Tas nro tỉnh Sơn La nhiv no muôx 120 cxênhz ntâu lênhx zos nênhs lâul hnuz nhôngs siêz. Uô lơưr đêx anr tsoz phưz đas jos nênhs lâul hnuz nhôngs siêz ntu 2021-2030, 100% Ủy ban cxuô cấp; têx taz viv y tế hâur thax tsav tỉnh tso tơưv tsưr ziv fuô uô. Iz chas cxiv tsa thiêz nthuôr đar trâur nuv câu lạc bộ siz paz, uô lơưr têx câu lạc bộ thể thao-vênhx huôv luôs hâux lưv uô tâu jông, hâu nov cxuô cấp, têx taz viv hâur thax tsav tỉnh tưz sir jos, bax fuô uô trơưk tsênhv chei, chei têz qơưk lok tsoz phưz đas jos nênhs lâul hnuz nhôngs siêz.... Khov co, tas nro tỉnh muôx zuôr xar 60% lênhx lâul nênhs hnuz nhôngs siêz tâu seiz njuôk shuôs đas jos trơưk cui tinhv, tsơưs tsơưs iz shông iz jiês; 57% lênhx nênhs lâul hnuz nhôngs siêz tâu uô ntâuz ntơưr seiz car đas jos; 85% nênhs lâul hnuz nhôngs siêz muôx ntơưr seiz njuôk shuôs moz. Chiê uô tâu luôs hâux lưv heik sâuv, por hưv nênhs lâul hnuz nhôngs siêz, sir jos cov muôx 70% ntâu chor nênhs lâul tâu seiz njuôk shuôs đas jos trơưk cui tinhv, tsơưs tsơưs iz shông iz jiês; 95% chor nênhs lâul tâu uô ntâuz ntơưr sox seiz đas jos, zơưv Nguyễn Thành Công, Phưv Chủ tịch Ủy ban tỉnh Sơn La heik: “Hâur ntu zuôr txos, Sơn La yuôr 75% xã, phường. Sir jos cov luz xã, phường tưs cux muôx chi hội nênhs lâul hnuz nhôngs siêz. Sir jos uô jông cxuô luôs hâux lưv, hu zâuv ntâu pênhr jos chiê cxiv tsa cuiv nhiêx hội jông đuô thiêx tsoz phưz tâu jông đuô trâu chor nênhs lâul hâur Hội nênhs lâul hnuz nhôngs siêz. Sir jos uô li chas chiê tas nro cxuô lênhx nênhs lâul puôr lênhx tâu cxaz chuôz têx hâux lưv chính trị xã hội. Tror uô jông luôs hâux lưv tsoz phưz tsưr tsix hội thiêz têx lênhx lâul nênhs hâur hội nênhs lâul hnuz nhôngs siêz”./.

Bích Thủy-Riê Lâux cxeik, nhênhv