Kkuh mơak klei tŭ jing bi kƀĭn tal 9, bruă kƀĭn ala gưl 15, tlam mmăt mbrue  26/6, Dhar bruă gĭt gai bruă kƀĭn ala mkŏ mjing leh knăm ksiêm wĭt lehanăn mđup brei klei pah mni klei mtrŭt mjhar čih klei muiñ kơ bruă kƀĭn ala lehanăn Êpul gơ̆ng bruă ƀuôn sang. Khua bruă kƀĭn ala Trần Thanh Mẫn nao ti anôk mđup brei klei pah mni. Leh êbeh 10 mlan mtrŭt mjhar mơ̆ng hrue 27/2/2024 truh hrue 10/12/2024, Êpul mkŏ mjing mâo tŭ mă leh 672 klei čih jih ai tiê mơ̆ng giăm 400 čô phung thâo čih klei muiñ mơ̆ng djăp čar kwar.

Jih jang klei muiñ mâo čih amâo mâo djŏ knŏng djŏ hŏng mta kñăm, ƀiădah lŏ bi êdah hŏng lu knhuah klei kưt muiñ, bi êdah klei tŭ dưn mơ̆ng bruă kƀĭn ala lehanăn Êpul gơ̆ng bruă ƀuôn sang hlăm bruă mkŏ mjing lăn čar mâo klei bhiăn yang ƀuôn ngă phŭn êngiê mơ̆ng mnuih ƀuôn sang, kơ mnuih ƀuôn sang, kyua mnuih ƀuôn sang.

Jih jang ênhiang klei muiñ bi êdah ai tiê myưng m’ang mơ̆ng mnuih ƀuôn sang hŏng bruă kƀĭn ala Việt Nam lehanăn phung bi ala mâo mnuih ƀuôn sang ruah. Êpul gơ̆ng mkŏ mjing bi mklă ruah leh 5 klei pah mni hnơ̆ng B, 9 klei pah mni hnơ̆ng C, 19 klei pah mni kơ phung čih klei muiñ.