HĐND tỉnh Sơn La khóa 15 nhiv kruôr cơưv chuyên đề tiv 31, thôngz đhâu 14 nghị quyết zov chênhr chiê đơưk uô zênhx max têx hâux lưv zos zuk vax huôv. Têx nghị quyết kriz uô nhoz 5 kror hâux lưv chênhr zos: Yưv pênhr côngz; sâu thiêz zuôr ar uô dưv anr; tso tơưv cui tinhv seiz car têx côngz trênhx TP Sơn La thiêz ciêz đrôngs Hát Lót; phênhz muôz nhiêx txiêx fuô uô têx hâux lưv trơưk Chính phủ Nghị quyết yiêz; cxiv kho thiêz phênhz nhiêx txiêx T.Ư shông 2024-2025 trâu uô têz qơưk têx tsaz yênhx. Lar heik, jiês cơưv thôngz đhâu nghị quyết muôz nhiêx paz tỉnh Đồng Nai uô tsêr nhoz trâu têx chuôz zis pluôs, chuôz zis txov nhêv shông 2025. Ntơưv jiês cơưv, HĐND tỉnh cux tso zơưv Nguyễn Huy Hoàng, Giám đốc Sở zoz zux so hâux lưv viv txâuk hnuz nhôngs so lâul thiêz thôngx ziv zơưv Cầm Văn Tân tsi uô đại biểu HĐND tỉnh trơưk li zơưv Tân siêz xar so hâux lưv. Chủ tịch HĐND tỉnh Nguyễn Thái Hưng heik mênhx, têx nghị quyết huv đros trâu Tỉnh ủy tsưr ziv, uô tâu trơưk zoz qơưx tsênhv tsênhz, iz chas ntơư, heik cxuô cấp, ngênhx zênhx max fuô uô truôx jông têx hâux lưv sâuv, cxênhx txuôs, tsi uô tuôr xuôv nhiêx txiêx./.

Lê Hạnh-Riê Lâux cxeik, nhênhv

Lơưr Sở Công Thương tỉnh Lai Châu, Tas nro tỉnh nhiv no muôx 160 dưv anr tsêr mêir đêx tỉnh đros công suất xar muôx 4.300 MW; hâur co, 60 ntâu dưv anr tưz tso tâu tênhv, yênhx châuv dưv anr txơưr tsênhv tâu cxiv uô đros muôx yênhx cxênhz lox tôngv. Giám đốc Sở Công Thương Vương Thế Mẫn puz pâuz, thax tsav nxaz tox, ar tsik khor truôx zôngx ziv muôx xưz poz hâur chêix ntux nas. Txơưv tưz hêik chor tsưr yưv pênhr cxiv tsa bax têx tsưr ziv phax tar, taz sik cux tsênhv chiê muôx yưv têx phiv liv:“Sở Công Thương tưz muôx ntâuz ntơưr chox kriê, hêik tas nro chor nênhs yưv pênhr qênhz shuôk đuô têx tsưr ziv phax tar ntux têz ruôr hiêv sâuv côngz trường thiêz tiv zix zos hâur chêix ntux nas chuô shông no lok hâux lưv ngaz tuk. Tiv oz zos hêik chor nênhs yưv pênhr tsik so qênhz yuôx, sêiz shuôk jông chor nênhs thầu sir zôngv lox tôngv ntơưv têx công trường. Tiv pêz zos chor nênhs muôx txux chi, kỹ sư tsuv zos chor nênhs tưz cir jênhv đros cơ quan sêiz car têz qơưk thâuv kriz uô côngz trinhx”./.

Khắc Kiên-Lik Thox cxêik nhênhv

Hnuz hội txir mo môngk shông 2025 ntơưv jok Khá, xã Sặp Vạt, huyện Yên Châu nhiv kruôr nthuôr uô đros ntâu hâux lưv sik tưr đê txir mo môngk, nthuôr uô cêr lov jêv, sik tưr hnar heir nênhs tsơưs têx tsôngk yo jông thiêz ndis seiz têx têz txir mo môngk, hu zâuv chôngz lênhx ntâu tus pêx xênhv thiêz tsôngv kruô đros côngv cêr lov jêv. Hâu nov Hội por hưv đrox tsuôs thiêz tênhx qơư Việt Nam muôz ntơưr côngk nhav 5 tsoz ntông di sản Việt Nam muôx yênhx puô shông nhoz têx thax tsav hâur huyện, heik lok ntơưv qơư têx txux chi vênhx huôv, cêr lịch sử jông. Yên Châu nhiv no muôx 12 cxênhz ha tsoz chos nox txir, hâur co 3 cxênhz ntâu ha zos mo môngk, njuôk xav sâu đê tâu 26 cxênhz ntâu tênhr. Txir mo môngk khênhx Yên Châu tưz tâu Cục sở hữu trí tuệ muôz ntơưr tơư kriê qơư thiêz suôz bê. Zơưv Lù Văn Cường, Chủ tịch Ủy ban huyện Yên Châu, tỉnh Sơn La heik pâuz:“Đhâu hnuz hội txir mo môngk, pêz vav chiê siêz, chor nênhs tsiv uô thiêz HTX, cux li têx qơư sâu zuôr muôx cêr sik thôngx siêz, siz kriê, siz paz huôv tsar uô truôx, sâu zuôr; tsi tiêk shông no xưz, thâuv têx taz viv, tsôngv kruô tâu ndis shuôs, seiz njiê pov, sơưr đơưk zuôr đas cir, đros paz sâu zuôr têx xiv huv trâu chor shông txuôk lơưr no”./.

            Trấn Long-Riê Lâux cxeik, nhênhv

Nhiv kruôr no, ntơưv cêik cêr 231 txox cêr muk chênhr Nội Bài-Lào Cai (xar Xuân Giao, huyện Bảo Thắng, tỉnh Lào Cai) tưz muôx yưv txuz txiêz nanv nhoz pêz luz yêz lox, uô trâu pêz luz yêz trâus puôk tsuôx hnhar thiêz uô trâu ntu cêr no muk lok tsik tâu.Pêz lênhx nênhs tsar yêz tsuôk trâus saz mê njil, hâur co iz lênhx nênhs tsar yêz tơưv tsik tâu hâur yêz lok thiêz tsuv tâu sir jos chơưv paz thiêx tơưv tâu lok. Đhâu muôx txuz txiêz nanv lưx lươngv công an tưz tuôx xưv lik, piz nriêr pâuz uô tsênhz mênhx qir tiv muôx yưv txuz txiêz nanv no./.

An Kiên-Lik Thox cxêik nhênhv