Nhiv kruôr đhâu ntơưv tỉnh Yên Bái, Đoàn côngz xưv Bôv Tài chính zos zơưv Nguyễn Tân Thịnh-Cục trưởng Cục Sêiz car công sản- chox thơưx tưz uô hâux lưv đros hlôngr njêx muôs 12 tỉnh trung du thiêz tox siêz faz Bắc chiê qênhz shuôk hâux lưv kho đuô, đơưk kho têx qơư uô hâux lưv, côngz trinhx, dưv anr đhâu kho đuô bôv mêir hành chính. Ntơưv jiês cơưv, chor đại biểu tưz sik thav txos têx kror phiv liv hâur đơưk kho cxuô zav, tiv zix zos chor qơư vax tsêr uô hâux lưv kuz thiêz dưv anr tsuv tâu chiê têx taz viv hành chinhr lok uô cê. Đoàn côngz xưv cux thor ziv chênhv lok chor dưv thảo ntâuz ntơưr quy phạm pháp luật cik txos têx ploz tsênhr, vax huôv sêiz car vax tsêr cxuô zav công thiêz yưv pênhr cxiv uô qơư uô hâux lưv. Hâu nov Bôv Tài chính hêik cxuô thax tsav qơư kriz uô truôx jông Trung ương chor chox kriê, cov sêiz car tâu jông cxuô zav, cxênhx txuôs, tsik chiê uô tuôr xuôv đhâu kho đuô hành chính./.

Thừa Xuân-Lik Thox cxêik nhênhv

            Nhiv kruôr jê ntơưv no, hâur Ntênhs ciêz ju lix ntiêx têz Lào Cai 2025, jiês sik thav đros njiêz luv “Sik côngv ju lix hur jông” tâu tsưr tsix ntơưv TP Lào Cai, zaz zâuv chôngz chuyên gia, têx chiaz coaz seiz car thiêz doanh nghiệp li cxaz chuôz. Hâux lưv chêx chôngk sik seiz lax lok tsưr ziv huôv tsar truôx tul, heik mênhx txos ju lix hur jông li pưs txux hâur por vêv tênhx qơư, vênhx huôv thiêz muôz siêz luz nênhx côngv thôngx. Têx teiv plor thix ziv sik côngv têx tsiv grê, doanh nghiệp đros côngv thôngx thiêz cxiv tsa têx sik côgnv ju lix hur jông. Jiês sik thav tâu njênhs njôngr gôngr phênhv ndar txos ntu lêx ntêr trâu ju lix hur Lào Cai- Yên Bái hâur tsưr ziv huôv tsar truôx tul thiêz sik côngv tỉnh zuôr txos. Ntơưv jiês sik thav, pos Cao Thị ngọc Lan, Phưv Chủ tịch thường trực Hiệp hội ju lix VN khav tênhv: “Xar cxiv tsa têx xiv huv ju lix hur mak tsuv muôx chính quyênx tiv phaz, doanh nghiệp, côngv thôngx thiêz tsôngv kruô ju lix li sik côngv uô thiêz. Tas nro têx co thiêx li gôngr phênhv huôv tsar jông ju lix hur thiêz jông”./.

An Kiên-Txâur Vax cxeik nhênhv

             Lok nas lox hâur hmo thiêz têis cik sơưr nzor hnuz 8/6 tưz uô ruôr hiêv txos iz cxiê thax tsav blêx thiêz pêx xênhv têx vax tsêr sâuv thax tsav xar Nậm Ty, huyện Sông Mã, Sơn La. Xor mông txix Ban Sêiz car Phax tar ntux têz ruôr hiêv thiêz zok nriêr chơưv paz huyện Sông Mã, Sơn La hêik pâuz, lok nas lox tưz uô trâu chor đêx huôv lok sêi, cuôr yôngz thiêz cxuz tas iz cxiê thax tsav blêx liêx trơưk oz saz ntus đêx. Iz cxiê luz tsêr nhoz jê đêx cux trâus đêx ngaz thiêz cuôr ar lok cxuz tas. Zơưv Nguyễn Tiến Hải, Phưv Chủ tịch Ủy ban huyện Sông Mã, Sơn La puz pâuz: “Ban sêiz car phax tar ntux têz ruôr hiêv thiêz zo nriêr chơưv paz huyện tưz hêik pâuz têx xor mông, chox kriê chor xar nriêr pâuz qênhx shenhx thiêz hêik chor ziv chuôz zis nhoz jê têx đêx, qơư zôngx ziv muôx đêx ngaz cuôr, ar poz phax tar, sir jos đơưk kho têx phiv liv muôx yưv. Đros thax tsav Nậm Ty, xar tsênhv qênhz shuôk têx trâus ruôr hiêv, chox kriê chor lưx lươngv paz trâu pox nhuôs sir jos kho đuô”./.

Thủy-Hạnh-Lik Thox cxêik nhênhv

               Jiês ntux lok nas ntêr txix hmo siêz 7 txos hnuz đhâu xiêz 8/6, tưz uô đêx ngaz, tox poz ntơưv ntâu thax tsav nhoz tỉnh Lai Châu. 17 cxênhz ntâu yiv đruôz ar poz lok têx cêr muk lok, uô zaoz thôngz muk lok tsi tâu. Xav txos 4 six zar hnuz keix hnuz đhâu, tas nro tỉnh tưz muôx tsôngv box li 140 luz tsêr trâus đêx ngaz, 100 hecta blêx, zuôr xar 60 hecta pas tu zus njês trâus ruôr hiêv, đros yênhx puôk tul tsiêx cxu, keiz ok trâus đêx cuôr yôngz. Txơưv tsi trâus ruôr hiêv lok lênhx nênhs, no zos jiês ntux lok nas lox tiv 3 txix hâur cheix ntux lok nas txos nhiv no uô ruôr hiêv hnhar. Cheix Ntux lok nas shông no tâu njuôs pov muôx ntâu txơưr txar, viv li chính quyêx tưz thiêz tsênhv canhv pov tsôngv box sâuv thax tsav, tiv zix zos pox nhuôk nhoz uô nênhx jê têx ntus đêx, njưs đêx thiêz têx thax tsav njuôs xav muôx tox poz siêz tsưv ziv thâuv muôx ntux lok nas lox, thôngx cxix chuv tôngv krêz uô têx tsưr ziv phax tar chiê txu grês têx trâus ruôr hiêv./.

Khắc Kiên-Txâur Vax cxeik nhênhv