Sôr laov ntơưv ntênhs côngz fur tỉnh Lào Cai uô tiêr luôs hâux lưv paz uô tsêr nhoz trâu têx chuôz zis pluôs, chuôz zis txov nhêv zar hnuz kêix 19/6 tso pov, tas nro tỉnh tưz uô tiêr 100% hâux lưv tso tơưv, tâu nzor đuô 2 hlik ntâu pir li T.Ư tsưr ziv tso tơưv, đros thiêz zuôr xar 11 cxênhz luz tsêr tâu cxiv kho, uô đuô yiêz. Chor tsêr đaz tuôs tâu paz uô hâur Lào Cai tsênhv ntâu đuô 2.800 luz pir li Tỉnh ủy Lào Cai Nghị quyết sôr 50 hnuz xiêz 03/7/2024. Tsaz yênhx tưz hu zâuv tâu sơưr đơưk sik đros paz nhiêx txiêx, xav hur si tâu zuôr xar 1.100 tyv đeiv, hâur co muôx têz qơưk, ntơưv qơư thiêz tsôngv cưr tix nênhx tsa sơưr đơưk paz lok six ntâu. Heik ntơưv ntênhs côngz fur, zơưv Trịnh Xuân Trường, Bí thư Tỉnh ủy, Chủ tịch Ủy ban tỉnh Lào Cai heik: “Hâur ntu zuôr txos, pêz cux tsuv tror sir jos uô jông luôs hâux lưv yax kriê txos trâu tsôngv pêx xênhv chiê sơưr đơưk sir jos hla đhâu cêr pluôs truôx; tror uô cov tiêr iz cxiê côngz trênhx nhiv no tsênhv taz vov uô ntơư chiê tâu sir zôngv, uô hâux lưv lok hli 6/2025. Sở Kôngz nuv thiêz tênhx qơư đros cxuô huyện nhiv no thiêz chor xã, hâur ntu zuôr txos, ciês hâur hli 7 tsuv uô tiêr hâux lưv muôz ntơưr côngk nhav sir zôngv ar trâu pêx xênhv”./.

An Kiên-Riê Lâux cxeik, nhênhv

                 Uô lơưr Ban Thường vụ Tỉnh ủy Yên Bái li Kết luận lok tsưr ziv kho đuô têx taz viv sự nghiệp công lập cấp huyện thâuv kriz uô tsưr tsix chinhr quyền thax tsav qơư 2 cấp, njuôk xav, zuôr txos no Yên Bái zuôr hlôngr 389 tsêr cơưv nhuôv zâu, cxênhx iz, cxênhx oz công lập nhiv no nhoz cấp huyện lok trâu Ủy ban cấp xar yiêz sêiz car. Lơưr co, zuôr muôx 159 tsêr cơưv nhuôv zâu, 57 tsêr cơưv cxênhx iz, 46 tsêr cơưv cxênhx oz thiêz 127 tsêr cơưv cxênhx iz thiêz cxênhx oz tsênhv nhoz cấp huyện tâu choz zk lok trâu Ủy ban cấp xar yiêz sêiz car cxuô nro têx huôx tôngv. Taz sik, Sở Zoz zux cux zos taz viv kriê uô têx hâux lưv hâur nganhx sêiz car. Njuôk xav têx vax tsêr, lớp cơưv ntơưr zuôr tâu tuôr truôx jông liz kuz, tsik uô phiv liv txos shux xênhz hâux lưv cơưv ntơưr, muk lok./.

Báo Yên Bái-Lik Thox cxêik nhênhv

             Quỳnh Nhai-huyện tox siêz hâur tỉnh Sơn La, thax tsav muôx 8 cxênhz ntâu chuôz zis tsuv yêik txar qơư nhoz chiê zuôr qơư uô tsêr meir tênhv tênhz Sơn La, tsênhv sir jos cxiv tsa jêx jok yiêz. Đhâu 4 shông fuô uô Nghị quyết 14, huyện tưz uô tâu ntâu luôs hâux lưv jông li: 100% xã uô tâu luôs hâux lưv cxiv tsa jêx jok yiêz, xav kror đruôz đraz iz lênhx nênhs muôx phênhv sâu tâu zuôr xar 44 tsov đeiv iz shông; chor chuôz zis pluôs txo grêk tsơưs xar muôx 4%. Heik ntơưv jiês cơưv ntâuk grê Ban Thường vụ Tỉnh ủy Sơn La Nghị quyết sôr 14 lok cxiv tsa huyện Quỳnh Nhai uô tâu luôs hâux lưv cxiv tsa jêx jok yiêz tas cik hnuz 19/6 nhiv kruôr đhâu ntơưv huyện Quỳnh Nhai, zơưv Lò Minh Hùng, Phưv Bí thư Thường trực Tỉnh ủy Sơn La heik mênhx: “Heik Đảng ủy, Ủy ban tỉnh, cxuô cấp ủy đảng, hâu nov, MTTQ thiêz têx tsưr tsix chính trị xã hội hâur tỉnh thiêz huyện Quỳnh Nhai tror chox car, chox kriê uô luôs hâux lưv cxiv tsa jêx jok yiêz hâur thax tsav huyện Quỳnh Nhai đhâu muôz iz cxiê thax tsav qơư, cơ quan, taz viv lok uô cê chiê lês uô tâu jông đuô cxuô luôs hâux lưv tso tơưv, lar heik zos lok sâuv vênhx huôv, phênhv sâu tâu, tênhx qơư taz por tsi uô tuôr thênhv txos fuô uô têx hâux lưv muôz iz cxiê thax tsav qơư lok uô cê lơưr 2 cấp”./.

            Trấn Long-Riê Lâux cxeik, nhênhv

            Zar hnuz kêix 19/6, Giải sik tưr đhiê chor hluôk nênhs tas nro têz qơưk tưz tâu tsưr tsix ntơưv yar tiêx vận động Qơư liên hợp Thể thao tỉnh Lai Châu, đros muôx zuôr xar 1.000 lênhx nênhs tuôx txix 65 hâur hur si têz qơưk cxaz chuôz.

          Giải sik tưr đhiê chor hluôk nênhs tas nro têz qơưk zos giải thể dục thể thao trâu chor hluôk nênhs hâur tas nro têz qơưk, tâu tsưr tsix yênhx shông, Giải shông no zos Cục Thể dục thể thao Việt Nam; Liên đoàn Điền kinh Việt Nam sik côngv đros tỉnh Lai Châu tsưr tsix.

             65 đoàn thik tưr tâu jông nhoz 63 tỉnh, thành phố thiêz 2 tsênhv qơư kriê thể thao nganhx Công an thiêz Quân đôiv đros sik tưr hâur jiês no, đros tas nro muôx 968 lênhx nênhs. Chor nênhs no zuôr thik tưr nhoz 86 bôv huy chương thiêz tas nro đoàn, muôx 3 hov hnuz nhôngs: Chor nênhs xênhz zus txix shông 2012-2013; chor nênhs xênhz zus txix shông 2010-2011 thiêz chor nênhs xênhz zus txix shông 2008-2009. Tas nro zuôr thik tưr đhâu sik tưr đhiê, sik tưr đhiê siêz, đhiê đêz, muk tơư, đhiê pêz truôv…/.

Khắc Kiên-Lik Thox cxêik nhênhv