz por lox tôngv thiêz tsơưr lươngv côngz tsinhx; tiv zix tsov cưv por vêv tênhx qơư. Thôngx cxix, tsuv sik côngv jông 19 mênhx cxưx tỉnh ĐB li têx tsiv grê vênhx huôv jông lok hâur ju lix, paz muôx qơư ndis seiz jông. Thôngx cxix, tỉnh ĐB tsuv sik côngv jông đros tsưr yưv pênhr, tiv zix zos hâux lưv car chêx thax tsav qơư, paz jông chiê dự án tâu krêz uô trơưk tsưr ziv./.

                                                                                                    Vũ Lợi-Txâur Vax cxêik nhênhv

Txix qênhx shênhx ntux yar ntux nas ziv hnuz ziv phiv liv, lok nas chuô đêx ngaz cuôr zuôr tsar ndê, tỉnh Lào Cai tsênhv sir jos kriz uô ntâu tsưr ziv chiê paz trâu chor đêx ntưk muk tâu jông, por vêv ngaz tuk trâu cxuô zav, côngz trinhx đêx liv. Hâux lưv đơưk kho têx phiv liv txos chor ntus đêx, cưx ha tâu xav jênhv zos jênhv vưv sêiz đrơưv kriz uô, paz txo grêk tsơưs ntux têz uô ruôr hiêv, tiv zix zos đêx ngaz hâur chêix ntux nas chuô shông no. Phường Âu Lâu – qơư muôx tuk đêx liêz ntưk lok đhâu đros muôx chor đêx li Đầm Mủ, Ngòi Lâu, cux zos thax tsav qơư tsik so trâus đêx ngaz ntâu tiv chor đêx ntưk muk kênhz, chinhr quyền ntơưv qơư nhiv no cux tsênhv tsưr tsix thoz huk cov chor đêx ntưk tâu muk nhoz têx cưx ha, cưx đêx liv thiêz cxiv luôs tso đêx ntưk muk hâur qơư pêx xênhv nhoz. Zơưv Nguyễn Quốc Huy, Phưv Chủ tịch Ủy ban phường Âu Lâu, tỉnh Lào Cai puz pâuz:“Chiê paz ngaz tuk jông hâur chêix lok nas chuô shông 2026, phường Âu Lâu chuôz cxaz yax kriê, cir jênhv đros chor tsưr tsix, doanh nghiệp, ziv chuôz zis tsik nav chor cưx đêx. Đros co, pêz kriz uô “Hnuz thưr sha đros pêx xênhv”, muk sêiz shuôk têx qơư zôngx ziv muôx ar poz, uô trâu chor cưx ha grêiv đuô chiê tsưr tsix cov chor đêx hâur têx cưx ha ntưk muk tâu thôngz”./.

                                                                                                   Thừa Xuân-Lik Thox cxêik nhênhv

 Ntơưv qar tiêx jos Yên Thi, xã Lóng Phiêng, tỉnh Sơn La nhiv kruôr tsưr tsix hnuz ntênhs txir khơưz jiês tiv 1 shông 2026, zaz zâuv chôngz tsôngv px thiêz tsôngv kruô tuôx cxaz chuôz. Hzuz ntênhs tsưr tsix ntâu huôx tôngv jông li thik đê txir khơưz, piêr kriê trôngx txir jông, thik lênhx nênhs txơưx heik kriê lok têz qơưk Lóng Phiêng jông, sik lâuz pak, sik truz hluô, thik đhiê tâus cêr....Xã Lóng Phiêng nhiv no muôx 1 cxenhz hecta chos txir khơưz, hâur co muôx zuôr xar 900 hecta tưz sâu đê tâu; njuôs xav tax 9 cxênhz 600 tênhr txir nhôngs, ntu no sâu tâu muôx nhos 3 cxênhz 500 tênhr, tsiv grê njuôs xav tax 105 tỷ đeiv. Txix chos txir khơưz, ntâu ziv chuôz zis nôngx mênhx tưz hla đhâu cêr pluôk, sir jos uô bluô nux. Hnuz ntênhs tâu tsưr tsix jiês xuz thơưx, zos jiês chiê nênhs chos txir khơưz tâu sik njiz, sik đros cơưv shâuv chênhz zênhv tsêz chos, heik kriê xiv huv txir khơưz Lóng Phiêng chos lơưr saz hữu co, taz por, hur jông thiêz kaz, tsi uô hiêv txos tênhx qơư./.

                                                                                                          Trấn Long-Txâur Vax cxêik nhênhv

Cux zos ntơưv Sơn La, thâuv xar muôx 8 six hmo 10/5, ntơưv thax tsav Sông Mã, sốp Cộp, Mai Sơn thiêz chor phường Tsênhv qơư tỉnh Sơn La tưz muôx iz jiês ntux kênhs, chôngz lênhx nênhs hnor kênhs lok six hênhr. Trơưk nriêr pâuz xuz thơưx, jiês ntux kênhs tsik tâu uô hiêv txos lênhx nênhs thiêz cxuô zav. Nhiv no cơ quan muôx vax huôv tsênhv nriêr pâuz xor mông lok jiês ntux kênhx, hêik pêx xênhv truôx siêz thiêz sêiz shuôk jông têx xor mông hêik pâuz chênhr./.

                                                                                                          Trấn Long-Lik Thox cxêik nhênhv