Tui si klei mĭn mnuih Jarai, leh djiê, mngăt ăt dôk đuĕ hiu tinei, tidih, plah wah mnuih djiê hŏng mnuih hdĭp, pătdah ăt dôk bi mjĕ êrô. Kyuanăn, grăp hrue mnuih dôk hdĭp ăt kreh nao čuă msat, kih waih, lehanăn ba êsei kơ mnuih leh djiê. Leh sa wưng sui, bruă anăn knŏng amâo lŏ ngă ôh, tơdah leh mkŏ mjing klei lui msat. Čiăng mkŏ mjing klei truă rup ksơ̆k lŭ pia Bram hlăm klei lui msat, msĕ si čiăng lač kơ mnguh mngăt snăn arăng ruah mta lŭ êun ƀlĭt, siam lehanăn măl mmiă hlăm asei mlei. Mkra rup knư̆ jhat jing knư̆ jăk.

Hlăm klei lui msat snăn amâo mâo kƀah ôh mkra klei truă rup ksơ̆k lŭ. Amai  Siu Thỏi, djuê ana Jrai hdĭp ti să Ia Mơ Nông, kdriêk Chư Păh, čar Gia Lai, brei thâo:

“Tui si klei bhiăn Jrai êjai ngă kilei lui msat bi mâo rup ksơ̆k lŭ. Mă lŭmmiă hlăm ƀô̆ mta asei mlei mjing rup ksơ̆k lŭ.”

 Người Jarai bi lač dŭm Bram jing mnguh mngăt ksơ̆k ênang, mgang mnuih djiê mơ̆ng ksơ̆k jhat, amâodah anăn jing mnguh mngăt mnuih leh djiê tơdah lŏ wĭt mnuih dôk hdĭp, mơak mbĭt hŏng ƀuôn sang jŭm klei mkŏ mjing ti sang msat.

Amai Rơ Châm H’Xuyết, djuê ana Jrai hdĭp ti să Ia Mơ Nông, kdriêk Chư Păh, čar Gia Lai, brei thâo:

“Arăng truă rup mjing ksơ̆k lŭ hlăm klei lui msat. Êjai ngă klei truă rup anăn pô ngă anăn amâo mâo hưn ôh hlei ñu. Truă rup hŏng lŭ sơăi amâodah mă pak mtei guôm hĕ ƀô̆. Ksơ̆k lŭ bi ala kơ mnuih leh djiê nao bi mguôp hŏng mnuih dôk hdĭp”.

Mnuih dưi ruah ngă Bram jing mnuih mâo klei ktang, mâo k’hưm. Thâo hlăm klei truă rup, čiăng kơ mnuih dlăng kơ pô amâo mâo dưi thâo kral ôh, bi tơdah arăng kral dŭm Bram, snăn yap ngă amâo mâo leh bruă ôh, lehanăn srăng tuôm hŏng klei ksơ̆k mă.

Amai Rơ Châm Hà, djuê ana Jarai, mnuih ti să Ia Mơ Nông, kdriêk Chư Păh, čar Gia Lai, brei thâo:

“Ksơ̆k lŭ kreh ƀuh hlăm dŭm klei lui msat, bi bruă mkăn amâo mâo ƀuh ôh. Knŏng phung êkei mơh ngă klei truă rup anăn, bi phung mniê amâo mâo ngă ôh. Kreh ƀuh jing mnuih prŏng lehanăn phung hđeh kreh ngă klei truă rup anăn, tui hlue si klei čiăng, ruah mnuih mơh mơ̆ng pô mkŏ mjing klei lui msat. Mphŭn dô ngă klei truă rup ksơ̆k lŭ jing klei bi kăm biăt. Mnuih truă rup ksơ̆k lŭ jing mnuih djiê mô̆ leh amâodah mnuih ka dôk mô̆ ôh”.

Dŭm Bram anăn jing phung mâo klei arăng mpŭ, mâo êpul tông čing mgrông dơ̆ng mơ̆ng anôk mkra klei truă rup hlŏng truh kơ sang msat. Leh ngă klei truă rup ksơ̆k lŭ ti sa ng msat, phung Bram lŏ wĭt hŏng klei hdĭp aguah tlam. Phung ngă  trở Bram mbĭt hŏng mnuih ƀuôn sang nao hlăm klei huă mnăm, kdŏ čhuang, lehanăn yăl dliê mơak mñai.

Amai H’ Uyên Niê, K’iăng khua êpul hgŭm bruă mniê să Ia Mơ Nông, brei thâo:

“Bram knŏng mâo hlăm klei lui msat đuič, bi hrue aguah tlam amâo mâo ôh. Bram bi ala kơ mnguh mngăt mnuih djiêm arăng hriê bi huă mnăm, hơ̆k mơak hlăm klei mkŏ mjing knhal tuič. Sitôhmô leh hrue anăn, jih jang mnuih amâo lŏ ba ôh êsei kơ sang msat. Bram jing mnuih sĭt ƀiădah truă rup mjing mnguh mngăt phung leh djiê. Ksơ̆k lŭ dưi nao bi mguôp, hiu dar hlăm sang mst bi tuôm hŏng jih jang mnuih, hŏng gŏ sang găp djuê knhal tuič êlâo kơ nao hlăm klei hdĭp yun dih”.

Mnuih Jarai bi lač mnuih leh djiê lehanăn mnuih dôk hdĭp ăt mâo klei bi jĕ êrô. Klei truă rup jing ksơ̆k lŭ hlăm klei lui msat bi êdah klei hdơr, klei mpŭ mơ̆ng mnuih dôk hdĭp hŏng mnuih leh djiê. Arăng bi čang hmăng mnguh mngăt mnuih leh djiê đru mgang răng kriê mnuih dôk hdĭp bi suiah pral, ƀuôn sang bi êđăp ênang h’uh mâo, jăk mơak./.