Rơh rƀŭn nchră geh ƀư tâm 2 nar lơ 7 n’hanh 8/5 đah nău tât râng bâh nuĭh leo kan ăp dak ASEAN n’hanh Tổng thư ký ASEAN. Aơ lah ngoăy tâm 2 rơh rƀŭn nchră gưl têh way kan khlăy ngăn bâh ASEAN tâm năm 2026 gay ma  uănh năl lĕ rngôch nău tât ta lam ntur neh, ta nkual n’hanh dơn ngoăy ăp nău mpŏng tâm kơl kan trong kan tơm khlăy tâm let năp tay. Ta rơh rƀŭn nchră, ăp dak rgum tâm mbơh âk nkô̆ nău kan  geh tât mât rbăy nău đăp mpăn, ueh lăng ta nkual, n’hao nău tâm rgop wăng sa, rgâl mhe rnoh mbrô n’hanh n’hao nău kan ƀư ndranh tơm bâh ASEAN. Nău Thủ tướng Lê Minh Hưng tât râng rơh rƀŭn nchră geh lah tay na nê̆ nău an lor trong kan tơm khlăy bôk năp tâm rnoh kơl kan nchră nău đah dak bah dih bâh Việt Nam, nkre lah mpơl trong kan nchră nău đah dak bah dih ueh êng, leo kan êng, âk ding kan, âk nău pah kan tâm boh đah dak bah dih tĭng nău mĭn Đại hội 14 bâh Đảng.