Tĭng Sở khoa học n’hanh công nghệ, lvang năm 2023-2026, n’gor geh mbơh tơih 21 nău kan khoa học công nghệ gưl n’gor tâm ăp ntrong kan tuch tăm công nghệ mhe, nkret ƀư, ƀư dak si n’hanh rgâl mhe rnoh mbrô đah lĕ rnoh prăk kan rlău 37 rmen prăk, tât aƀaơ lĕ pă prăk an bơi tât 21 rmen prăk, geh 56% nău nchrăp. Bâh năm 2021 tât aƀaơ, Đăk Lăk lĕ geh mbơh tơih 19 nău kan tơm mpeh công nghệ thông tin n’hanh ndơ dŏng rgâl mhe rnoh mbrô. Êng năm 2026, ta ntŭk pă an klâp ma 300 rmen prăk an ăp nău nchrăp kan mhe kơt lah n’hao mhe trong ƀư rơh rƀŭn nchră trực tuyến tât ăp xã, rnoh mbrô mât prăp n’hanh rdâk njêng bâh rnoh mbrô kơl kan leo kan, leo mât đăp mpăn rnă njrăng.