Têis cik 7/5, ndax chiv nhênhv 72 shông Ntâuk zênhx tros châuz ntơưv Điện Biên Phủ, tỉnh Điện Biên tưz tsưr tsix Đại hôiv Thể dục thể thao jiês tiv XII shông 2026. Đại hôiv muôx yênhx cxênhz lênhx nênhs thik tưr nhoz ntâu môn thể thao yiêz thiêz mênhx cxưx, paz muôx tâu iz hnuz hôiv thể thao jông ntơưv thax tsav qơư lịch sử zênhz shôngx no. Đại hôiv Thể dục thể thao tỉnh Điện Biên jiês tiv XII tâu tsưr tsix muôx 20 môn thik, zos: bóng rổ, bóng chuyền lok zos ntâuk poz, ndơưk poz, pickleball, khiêu vũ thể thao, vũ đạo thiêz sik tưr chêix yêz tuôv, sik tưr đhiê, uô luôv đêx, bóng bàn, ntâuk tik kêiz, cờ vua, cờ tướng đros ntâu môn sik tưr thể thao mênhx cxưx li tuô hnênhr, sik lâuz pak, sik truz hluô, lêiv poz thiêz ntâuk tux luz. Zơưv Nguyễn Minh Phú, Phưv Chủ tịch Ủy ban tỉnh Điện Biên hêik mênhx: ntâuk zênhx Điện Biên Phủ đrav ntêx tsênhv zos yênhx kror paz cxơưz cxiz trâu ntu nhiv no, cxơưz cxiz trâu yênhx lênhx nênhs sir jos cơưv shâuv đas jos, cxiv tsa têz qơưk co ziv hnuz ziv jông, vav mênhx đuô. Trơưk Phưv Chủ tịch Ủy ban tỉnh Điện Biên, phongz yaox “Tas nro pêx xênhv cơưv shâuv thể thao trơưk zơưv hloz Hôx” tưz tâu kriz uô đêz đar, paz trâu sơưr đơưk muôx jông đas jos thiêz uô tâu jông sik côngv siêz cxuô mênhx cxưx hâur tỉnh./.

                                                                                                               Vũ Lợi-Lik Thox cxêik nhênhv

Cux ntơưv Điện Biên, jiês lok nas lox đros chuô lox zar hnuz keix hnuz xiêz 7/5 sâuv thax tsav phường ĐBP, tỉnh Điện Biên tưz uô ruôr hiêv lok tsêr nhoz, tsôngv px li chuôz zênhx chuôz tas. Chính quyênx tiv phaz nhiv no tsênhv ciêr chênhr paz tsôngv px khưx phưx têx trâus ruôr hiêv thiêz thôngz sâu têx trâus ruôr hiêv. Lơưr sâu jênhv, coz nas lox đros chuô lox pov muôx yưv thâuv zar hnuz keix tưz uô zênhr shar txos ntâu thax tsav nhoz tsênhv qơư phường ĐBP. Chuô lox tưz uô tsôngv px li ntâu luz tsêr trâus zơưk trur, iz cxiê tsoz chos trâus lor, cêr muk lok trâus đêx ngaz toz. Ntơưv thax tsav ciêz Mường Thanh- qơư tsưr tsix têx huôx tôngv heik kriê ndax chiv nhênhv 72 shông Ntâuk zênhx lix xưv ĐBP, ntâu qar piêr kriê trâus chuô nzơưx za, poz vâu, uô ntâu chuôz zênhx trâus liêv. Ciês thâuv muôx yưv jiês nas chuô, lưx lươngv muôx txơưx jênhv đros chính quyênx tiv phaz tưz muk qênhz yuôx chiê paz tsôngv px khưx phưx têx trâus ruôr hiêv, taz por zaoz thôngz muk lok tâu thiêz thôngz sâu têx trâus ruôr hiêv qir thơưx./.

                                                                                                                   Vũ Lợi-Txâur Vax cxêik nhênhv

Shông 2025 nhiv kruôr đhâu, qênhx shênhx ntux yar ntux nas, ntux tez ruôr hiêv sâuv thax tsav tỉnh Sơn La txơưr txar phiv liv, muôx ntâu jiês lok nas chuô lox, ntux no thiêz muôx ntâu coz chuô lox uô ruôr hiêv txos, njuôk xav trâus ruôr hiêv lok kinh têr xar muôx 1.300 tiv đêiv.

Đros qênhx shênhx co, tỉnh Sơn La tưz huiz tôngv lưx lươngv quân đôiv, công an thiêz chinhr quyền ntơưv qơư kriz uô côngz xưv chơưv paz, paz trâu pêx xênhv kho đuô têx trâus ruôr hiêv lơưr tsưr ziv “4 ntơưv qơư”. 660 tiv đêiv ntâu tưz tâu muôz paz cxiv tsa, kho đuô chor tsêr nhoz, kho đuô qơư nhoz trâu têx qơư trâus ruôr hiêv thiêz kho đuô uô nox. Hla trâu chêix ntux nas chuô shông no, tỉnh Sơn La xav jênhv sir jos phax tar txix nzor zos kror jênhv vưv zov chênhr, chuôz cxaz yax kriê, paz muôx nzir txux chi phax tar ntux têz ruôr hiêv trau pêx xênhv, tiv zix zos ntơưv tex qơư nhoz đêz, tox siêz thiêz thax tsav tsôngv box mênhx cxưx tsơưs nênhs./.

                                                                                                            Trấn Long-Lik Thox cxêik nhênhv

Hâur 2 hnuz txix xiêz 6 txos xiêz 7/5, Quân khu 2 thiêz tỉnh Phú Thọ tưz chox kriê tsưr tsix jiês shâuv tác chiến xã Đồng Lương hâur thax tsav phòng thủ tỉnh Phú Thọ shông 2026. No zos jiês shâuv cấp xã, phường xuz thơưx hâur tas nro têz qơưk txix thâuv uô trâur nuv tiv phaz 2 cấp, uô siv trâu Quân khu 2 thiêz Bộ côx phax hâur shông 2026. Thôngz đhâu jiês kriê shâuv, tưz gôngr phênhv muôz siêz yênhx tưv, pênhr xưv lênhs tov, chox kriê trâu cấp ủy đảng, seiz car hâur chính quyênx tiv phaz tỉnh Phú Thọ lok côngz xưv côx phax, bax jông chiê por vêv tiv phaz, muôz siêz pênhr xưv heik kriê, sei đrơưv trâu lưx lươngv vũ trang tiv phaz thiêz sik côngv tơưv txênhz hâur têx lưx lươngv hâur thax tsav phòng thủ./.

                                                                                                                   VOVTB-Txâur Vax cxêik nhênhv