1. Danao raong: Praong meng 500-1000m2. Danao ia dalam meng 1-1,5m. Danao raong njauk brei mbuan iek glang, hu halau ia ba tame tabiak mbuan sahnang.

2. Rok danao raong: Tathuak ia thu, ramik hareik harom vil danao ia, ar danao ia, beik ar danao ia ka kajap karo, kuac gluh brei daok meng 10-15 cm. Mek tabung cur prai bak danao ia caga jit palai ikan, pakurang lakhun. Hadei di nan brei pambu pandiak meng 2 – 3 harei; blaoh haling ia tame brei padang dalam meng 1,2 – 1,5m.

3. Palao pajaih: Pilih anek ikan khang, vây, tamo kakah, kulik oh brei saluah, oh ruak, ikan cangaih, samu gauk. Kulik ikan putih dah, rup hu meng 8-10 balang juk, cambuai merah bhong. Tuk pajeng ikan nao mai ye meng papaok mbao nilon hu ia oxy, dalau si palao ikan trun danao meng 10-15 minik, brei ia tame madeit madeit, hadei di nan meng palao ikan tabiak danao ia. Daok di ia taba ye brei raong hu luac thun.

4. Ndap nda mbang jeng ye brei mbang

- Kaya brei mbang: Brei ka ikan mbang dom janih yau ye tapung langei, bei, brah, haleih… saong dom janih mbang hijau yau ye njam puan, beo baoh ikan, beo tam, beo bingu dau, njam pacaok klik sit… dom janih ralo yau ye hadang, ikan sit, laning, bao brei chai klik saong janih klak yau ye (tape bie, tape alak, tung lamo kabao…). Langiu dom janih bau blaoh, piah raong ikan hu siam, dui takik raong glang nyu piah drah blei pablei tabiak ye njauk brei ka nyu mbang dom janih ngak mblaoh tui ngak kong.

- Brei mbang: Mayah raong ikan njauk brei ka nyu mbang 2 mbang /dalam sa harei tuk page dan saong tuk jaik si sup malam, kaya mbang do meng 5 - 7% di ikan trak dalam danao ia. Kaya nyu mabng dak di 2 - 3 dalam danao ka ikan mbang. Ndap nda kaya mbang ralo atau tukik mada tui iek glang di urang raong nyu blaoh ramik ka nyu lagaih. Mayah raong gam saong ikan karei ye njauk caik hatai ieik nyu ka lagaih. Bruk raong glang, langiu di brei ka nyu mbang dom janih pilih daok brei ka nyu mbang dom janih yau ye: bèo dâu, bèo baoh ikan, njam caoh sit … ikan praong drah jeng ye patukik ndap kaya mbang blei.

5. Caik hatai ieik glang

- Ikan rô phi mbang khang, piah ka nyu drah praong ye bhian brei ka nyu mbang, mbang ganap. Bhian caik hatai ieik glang mraong tathuak ia huac ikan rua tabiak lahik bih. Iek glang, oh brei vah mek, taong hajan, palaih hlam atau klauk sục điện… mayah raong danao thâm canh ye hu tadik ia ka nyu meng 4-5 tuk jam /ngày, bhian caik hatai ieik hajan hangin langik tasik salih, kurang oxy ikan ndong tagok ye brei jammariak tadik ia, njauk caik hatai tuk meng tuk 1-2 malam tal hadah masup.

- Harei harei ieik glang ar danao ia raong ikan, mbraong ia tathuak tame tabiak, mbraong angaok mbraong ala piah caga nyu siam dil.

- Bhian caik hatai iek glang ikan. Mayah mboh ikan ndong akaok tagok dui suai ye njauk ba ia barau tame danao ia.

- Yao 15 harei sa mbang, ieik ikan nyu praong dan saong brei mbang ka nyu lagaih. Hadei di 6-8 bilan ye ikan mada pablei hu

6. Kuac ikan: Ikan kuak rô phi đơn tính, raong 6 – 8 bilan mada pablei hu nyu trak meng 0,4 - 0,5kg/sa dei. Ikan hu meng 8-10 tấn/dalam danao sa ha/ sa mbang kuac ikan./.