Nhiv kruôr đhâu, ntơưv Hà Nội, lênhs tov Tỉnh ủy Lào Cai thiêz Yên Bái uô hâux lưv đros Tuêv côngz xưv TƯ lok tsưr ziv krêz uô Nghị quyết Phêv ziv jiês tiv 11 BCH TƯ Đảng khóa 13, đros côngz xưv bax trâu Đại hội Đảng bộ tỉnh Lào Cai (yiêz) six cxiv 2025-2030. Phêv ziv zos zơưv Phạm Đại Dương, Ủy viên BCH TƯ Đảng, Phưv tsar Ban chính sách chiến lược TƯ lov lik. Phuôx plov ntâuk grê, zơưv Phạm Đại Dương ntâuk grê siêz chinhz yênhx chuv tôngv, sik côngv siêz, thôngx ziv hâur lênhs tov 2 tỉnh Lào Cai thiêz Yên Bái hâur hâux lưv sik côngv krêz uô têx jênhv vưv. Chiê taz por tsưr ziv thiêz tsơưr lươngv huv đros, zơưv thix ziv lênhs tov 2 tỉnh ciêr chênhr uô tiêr côngz xưv, taz por sik côngv thiêz huôx tôngv uô ntêx hnuz 15/8. Thôngx cxix, tsuv seiz shuôk, uô tiêr côngz xưv bax trâu Đại hội, tiv zix zos tsov cưv cxiv tsa pov cov chính trị tsơưr lươngv siêz, ndar txos huôv tsar trâu tỉnh Lào Cai (yiêz) hâur ntu zuôr txos./.

An Kiên-Txâur Vax cxeik nhênhv

             Tỉnh Sơn La nhiv no muôx 85.000 ntâu héc ta ntông nox txir thiêz txir tuôz ziz, shông 2025 sâu tâu muôx 510.000 ntâu tấn. Ntâu hax huv tưz tâu muôs muk trâu saz đrâuv têz qơưk, hâur co muôx chor têz qơưk li Mỹ, châu Âu, Nhật Bản, Hàn Quốc, paz muôx tâu ntâu kror jông trâu chor txir ntông Sơn La. 17 tsêr mêir thiêz 540 ntâu qơư uô têx kôngz nuv sâuv thax tsav tỉnh Sơn La li huôx tôngv cux tưz paz txo grêk tsơưs têx phiv liv trâu chor txir ntông thiêz paz tsar ndê tsiv gri trâu têx hax huv. Ntâu zav txir ntông tưz tâu chor doanh nghiệp thiêz HTX sâu zuôr, uô yênhx têx hax huv txir ntông kra kruôr, cuô đêx hâuk… Lơưr zơưv Nguyễn Thành Công, Phưv Chủ tịch Ủy ban tỉnh Sơn La, têx tsưr ziv sâu zuôr, muôs tơưv saz đrâuv têz qơưk tâu tỉnh chox kriê kriz uô cxix cxuô sâuv thax tsav, tiv zix zos têx hax huv txir ntông tsênhv siêr ndax chiv li  txir khơưz đuz, txir mo môngk, zuôr txos no zos txir lưv tsiz sôngz: “Iz zos muôs hâur têz qơưk, ntơưv têx ciêz, cxiv luôs chor qơư muôs hax huv lox hâur tas nro têz qơưk chiê muôz chor txir mo môngk, txir khơưz đuz thiêz zuôr txos no zos chor txir lưv tsiz sôngz chor muk muôs hâur têx siêu thị Việt Nam. Tiv oz zos Sơn La sir jos chiê muôz chor hax huv no lok uô hâur têx tsêr mêir, paz đơưk kho sâu tâu ntâuhâur iz chêix chiv, sir jos uô cov tsar ndê tsiv gri trâu têx hax huv…”./.

Lê Hạnh-Lik Thox cxêik nhênhv

              Thanh tra tỉnh Điện Biên nhiv kruôr côngz fur ntâuk grê chêx cuk qênhz yuôx, heik tơưv têx uô cxâuv lok nhiêx txiêx 500 tsov đeiv ntâu ntơưv 3 dự án zos Ban seiz car dự án têx côngz tsinhx dân dụng thiêz Công nghiệp tỉnh Điện Biên uô tsưr yưv pênhr. Ntâu luôk hâux lưv tsi tâu uô tâu lok đấu thầu, seiz car hôx thôngx thiêz yưv pênhr tưz tâu qênhz pov, txơưx jênhv zos lênhs tov Ban thiêz têx taz viv cik txos. Chêx cuk qênhz yuôx tso pov, côngz xưv uô ntâuz ntơưr zaz zâuv yưv pênhr muôx iz cxiê uô cxâuv, li bê, qơư tsiv uô chuôz zênhx, uô cxâuv Grê 89 Chei đấu thầu shông 2013. Zoz qơưx lok pov cov nhiêx txiêx tsi taz por shông jê tiv zix, tsi muôx ntơưr chứng chỉ uô hâux lưv đấu thầu thiêz tuêv chuyên gia li ntơưr thox cxov. Qênhz yuôx tỉnh Điện Biên tưz heik Ban seiz car dự án sâu tas nro têx nhiêx txiêx uô cxâuv lok chiz coaz thanh tra li tài khoản, thôngx cxix thix ziv Giám đốc Ban tsưr tsix kiểm điểm txơưx jênhv đros lênhx nênhs, phòng ban cik txos./.

Vũ Lợi-Txâur Vax cxeik nhênhv

             Cux ntơưv Điện Biên, iz lênhx txir nênhx zos Lưv Xênhv Tsaz, xênhz shông 1989, nhoz ntơưv xar Phình Hồ, huyện Nậm Pồ nhiv kruôr trâus Bôv đôiv Pênhz phax cxov tâu thâuv tsênhv jêik tsês 12.000 njiêr yuôx shơư zax zênhz ntơưv tsêr têz. Lưv hêik tiêk chor zax zênhz co tâu zuôr txix iz lênhx txir nênhx pâuz tsik tsênhz chox lok jêik tsês thiêz muôs zuôr nhiêx liv. No zos têx sir jos uô tâu jông hâur jiês kriz uô phax tar chor nênhs phamv cxâuv zax zênhz shông 2025 sâuv ntus đriv Tây Bắc.

           Nhiv no txuz hâux lưv tsênhv tâu Zênhx Pênhz phax Si Pa Phìn uô cov tiêr têx ntâuz ntơưr chiê muôz tik cêr cxâuv trơưk chêi têz qơưk cui tênhv./.

Vũ Lợi-Lik Thox cxêik nhênhv