Ƀơi hơdôm tơring čar kual Dap Kơdư hăng Dơnung tong krah, tui hăng hră pơtrun mrô 320, Ding jum kơđi čar pơsit akŏ pơdong ping gah tơring čar Dak Lak, tui hăng hơbô̆ bruă phrâo pơmut dua tơring čar Dak Lak hăng Phú Yên. Hră pơtrun 319, Ding jum kơđi čar pơsit akŏ pơdong ping gah tơring čar Lâm Đồng tui hăng hơbô̆ bruă pơmut hĭ 3 boh tơring čar Lâm Đồng, Dak Nông hăng Bình Thuận.

Hră pơtrun 318, Ding jum kơđi čar pơsit akŏ pơdong anom bruă ping gah tơring čar Khánh Hòa tui hơbô̆ pơmut dua tơring čar Khánh Hòa hăng Ninh Thuận. Hră pơtrun 317, Ding jum kơđi čar pơsit akŏ pơdong anom bruă ping gah tơring Gia Lai tui hơbô̆ bruă pơmut dua tơring čar Gia Lai hăng Bình Định. Hră pơtrun 316, Ding jum kơđi čar pơsit akŏ pơdong anom bruă ping gah tơring čar Quảng Ngãi tui hăng hơbô̆ pơmut hrŏm 2 tơring čar Quảng Ngãi hăng Kon Tum.